رومیأن 12:13 - Gilaki New Testament

¹³ شیمی مسیحی برأرأنٚ ایحتیأجأنٚ جٚه بین بردنٚ رِه، حقٚ سعی بٚزنید. شیمی خأنه دروأزه، همیشٚک میهمأنٚ رِه وأز بٚبه.

کتاب مقدس به زبان گیلکی - گویش شرقی

¹³ مقّدسون نیاز برطرف گودن مئن سهم بدَارین و مهمون نواز ببین.

کتاب مقدس به زبان گیلکی - گویش رشت و غرب گیلان

¹³ مُقّدسینِ نیازانِ برطرف کودنِ درون، سام بدَرید و مهمان نواز بیبید.

رومیأن 12:13 ပူးပေါင်းရင်းမြစ်များ

متّی 25:35

چون وختی کی مٚرَه ویشتأ بو، شومأن مٚرَه غذأ بٚدأییدی؛ تشنه بوم، مٚرَه آب فأدأییدی؛ بی‌کس بوم، مٚرَه جأ فأدأییدی؛

اعمالٚ رسولأن 10:4

کُرنیلیوس وأشٚتٚ اَمرأ اونَ فأندرسته و وأوٚرسِه: «آقأ جأن، چی فرمأیشی دأری؟» فٚرٚشته جوأب بٚدأ: «تی دوعأیأن و خوروم کأرأن، ایتأ یأدگأری پیشکشی مأنستَن خودا ورجأ بأمؤ!

اعمالٚ رسولأن 4:35

روسولأنَ فأدأیی کی فِقِرأنٚ میأن سأم بوکوند.

رومیأن 12:8

اگه شیمی عطأ تِشویق ایسه، البأقی آدمأنَ تِشویق بوکونید. اگه شیمی عطأ فِقِرأنٚ کومک کودن ایسه، دسٚ‌ دیلوأزی اَمرأ اَطو بوکونید. اگه خودا، مودیر بؤئؤنٚ قودرتَ عطأ بوکوده، اَ مسئولیتٚ جدی بیگیرید. اوشأنی کی پریشأن احوألأنَ دیل‌تسلأیی دٚئنٚ عطأیَ دأرٚده، بٚدأ ریغبٚت و مسیحی خصلتٚ اَمرأ، اَ خیدمتَ انجأم بٚدٚد.

اوّل قرنتیان 16:15

استیفانُس و اونی خأنوأرَ حتم خأطر دأریدی. اَشأن اوّلی نفرأن بود کی یونأنٚ میأن مسیحی بوبوستٚد، و خوشأنٚ زٚندیگی‌یَ مسیحیأنٚ کومک و خیدمتٚ رِه بٚنأد. خأهیش کونم

دوم قرنتیان 9:1

البت گومأن نوکونم خأطر اَوٚردٚن اَ موضو ینی ایمأندأرأنَ کومک کودن لأزیم بٚبه.

دوم قرنتیان 9:12

هنٚ وأسی، جٚه شیمی پیشکشأن دونه خورومٚ آخرپٚسی بٚدٚس اَیِه: ایتأ اَنکی ایمأندأرأنٚ ایحتیأجأن رفع بِه، اویتأ اَنکی بأعیث بِه کی اونی وأسی خودایَ شوکر بوکوند.

غلاطیأن 6:10

پس جٚه هر فورصٚتی کی بٚدٚس اَیِه، ایستفأده بوکونیم کی همٚتأنَ خُبی بوکونیم، بوخصوص اوشأنی‌یَ کی ایمأندأرأنٚ خأنوأرٚ جَا ایسٚد.

اوّل تیموتائوس 3:2

ولی کیلیسا نأظیر وأستی بی‌عأیب و ایرأدٚ آدم، ایتأ وفأدأرٚ مرد خو زنٚ رِه، نرم و خوش سولوک، خو کردکأرأنَ بٚپأیه، موحترم، میهمأن دوس بٚبه و اَ ذوقَ بٚدأره کی خودا کلامَ بأموجه.

اوّل تیموتائوس 5:10

هطوچی ویوه زنأکأن وأستی خورومٚ کردکأرأن بوکوده بید، زأکأنٚ آمؤختٚن، غریبه‌یأنٚ جَا پذیرأیی کودن، موقدسٚ آدمأنٚ پأیَ شؤستن، رنج بیدِکأنٚ یاور دٚئنٚ مأنستَن و هطو اَنکی خودٚشأنَ هرتأ خورومٚ کأرٚ رِه وقف بوکوده بٚبٚد.

تیتوس 1:8

و هطویم وأستی میهمأن بدأشته آدم بٚبه و خورومٚ کأرأنَ خوش بٚدأره. اون وأستی دوروست، مونصیف، پأک و خوددار بٚبه.

تیتوس 3:14

کی اَطویی اَمی کیلیسایأنٚ آدمأن یأد بیگیرٚد کی ضروری نیأزأنٚ رفع کودن و خورومٚ کأرأنٚ انجأم دٚئنٚ رِه تلاش بوکوند و خوشأنٚ زٚندیگی‌یَ بی فأیده نوگذرأند.

فیلیمون 1:7

منم تی محبتٚ جَا اَی برأر، خوشی و دیل‌آرامی بیأفتم، چون تی مهرٚوأنی، ایمأندأرأنَ دیلأنٚ تأزه کوده.

عبرأنیأن 13:16

جٚه خورومٚ کأر و اوشأنی کی ایحتیأج دأرٚده یاور دٚئنٚ جَا غأفیلَ نیبید، چونکی اَجور کأرأن او قوربأنیأنَ مأنه کی خٚیلی خودایَ خوشألَ کونه.

عبرأنیأن 13:2

جٚه‌ خأطرَ ندید کی غریبه‌یأنٚ اَمرأ مهرٚوأن بیبید و اوشأنی جَا میهمأن دأری بوکونید، چونکی بعضیأن اَ کأرٚ اَمرأ، بودونٚ اَنکی خودشأن بفأمٚد، فٚرٚشته‌یأنٚ جَا میهمأن دأری بوکودٚد.

عبرأنیأن 6:10

ولی خودا بی‌اینصأف نییٚه. چوطو بِه کی او زحمتأنَ کی اونی وأسی تحمول بوکودیدی اونٚ جٚه خأطرٚ شٚه، و اَنکی او محبتَ کی اونَ بدأشتیدٚ جٚه خأطرٚ ده، هو محبت کی خودا زأکأنٚ یاور دٚئنٚ اَمرأ نیشأن بٚدأییدی و دیهیدی؟

۱پطرس 4:9

شیمی خأنه دٚرَ بودونٚ اَنکی غُرغُر بوکونید، خوشرویی اَمرأ کس‌کسٚ رو وأزَ کونید.

اوّل یوحنا 3:17

امّا اونی کی ایدعأ کونه مسیحی ایسه و مأل و مینألٚ جَا شرأیطٚ خُبی دأره، اگه خو همنو ایحتیأجأنَ دینه و اونَ یاور نٚده، چوطو ایمکأن دأره خودا محبت اونی دیلٚ دورون حأکیم بٚبه؟

سوم یوحنا 1:5

می جأنٚ دیل برأر، تو خودا خیدمت کودنٚ وأسی وفأدأری چونکی اونی خأدیمأنٚ جَا کی جٚه اویَه دٚوأرٚده پذیرأیی کونی، هرچن کی تی آشینأیأنٚ جَا نییٚد.