رومیأن 14:13 - Gilaki New Testament

¹³ پس، کس‌کسٚ محکوم کودنٚ جَا دٚس فأکٚشیم و اونی عوض، حقٚ سعی بٚزنید شیمی کردکأر اوجور بٚبه کی البأقی ایمأندارأنٚ لغزش و کٚفتنَ بأعیث نٚبه.

کتاب مقدس به زبان گیلکی - گویش شرقی

¹³ پس، باین بازین کس کسونه قضاوت نوکونیم. در عوض تصمیم بگیرین کی هیچ سنگی گراخوردن ئبه و یا مانعی شیمئه برار راه سر ننین.

کتاب مقدس به زبان گیلکی - گویش رشت و غرب گیلان

¹³ پس، بائید بازین پس همدیگرَ قضاوت نُکونیم، بلکی تصمیم بیگیرید کی هی سنگی تاش خوردن ره و یا مانعی شیمی برار راه سر ننید.

رومیأن 14:13 ပူးပေါင်းရင်းမြစ်များ

متّی 16:23

عیسا وأگٚردٚست و پطرسَ بٚفرمأسته: «می جَا دورَ بو اَی شیطان! تو مِرِه ایتأ خطرنأکٚ دأمی! تو اینسأنی فیکرٚ اَمرأ اَ موضو‌یَ فأندٚری، نه خودایی فیکرٚ اَمرأ.»

متّی 18:7

«وای بحألٚ اَ دونیأ کی بأعیث به مردوم خوشأنی ایمأنَ جٚه دٚس بٚدٚد! گونأ کودنٚ وسوسه همیشٚک نٚهأ، ولی وای بحألٚ اونی کی مردومَ وسوسه بوکونٚه.

متّی 7:1

«دیگرأنَ قیضأوت نوکونید، کی شٚمٚره قیضأوت نوکونٚد.

لوقا 12:57

چٚره نخأیید حِئقتَ قوبیل بوکونید؟

لوقا 17:2

اونی رِه بِیتره کی ایتأ پیله‌دأنه سنگَ خو گردن دٚوٚده و دریأ میأن تأوٚدأ بٚبه کی بأعیث بٚبه ایتأ جٚه اَ زأکأن لغزش بوخورد.

رومیأن 11:9

داوودم کی پیغمبر بو دروأره‌یٚ اَ کأر اَطو بوگفته: «بِیتر هنٚ کی اوشأنٚ رنگٚ وأرنگٚ سٚفره اوشأنٚ رِه دأم و تله بٚبه کی گومأن بوکوند دونیأ اوشأنی دٚهٚنٚ مزه بوکونه. اَطو بٚبه کی او برکتأن اوشأنی لغزشَ بأعیث بٚبه و او آخر عأقبتی کی اونٚ لیأقتَ دأرٚده، فأگیرد.

رومیأن 14:10

پس، چٚره تی برأر و تی خأخورَ قیضأوت کونی؟ یا چٚره اونَ تی چومٚ دورون کوجه‌دأنه دینی؟ شیمی خأطرٚ دورون بٚدأرید کی هرتأ جٚه اَمأن وأستی خودا دأوری تختٚ جولو تنأ بئیسیم.

رومیأن 14:3

پس اوشأنی کی اَجور گوشتٚ خوردنٚ رِه موشکیل نأرٚده، اوشأنی‌یَ کی نوخورٚده ملأمت نوکونٚد و اوشأنی کی نوخورٚده، اوشأنی جَا کی خورٚده ایرأد نیگیرٚد، چونکی خودا قوبیل بوکوده کی اَشأنٚم اونی زأی بٚبٚد.

رومیأن 14:4

اوشأن خودا بنده‌یأن ایسٚد، شیمی بنده‌یأن نییٚد، اوشأن فقد خودایَ جوأب پس دٚهٚده، نه شٚمٚره. هنٚ وأسی، وئألید خودا اوشأنی عقیده دوروست یا غلط بؤئؤنَ اَشأنَ نیشأن بٚده و البت خودا قأدیره کی اوشأنَ کومک بوکونه کی دوروستٚ رأیَ پیش بیگیرٚد.

