رومیأن 8:8 - Gilaki New Testament

⁸ هنٚ وأسی، اوشأنی کی هنو خوشأنی کُئنه ذأت کی گونأ اَمرأ ایتأ بوبوسته اسیرٚده، نٚتأنٚده خودایَ خوشألَ کونٚد.

کتاب مقدس به زبان گیلکی - گویش شرقی

⁸ اوشونی کی جسم اوشونِ به حکم کونه، مننئن خُدا راضی بوکونن.

کتاب مقدس به زبان گیلکی - گویش رشت و غرب گیلان

⁸ اوشانی کی جسم اوشانِ ره حُکم کونه، نتانیدی خُدایَ راضی بُکونید.

رومیأن 8:8 ပူးပေါင်းရင်းမြစ်များ

متّی 3:17

هو موقع آسمأنٚ جَا ایتأ صدا فأرٚسٚه کی «اَن می جأنٚ دیلٚ پٚسره، کی اونی جَا خوشألم.»

یوحنا 3:3

عیسا جوأب بٚدأ: «رأس‌رأسِی تٚرَه گم، اگه تأزه تولد نیأفی، هیوخت نتأنی خودا ملکوتَ بیدینی.»

یوحنا 8:29

اونی کی مٚرَه اوسه کوده، می اَمرأ‌یه و مٚرَه تنأ نٚنَه، چونکی من همیشٚک اونی خوروم کأرأنَ انجأم دٚهٚم.»

رومیأن 1:21

هطویه، دوروسته کی اَ حِئقتأنَ مردوم دأنٚده ولی هیوخت حأضیر نییٚده اونَ ایعترأف بوکونٚد و خودایَ پرستٚش و شوکر بوکونٚد. اونی عوض دروأره‌یٚ خودا وجود دأشتٚن و اونی ایرأده، نأدأنٚ عقیده‌یأنٚ ایبدأع کونٚده هنٚ وأسی اوشأن نأدأنی فیکرأن، تأریک و پریشأنَ بوسته

رومیأن 7:5

او وخت کی هنو اَمی کُئنه ذأت اَمی وجودٚ سٚر حوکم دأشتی، او هوسأنی کی پورجٚه گونأ بو اَمی وجود میأن کأر کودیدی و دینی حوکمأن اَمٚرَه اَنتیریک کودی و تترج مرگٚ رِه مأصول اَوٚردیمی.

رومیأن 8:9

البت شومأن شیمی کُئنه ذأت کی گونأ اَمرأ ایتأ بوبوسته حوکمٚ جیر نئیسأییدی، بلکی روح‌القدسٚ حوکمٚ جیر ایسأیید، اگه خودا روح شیمی وجودٚ دورون سأکین بٚبه. شٚمٚره خأطر بٚبه کی اگه مسیحٚ روح اینفرٚ وجود دورون سأکین نٚبه، اون اصلن مسیحی نییٚه.

اوّل قرنتیان 7:32

من خأیم کی شومأن همه چی دورون جٚه ایضطرأب و دیلوأپسی سیوأ بیبید. ایتأ مردأی کی عروسی نوکوده، تأنه تومأمٚ خو وختَ خوداوندٚ خیدمتٚ رِه بٚنه و اونی تومأمٚ فیکر اَن بٚبه کی اونَ خوشألَ کونه.

فیلیپیان 4:18

هسأ، همه‌چی دأرم کی حتّا جٚه می نیأز ویشتره؛ و پیشکشأنی کی «اپافرودیتوسٚ» دٚسٚ جَا اوسه کودیدی میأن غولطه خوردأندٚرم، او پیشکشأنی کی خوشبو قوربأنی مأنستَن، خودایَ رأضی کونه.

کولسیان 1:10

کی اَطویی، کردکأری بٚدأرید خوداوندٚ موقأمٚ اَندر و اوطو زٚندیگی بوکونید کی خودایَ خوش بأیٚه طوری کی هرتأ خورومٚ کأرٚ دورون بأر بأوٚرید و خودا شنأختنٚ دورون پیلّه بید.

کولسیان 3:20

ای زأکأن، شیمی پئر و مأرٚ جَا گب بشتأوید چون اَن خودایَ خوشألٚ کونه.

اوّل تسالونیکیان 4:1

دِه اَنکی، اَی جأنٚ دیلٚ برأرأن و خأخورأن، خوداوند عیسا ایسمٚ وأسی شیمی جَا خأهیش کونیم اوجور رفتأر بوکونید کی خودایَ خوشألَ کونید، هوطویی کی شٚمٚره بأمؤختیم. دأنٚم کی هطویم رفتأر کونیدی، امّا شٚمٚره تِشویق کونیم جٚه اَ خأطر ویشتر حقٚ سعی بٚزنید.

عبرأنیأن 13:16

جٚه خورومٚ کأر و اوشأنی کی ایحتیأج دأرٚده یاور دٚئنٚ جَا غأفیلَ نیبید، چونکی اَجور کأرأن او قوربأنیأنَ مأنه کی خٚیلی خودایَ خوشألَ کونه.

عبرأنیأن 13:21

و اونی جَا خأیم اونچی کی ایحتیأج دأریدٚ اَمرأ، شٚمٚره آمأدَه کونه کی اونی ایرأده‌یَ انجأم بدید، و عیسا مسیحٚ قوّتٚ اَمرأیم اونچی‌یَ کی اون خوش دأره، اَمی میأن بوستنی بوکونه. شوکو و جلال تأ اَبد مسیحٚ رِه بٚبه. آمین.

اوّل یوحنا 3:22

بأزون هر چی اونی جَا بخأییم، بٚدٚس اَوریم چونکی اونی حوکمأنٚ جَا ایطأعت کونیم و کأرأنی‌یَ انجأم دیهیم کی قوبیل دأره.