مَرقُس 9:6 - Gilaki New Testament

⁶ پطرس اَ گبَ بٚزِه کی ایچی بوگفته بی، چونکی نأنستی چی بٚگه و همٚتأن ترسٚ جَا پرکستأندوبود.

کیتاب مقدّس به گیلکی (رشتی)

⁶ پطرس نأنستی چی بگه، چره کی خیلی بترسه بید.

کتاب مقدس به زبان گیلکی - گویش شرقی

⁶ پِطرُس نودؤنَس چی بوگوی، چونکه اوشون خیلی بتَرسِه بون.

کتاب مقدس به زبان گیلکی - گویش رشت و غرب گیلان

⁶ پِطرُس نانستی چی بگه، چونکی اوشان خَیلی بترسه بید.

مَرقُس 9:6 ပူးပေါင်းရင်းမြစ်များ

مَرقُس 9:5

پطرس قأقَ بوسته و بوگفته: «اوستأد، چی خُبه کی اَمأنٚم اَیَه ایسأییم! وئأل سه‌تأ سایبأن چأکونیم، ایتأ تِرِه، ایتأ موسا رِه، ایتأیم ایلیا رِه.»

مَرقُس 9:7

امّا هو وخت میأن، ایتأ اَبر اَشأنی سٚرٚ جؤر سأیه تأوٚدأ و ایتأ صدا اونی جَا فأرٚسِه کی: «اَن می جأنٚ دیلٚ پٚسره؛ اونی گبَ گوش بوکونید.»

لوقا 9:33

هو وخت کی موسا و ایلیا جٚه اویَه شؤئؤندوبود، پطرس کی هُلَ کوده بو و نأنستی چی گوفتأندٚره، عیسایَ بوگفته: «اوستأد، چی خُبه کی اَمأن اَیَه ایسأییم! وئأل سه‌تأ سایبأن چأکونیم، ایتأ تِرِه، ایتأ موسا رِه، ایتأیٚم ایلیا رِه.»

موکأشفه 1:17

وختی می چوم اونَ دکفته، ایتأ جنأزه مأنستَن بٚکفتٚم اونی پأ جولو. ولی اون خو رأستٚ دٚسَ بٚنأ می سٚر و بٚفرمأسته: «نوأترسئن! من اوّل و آخرم! من زٚنده بوم و بٚمٚردم، و هسأ همیشٚکٚ رِه زٚنده‌یٚم، و مٚردن و بٚمٚرده‌یأنٚ دونیأ کیلیدأنَ می دٚسٚ دورون دأرم.