رومیأن 16:17

ختمٚ کلام، اَی جأن و دیلأن، خأهیش کونم جٚه اوشأنی کی دودستگی و تفرقه چأکونده، دؤر بئیسید چونکی اَجور آدمأن بأعیث بٚده، البأقیأنٚ ایمأن سوستَ بٚه و خأیده او عقیده‌یأنَ کی شیمی آموجه‌یأنٚ اَمرأ فرق کونه دروأره‌یٚ مسیح بأموجد.

اوّل قرنتیان 10:32

پس بٚپأیید کی هیکسٚ رِه لغزستنٚ سنگ نیبید، نه یوهودیأنٚ رِه، نه اوشأنی کی یوهودی نییٚد رِه، نه مسیحیأنٚ رِه.

اوّل قرنتیان 11:13

هسأ، شیمی نظر دروأره‌یٚ اَ موضو چیسه؟ ینی دوروست ایسه کی زنأی ایتأ جمٚ میأن، بودونٚ لچک دوعأ بوکونه؟

دوم قرنتیان 5:14

هرچی کونیمی، اَمی صرفٚ رِه نییٚه، بلکی اَنٚ وأسی ایسه کی مسیحٚ دوس دأشتٚن تومأمٚ کمأل اَمی وجود و جأنَ بیگیفته. و چونکی ایمأن دأریمی کی مسیح خو جأنَ امّا همٚتأنٚ رِه فٚدأ بوکوده، اَنٚم ایمأن دأریم کی اَمأن اَمی پیشتر زٚندیگی دورون کی گونأ اَمرأ ایتأ بوبوسته بو میأن بٚمٚردیم.

دوم قرنتیان 6:3

اَمأن ایجور زٚندیگی و کردکأر کونیمی کی هیکسٚ لغزشٚ بأعیث نیبیم، کی اَمی خیدمت ملأمت نٚبه.

فیلیپیان 1:10

کی بتأنید بِیترین کأرأنَ تشخیص بدید، و مسیح روجٚ رِه، پأک و بی‌عأیب بیبید.

اوّل تیموتائوس 5:14

پس می نظر اَنه کی بِیتره کی جوأنٚ ویوه‌یأن مردٚ رِه بٚبٚد و زأی بأوٚرٚد و خأنه دأشتٚنَ موشغولَ بد کی هیکس نتأنه کیلیسا جَا عأیب و ایرأد بیگیره.

یعقوب 2:4

آیا اَن نیشأن نٚده کی شومأن آدمأنٚ اَرزٚستٚنَ، اوشأنَ دأر و ندأرٚ اَمرأ دینیدی؟ آیا ایشتیوأ فیکرأنٚ اَمرأ اوشأنَ قیضأوت نوکودید؟

یعقوب 4:11

جأنٚ دیلٚ برأرأن، کس‌کسٚ جَا بد نیگید و ایرأد نیگیرید و کس‌کسَ محکوم نوکونید. چون اگه اَطو بوکونید، رأس‌رأسِی جٚه خودا حوکمأنٚ جَا ایرأد بیگیفتید و اونَ محکوم بوکودید ولی شیمی وظیفه نییٚه کی خودا حوکمأنَ قیضأوت بوکونید، بلکی اونٚ جَا فرمأن بٚبٚرید.

اوّل یوحنا 2:10

امّا هر کی خو همنویَ محبت کونه، نور دورونی زٚندیگی کونه و تأنه خو رأیَ فأندٚره، بودونٚ اَنکی گونأ و تأریکی جَا گریفتأرَ به.

موکأشفه 2:14

تومأمٚ اَشأنٚ اَمرأ، چنتأ ایرأد تی میأن دینٚم. تو اوشأنی کی بلعام مأنستَن ایسده غلطٚ آموجه‌یأنَ قوبیل کونی کی بالاقَ بأمؤخته کی چوطو ایسرأییلٚ قومَ فأکشأنِه گونأ ور. بلعامٚ رأنمأیی موطأبٚق، ایسرأییلٚ قومَ بی‌عیصمتی و بُتأنٚ پیشکش بوبوسته خوردٚنیأنٚ خوردنَ تِشویق بوکودٚد.