موکأشفه 20:8 - Gilaki New Testament

⁸ اون شِه بیرون کی دونیأ قومأن ینی جوج و ماجوجَ گول بٚزٚنه، جنگٚ رِه کس‌کسٚ اَمرأ ایتأ چأکونه. اوشأن ایتأ پیله سپأیَ چأکونده کی اوشأنٚ آدم نفرأنَ دریأکنأرٚ فورشأنٚ مأنستَن نشأسته‌بی ایشمأردن.

کتاب مقدس به زبان گیلکی - گویش شرقی

⁸ و بیرین هنه تا میلتؤنه، زمین چهار گوشه سر فیتأدئه- یعنی جوج و ماجوج که اوشؤن تعداد، دریاکنار فورشه مؤنه- تا اوشؤنه جنگ ئبه جیمأکونه.

کتاب مقدس به زبان گیلکی - گویش رشت و غرب گیلان

⁸ و بیرون اَیه تا ملتّانَ زمینِ چار گوشه درون گول بزنه- یعنی جوج و ماجوج کی اوشانِ تعداد دريا کنارِ فُورشَ مانه- تا اوشانَ جنگ ره جَما کونه.

موکأشفه 20:8 ပူးပေါင်းရင်းမြစ်များ

عبرأنیأن 11:12

بأزون، ایبرأهیمٚ جَا، ینی اونی کی هیذره دِه نتأنستی زأی اَوٚردٚنٚ رِه کأری بوکونه، نسلأنی بیرون بأمؤ کی هوطو آسمأنٚ ستأره‌یأن و دریأ کنأرٚ فورشٚ مأنستَن، ایشمأردنٚ شین نوبود.

موکأشفه 12:9

هطویه، اَ پیله اژدها، ینی او قدیمی لأنتی کی اونی نأم ایبلیس یا شیطانه و هونی ایسه کی تومأمٚ دونیأ مردومَ گول زٚنِه، تومأمٚ خو دأر و دسته اَمرأ بکفتٚد زیمینٚ رو.

موکأشفه 16:14

اَ پٚلیدٚ روحأن کی تأنٚده موجیزه‌یٚم بوکوند، بوشؤده تومأمٚ دونیأ فرمأنروأیأنٚ سٚروخت کی خودا او پیله دأوری روجٚ رِه، اوشأنَ خوداوندَ ضد جنگٚ میأن تأوٚدٚد.

موکأشفه 20:10

بأزون شیطان کی اوشأنَ گول بٚزِه بو، آتشٚ دریأچه میأن تأوٚدأ بِه. آتشٚ دریأچه هو جیگأ ایسه کی گوگردٚ اَمرأ سوجه و او وحش و اونی دورُغی پیغمبر همیشٚک شبندروج، اویَه عذأب کشٚده.

موکأشفه 7:1

بأزون چأرتأ فٚرٚشته بیدِم کی زیمین چأر کونج میأن بٚپأ ایسأده و ولأنده او چأرتأ بأد زیمین سٚر بدمٚد، کی دِه ایتأ ولگ، دأرأنٚ رو تکأن نوخوره و دریأ صأف بمأنه و حرکت نوکونه.