رومیأن 11:18 - Gilaki New Testament

¹⁸ ولی وأستی بٚپأیید کی غرورَ دوچأر نیبید و اَنَ گولأز نوکونید کی او وأوِه بوبوسته دأرٚ خألأنٚ جأیَ بیگیفتیدی. جٚه خأطر ندید کی شیمی ارزش فقد اَنه کی ایتأ شقه جٚه دأر ایسید. هطویه، شومأن فقد ایتأ دأرٚ خألیدی، ریشه نیئیدی.

کتاب مقدس به زبان گیلکی - گویش شرقی

¹⁸ او خالونِ به گولاز نوکون. اگه ایطو کونی، تا یاد دبون کی تو نیی کی بنهَ دَانی، بلکی بنه تأ دَانه.

کتاب مقدس به زبان گیلکی - گویش رشت و غرب گیلان

¹⁸ اُ خالانِ واسی گُلاز نُکون. اَگه اَطو کونی، تی یادِ جا نَبر کی تو نیئی کی بَنّه یَ دَری، بلکی بَنه تَره دَره.

رومیأن 11:18 ပူးပေါင်းရင်းမြစ်များ

متّی 26:33

پطرس بوگفته: «حتّا اگه همّه تٚرَه تنأ بٚنٚد، من تی جَا دورَ نٚبم.»

یوحنا 10:16

من گوسوٚندأنی دأرم کی اَ طیویله میأن نئیسأده؛ وأستی اوشأنم بأوٚرٚم. اوشأنم می صدایَ ایشتأوده، همه کس‌کسٚ اَمرأ ایتأ گلّه بٚدأ و ایتأیم شبأن دأرٚده.»

یوحنا 4:22

شومأن سأمریأن اونٚ کی عیبأدت کونیدی جَا هیچی نأنیدی ولی اَمأن یوهودیأن اونَ شنأسیمی، چونکی نیجأت جٚه یوهود اَ دونیأ رِه فرأهم بِه.

اعمالٚ رسولأن 25:7

او وخت کی پولس محکمه‌یَ بوشؤ بودورون، اورشلیمٚ یوهودیأن اونَ دؤرَ کودٚد و خٚیلی چیزأن اونی ضد بوگفتٚده کی نتأنستٚد خوشأنی گبأنَ کرسی سٚر بینیشأنٚد.

رومیأن 11:20

دوروسته. او شأخه‌یأن ینی یوهودیأن جٚه اَ خأطر وأوِه بوبوستده کی خودایَ ایمأن نأشتیدی؛ شومأنم فقد جٚه اَ خأطر اوشأنی عوض پیوند بوخوردیدی کی خودایَ ایمأن دأشتیدی. پس مغرور نیبید، بلکی خودا جَا بٚترسید.

رومیأن 3:27

پس مگه تأنیم گولأز بوکنیم کی ایتأ کأر بوکودیم کی خودا ورجأ قوبیل بیبیم؟ نه، چونکی اَمی ایتهأمٚ جٚه بین شؤئؤن، دینی حوکمأنٚ ایطأعت کودن وأسی نییٚه، بلکی ایمأن وأسیه.

رومیأن 4:16

پس اَطو تأنیم بیگیم کی خودا خو برکتأنَ جٚه ایمأنٚ رأ اَمٚرَه عطأ کونه، ایتأ پیشکشی مأنستَن. هسأ چی مذهبی مرأسیمَ بجأ بأوریم و چی بجأ نأوریم، اگه ایتأ ایمأن ایبرأهیمٚ ایمأنٚ مأنستَن بٚدأریم، بودونٚ شک او برکتأن اَمی سأمٚم بِه، چونکی ایمأنٚ وأسی ایبرأهیم اَمی همٚتأنٚ پئره.

اوّل قرنتیان 10:12

پس وأخب بیبید و فیکر نوکونید کی جٚه اَشأن بِیتر ایسید! شومأنم ایمکأن دأره گونأ دأمٚ دورون دکفید.

غلاطیأن 3:29

و اَسه چونکی مسیح شین بوبوستیم، ایبرأهیمٚ رأس‌رأسِی زأکأنیم و جٚه اَ خأطر تومأمٚ او وعده‌یأن کی خودا ایبرأهیمَ بٚدأ، اَمی شینم به.