رومیأن 11:1 - Gilaki New Testament

¹ اَسه، شیمی جَا وأوٚرسٚم مگه خودا خو قوم، ایسرأییلَ وِلَ کوده و اَشأنَ بٚنأ و بوشؤ؟ هیوخت؛ اصلن اَطو نییٚه! جٚه خأطرَ ندید کی منم یوهودی و جٚه ایبرأهیمٚ نتأج و بنیامینٚ طأیفه‌یم.

کتاب مقدس به زبان گیلکی - گویش شرقی

¹ پس واپورسنم: مگر خُدا خوشه مردُمَ رداگوده؟ هرگیز؛ چونکی مو خودم اسرائيلِ شئم، ابراهيم نسل اجی و بنيامينِ طائفه اجی.

کتاب مقدس به زبان گیلکی - گویش رشت و غرب گیلان

¹ پس واورسم: مگه خُدا خو مردومَ رّدَ کوده؟ هرگس! چونکی من خودم اسرائيلِ شینَم، ابراهيمِ نسل جا و بنيامينِ طایفه.

رومیأن 11:1 ပူးပေါင်းရင်းမြစ်များ

لوقا 20:16

اون اَیِه و تومأمٚ بأغبأنأنَ کوشِه و بأغَ ایتأ سری دیگه بأغبأنأنَ ایجأره دِهه.»

اعمالٚ رسولأن 22:3

او وخت پولس بوگفته: «منم شیمی مأنستَن یوهودی ایسٚم و قیلیقیه طرسوسٚ شهرٚ میأن بودونیأ بأمؤم. ولی هه اورشلیم میأنی، غمالائیل ورجأ درس بخأندم. اونی مکتبٚ میأن یوهودٚ قأنونأن و رسم و روسومأنَ دیقت اَمرأ بأمؤختم، و خٚیلی غیرت دأشتیم کی هرتأ کأرٚ میأن خودا ایحترأمَ بأعیث ببم، هوطویی کی شومأنم ایمرو اونی رِه غیرت دأریدی.

اعمالٚ رسولأن 26:4

«هوطویی کی یوهودیأن دأنٚده، من جٚه او وخت کی زأی بوم، اوّل می شهر میأن طرسوس و اونٚ پٚسی اورشلیمٚ میأن یوهودٚ دینَ خٚیلی دقیق بأمؤختم، و اونی مأنستأنم زٚندیگی بوکودم.

رومیأن 11:11

مگه اَن اَ مأنی‌یَ دِهه کی خودا قومٚ رِه کی جٚه رأ بیرأ بوبوسته و بٚکفته دِه اومید ننأ؟ هیوخت! خودا قصد اَن بو کی خو نیجأتٚ پیشکشَ، اوشأنی‌یَ کی یوهودی نییٚده عطأ بوکونه کی جٚه اَ رأ یوهودیأنٚ میأن ایتأ غیرت چأکوده بٚبه و اوشأنم نیجأتَ بخأیٚد.

رومیأن 3:4

البت کی نییٚه! حتّا اگه همه دورُغ بٚگد، خودا رأست گه. هوطو کی موقدس کیتأبأن دورون بینیویشته بوبوسته: «ثأبیت کونی اوچی‌یَ کی گفتأندری رأسته و دادگأ میأن بری.»

رومیأن 9:3

چونکی نأجه دأشتیم کی لعنت ببم و می طأیفه وأسی، جٚه مسیح محرومٚ بٚم، اوشأنی رِه کی جٚه می نتأجٚده،

دوم قرنتیان 11:22

ینی اَنَ کی عبرأنی ایسٚده گولأز کونٚده؟ منم ایسم! گده جٚه ایسرأییلٚ مردوم و خودا اینتخأب بوکوده قوم ایسٚد؟ مگه من نییٚم؟! گده کی جٚه ایبرأهیمٚ نتأج ایسٚد؟ منم ایسم!

فیلیپیان 3:5

چونکی ایتأ ایسرأییلی خأنوأرٚ میأن، جٚه بنیامینٚ نتأج، بودونیأ بأمؤم؛ و هشت روج دأشتیم کی ختنه بوبوستم. هنٚ وأسی، ایتأ کأمیلٚ یوهودی ایسٚم. جٚه اَن بوگذریم، فریسیأنٚ دأر و دسته شین بوم، کی یوهودٚ دینٚ حوکمأنَ انجأم دٚئنٚ دورون، همٚتأنٚ جَا سٚرسخت‌ترٚده.