موکأشفه 11:6 - Gilaki New Testament

⁶ اَشأن، اَ سه سأل و نیمٚ میأن کی خودا پیغأمَ مردومٚ رِه وأگویا کونٚده، قودرت دأرٚده هر وخت کی بٚخأستده، وأرٚش وأرٚستٚنٚ مأنع بٚبٚد، آبٚ چشمه‌یأنَ، خون چأکوند و دونیأیَ جوروأجورٚ بلأیأنٚ جَا گریفتأرَ کونٚد.

کتاب مقدس به زبان گیلکی - گویش شرقی

⁶ اوشؤن ای قدرته دأنن که آسمؤنه دبدن تا او روزؤن مئن کی نبوت کؤنن، وارش نوأره؛ و قوت دأنن کی آؤؤنه خون مورسؤن چاکونن و هر چند دفأ کی بخأن، هر رقم بلا زمین سر بأرن.

کتاب مقدس به زبان گیلکی - گویش رشت و غرب گیلان

⁶ اوشان، اَ قدرتَ داریدی کی آسمانَ دَوَدید تا اُ روجانِ درون کی نبوّت کونیدی وارش نَواره و قوت داریدی کی آبانَ خونِ مانستن چاکونید و هرچن مرتبه کی بخوائید هر رقم بَلا زمینِ سر باوَرید.

موکأشفه 11:6 ပူးပေါင်းရင်းမြစ်များ

لوقا 4:25

ایلیایٚ پیغمبرٚ زمأتٚ میأن، سه سأل و نیمٚ ایسرأییلٚ میأن وأرٚش نوأرٚسته و قحطی سأل بوبوسته. هطو کی او زمأتٚ میأن، خٚیلی جٚه ایسرأییلی ویوه زنأکأن ایسأبود کی یاور ایحتیأج دأشتٚد،

موکأشفه 11:3

ولی من، می دوتأ شأهیدَ اوسه کونم و اوشأنَ قودرت فأدٚم کی کُئنه لیوأس دوکونٚد، هیزأر و دویست و شصت روجٚ رِه می پیغأمَ فأرٚسأنٚد مردومٚ گوش.»

موکأشفه 16:3

دویُمی فٚرٚشته خو پیأله‌یَ دریأ میأن فوکود و دریأ آب، بٚمٚرده آدمٚ خونٚ مأنستَن بوبوسته، و تومأمٚ دریأ جأنورأن بٚمٚردٚده.

موکأشفه 16:4

بأزون سیومی فٚرٚشته خو پیأله‌یَ فوکوده چشمه‌یأن و روخأنأنٚ رو و اوشأنی آب، خون بوبوسته.

موکأشفه 8:8

دویُمی فٚرٚشته شیپورٚ صدایَ بیرون بأوٚرده. نأخٚوٚرکی ایچی ایتأ پیله کوه مأنستَن کی شوأله زِئی بٚکفته دریأ میأن، جوری کی ایتأ قیسمت جٚه سه‌تأ قیسمت تومأمٚ کشتیأن غرقَ بوستد و ایتأ قیسمت جٚه سه‌تأ قیسمت دریأ خونٚ مأنستَن، سورخَ بوسته، و ایتأ قیسمت جٚه سه‌تأ قیسمت تومأمٚ مأئیأن بٚمٚردٚد.