رومیأن 14:14 - Gilaki New Testament

¹⁴ منم، او ایختیأرٚ وأسی کی خوداوند عیسا مٚرَه فأدأ، بأوٚر دأرم کی هیتأ غذأیَ خوردن، خؤرَه خؤرَه ایشتیوأ نییٚه. ولی اگه اینفر ایعتقاد بٚدأره کی اَ کأر ایشتیوأیه، اَطو بٚبه، اَجور آدمٚ رِه ایشتیوأیه.

کتاب مقدس به زبان گیلکی - گویش شرقی

¹⁴ مو عیسی یِ خُداوند مئن دونم و قانع ایسَم کی هیچی خوشئبه نجیس نئه. ولی اگه یک نفر یک چئه نجیس بودونه، اونِ به نجیسه.

کتاب مقدس به زبان گیلکی - گویش رشت و غرب گیلان

¹⁴ عیسایِ خُداوندِ درون، من دانم و قانع ایسَم کی هیچی خوره خوره نجس نیه، ولی اَگه اینفر ایچی یَ نجس بدانه، اونِ ره نجسِ.

رومیأن 14:14 ပူးပေါင်းရင်းမြစ်များ

مَرقُس 7:2

اوشأن وختی بیدِده کی بعضی جٚه اونی شأگردأن نجستٚ دٚسٚ اَمرأ ینی نوشؤسته، خوردنی خورٚده، اوشأنَ سٚرزنش بوکودٚد.

اعمالٚ رسولأن 10:28

پطرس اَشأنَ بوگفته: «شومأن خودتأن دأنیدی کی یوهود قأنونأن ولأنه کی من بأیٚم ایتأ آدمٚ خأنه کی یوهودی نییٚه. ولی خودا رویأ میأن مٚرَه نیشأن بٚدأ کی هیوخت نوأستی کسی‌یَ نجست بدأنم

رومیأن 14:2

مثل بأوٚرٚم، اینفرٚ ایمأن اونَ وئأله هرچی‌یَ بوخوره، ولی اویتأ کی اونی ویجدأن حسأسه، فقد سبزییأنَ خوره.

رومیأن 14:20

ایتأ پیسخأله گوشتٚ وأسی خودا کأرَ خرأبَ نوکونید. وأزم تیکرأر کونم، گوشتٚ میأن ایشکأل ننأ، ولی اگه اونی خوردن اینفرٚ ایمأنٚ سوستی و لغزشَ بأعیث بٚبه، اَ کأر گونأ بٚحیسأب اَیِه.

رومیأن 14:23

ولی اینفرٚ ویجدأن، او کأرٚ وأسی کی کودأندٚره نأرأحته، اصلن نوأستی او کأرَ دٚس بیگیره، چونکی اَطویی گونأ بوکوده، چونکی اونی ویجدأن او کأرَ گونأ دأنه. پس اگه خأییدی ایتأ کأر بوکونید کی اونَ گونأ دأنیدی، اونَ انجأم ندید، چونکی او کأر کی غورصه‌دأر ویجدأنٚ اَمرأ انجأم بٚبه گونأیه.

اوّل قرنتیان 10:25

پس تأنیدی اَ کأرَ بوکونید: هرتأ گوشتَ کی بأزأرٚ دورون فوروشده، بیهینید و بوخورید، وأنوٚرسید کی اَ گوشت بُتأنٚ رِه قوربأنی بوبوسته یا نه، کی شیمی ویجدأن نأرأحتَ نٚبه.

اوّل قرنتیان 8:10

چونکی اگه اینفر خو سوستٚ ویجدأنٚ وأسی، قوربأنی گوشتٚ خوردنَ دوروست نأنِه، بیدینه کی شومأن شیمی او کأمیلٚ شنأختٚ اَمرأ کی دأریدی، بُتخأنه نهارخوری دورون نیشتِئید و اَطوچی گوشتی‌یَ خوردأندرید؛ مگه اونی دیلٚم نٚخأیه کی او غذأیَ کی بُتأنَ پیشکش بوبوسته بوخوره؟

اوّل قرنتیان 8:7

ولی همٚتأ ایمأندأرأن اَطوچی شنأختٚ جَا بهره نبرٚد. ایتأ عیده هطو اَ گومأنٚ اَمرأ عأدت بوکودٚد کی بُتأنٚ واقعی ایسٚد کی وختی ایتأ غذأیَ خورٚده کی بُتأنَ پیشکش بوبوسته، اونَ رأس‌رأسِی خودایأنٚ پرستٚش دأنٚده و اوشأنٚ سوستٚ ویجدأن نجستَ بِه.

اوّل تیموتائوس 4:4

هر چی کی خودا بٚوجود بأوٚرده، خُبه و وأستی شأدی اَمرأ اوشأنٚ جَا ایستفأده بوکونیم. البت وأستی اوشأنٚ وأسی خودایَ شوکر کودن

تیتوس 1:15

اونی کی اونٚ دیل پأک بٚبه، همه چی اونی رِه پأکَ؛ ولی اونی کی سیأ دیل دأره و ایمأن نأرِه، هیچی اونی رِه پأک نییٚه چون هم اونی فیکر فأسید و کثیفٚ و هم اونی ویجدأن.