مَرقُس 8:23 - Gilaki New Testament

²³ عیسا او مردأکٚ دٚسَ بیگیفته و جٚه او دیهأت ببرده بیرون، اونی چومأنَ فیلّی وأسِه و خو دٚسأنَ اونی چومأن رو بٚنأ و اونی جَا وأوٚرسِه: «هیچی دینی؟»

کیتاب مقدّس به گیلکی (رشتی)

²³ عیسی او مردأکٚ دسَ بیگیفته و اونَ او دیهأتٚ جأ ببرده بیرون. بأزین اونٚ چومٚ سر فیلی فوکوده و خو دسأنَ اونٚ سر بنَه و وأورسه: «هیچی دینی؟»

کتاب مقدس به زبان گیلکی - گویش شرقی

²³ عیسی او کور مَردکه دَس بیته و اونه، او دهاتای بیرون بَبورده. بازین اونه چیشمؤن سر فیلی فوده و خوشِ دَستؤن اونه سر بَنه و بپورسه: «هیچّی اینی؟»

کتاب مقدس به زبان گیلکی - گویش رشت و غرب گیلان

²³ عیسی اُ کور مرداکِ دَسَ بیگیفت و اونَ آبادی جا بیرون ببَرد. بازون اونِ چومان سر فیلّی فکود و خو دَسَ اونِ سر بَنه و واورسه: «هیچی دینی؟»

مَرقُس 8:23 ပူးပေါင်းရင်းမြစ်များ

مَرقُس 5:23

اون ایلتمأسٚ اَمرأ بوگفته: «می کوجه‌دأنه دوختر مٚردأندره؛ شیمی جَا خأهیش کونم کی بأیید و شیمی دٚسأنَ اونی رو بنید کی شفأ بیأفه و نیمیره.»

مَرقُس 7:33

عیسا اونَ جٚه او جِمئیتٚ میأن ببرده ایتأ کنأره و خو اَنگوشتَ فوخأسته اونی گوش دورونی و فیلی فوکوده و وأسِه مردأکٚ زوأنَ.

مَرقُس 8:24

مردأی خو دؤرٚورَ فأندرسته و بوگفته: «دینٚم ولی نه خٚیلی خُب. مردومَ دأرأنٚ تنه مأنستَن دینم کی رأ شؤئؤن دٚرٚده.»

مَرقُس 8:26

عیسا اونَ اوسه کوده بٚخأنه و خأنوأر ورجأ و بٚفرمأسته کی دیهأتٚ دورونی نشه.

اعمالٚ رسولأن 23:19

فرمأنده پٚسرِیکٚ دٚسَ بیگیفته و ایتأ کنأر ببرده و اونی جَا وأوٚرسِه: «چی خأیی بیگی؟»

اعمالٚ رسولأن 9:8

وختی سولُس وأخبدأرَ بوسته و زیمینٚ جَا ویریشته، بٚفأمٚسته کی هیچی نیدینه. پس اونی دٚسَ بیگیفتٚده و ببردٚد دمشق.

عبرأنیأن 8:9

اَیتأ قول و قرأر او قبلی قول و قرأرٚ مأنستَن نییٚه کی اوشأنی پیله بأبأیأنٚ اَمرأ دٚوٚستم، او روجٚ میأنی کی اَشأنی دٚسَ بیگیفتم، مصرٚ سرزیمینٚ جَا بیرون بأوٚردٚم؛ چونکی، خوداوند گه، اوشأن می قول و قرأرَ وفأ نوکودٚد. پس می دیمَ اَشأنی جَا وأگردأنم.

موکأشفه 3:18

هنٚ وأسی، تٚرَه نصیحت کونم کی اونی وأسی کی رأس‌رأسِی ثروٚتَ بٚدٚس بأوری می جَا او خألصٚ طلأیَ بیهینی، او طلأیی کی آتشٚ اَمرأ صأفَ بوسته. می جَا پأک و سیفیدٚ رختَ بیهین و دوکون کی برأنده و سٚربیجیر نیبی. می جَا دوأ بیهین و تی چومأنَ وأسین کی بیدینی.