مَرقُس 6:41 - Gilaki New Testament

⁴¹ عیسا پنج‌تأ نأن و دونه مأئی‌یَ اوسأده و آسمأنَ فأندرسته، برکت بٚدأ. بأزین نأنأنَ تیکه تیکه کوده و فأدأ خو شأگردأنَ کی بٚنٚد مردومٚ ورجأ، دونه مأئی‌یٚم همٚتأنٚ میأن سأم بوکوده.

کیتاب مقدّس به گیلکی (رشتی)

⁴¹ بأزین پِنج‌تأ نان و دوتأ مأیی‌یَ اوسأده، آسمانَ فندرسته و خودایَ شوکر بوکوده و نانأنَ تیکه تیکَه کوده فأدَه خو شاگردأنَ کی بنید مردومٚ ورجأ؛ دوتأ مأیی‌یم همه‌تأنٚ رِه سأم بوکوده.

کتاب مقدس به زبان گیلکی - گویش شرقی

⁴¹ هو وقت عیسی پنج ته نون و دوته ماهی ویته و آسمؤن نیگاه گوده و برکت بدء. بازین نونؤنِ پاره بوده و خوشِ شاگردؤن هَدَه تا مَردم ورجه بَنئن؛ دوته ماهی هم همه کسِ میئن قسمت بوده

کتاب مقدس به زبان گیلکی - گویش رشت و غرب گیلان

⁴¹ هو موقع عیسی پنج نان و دونه ماهی اوساد و آسمانَ فندرست و برکت بده. بازون نانانَ پَلکَ کود و خو شاگردان فَدَه تا مردوم جُلُو بنید؛ دونه ماهیَم همه تان میان سام بُکود.

مَرقُس 6:41 ပူးပေါင်းရင်းမြစ်များ

متّی 14:19

بأزین مردومَ بوگفته کی سبزه‌یأنٚ رو بینیشینٚد. بأزون پنج‌تأ نأن و دوتأ مأئی‌یَ اوسأد آسمأنٚ ور فأندرست، برکت بٚدأ. بأزین هو چنتأ نأنَ نیصفَ کوده و خو شأگردأنٚ فأدأ کی، فأدٚد مردومَ.

متّی 15:36

بأزین هفت‌تأ نأن و چن‌تأ مأئی‌یَ اوسأده و خودایَ شوکر بوکود و خوردَ کوده فأدأ خو شأگردأنَ. اوشأنم نأنأنَ فأدأده مردومَ.

متّی 26:26

وختی شأم خوردأندوبود، عیسا نأنَ اوسأد و شوکر بوکوده؛ بأزین تیکه تیکه کود و شأگردأنَ فأدأ و بٚفرمأسته: «فأگیرید بوخورید، اَن می جأنه.»

مَرقُس 14:22

وختی شأم خوردأندوبود، عیسا نأنَ اوسأده و شوکر بوکوده؛ بأزین اونَ تیکه تیکه کوده و فأدأ شأگردأنَ و بٚفرمأسته: «فأگیرید، اَن می جأن ایسه.»

مَرقُس 6:40

پور زمأت دئنکشه کی مردوم پنجأه نفری، صد نفری دسته‌یأنٚ میأن زیمینٚ رو بینیشتٚد.

مَرقُس 6:42

همٚتأن بوخوردٚد و سِئرَ بوستٚد

مَرقُس 7:34

بأزین آسمأنَ فأندرسته و ایتأ آه بٚکٚشه و بوگفت: «وأزَ بو!»

مَرقُس 8:19

خأطرَ دٚئید کی چوطو پِنج هیزأر نفرَ پنج‌تأ نأن اَمرأ سِئرَ کودم؟ او بٚمأنسته‌یأنٚ جَا چنتأ زیبیل پورَ کودیدی؟» جوأب بٚدأده: «دوأزده‌تأ زیبیل»

لوقا 24:30

وختی سٚفره سٚر بینیشتٚد، عیسا نأنَ اوسأد و شوکر بوکود هر کودأمَ ایتأ تیکه فأدأ.

لوقا 9:16

عیسا هو پِنج تأ نأن و دونه مأئی‌یَ اوسأد و آسمأنٚ ور فأندرسته، برکت بٚدأ. بأزون نأنأنَ تکس‌تکسٚ کوده و شأگردأنَ فأدأ کی مردومٚ میأن سأم بوکوند.

یوحنا 11:41

پس سنگَ کنأرَ کودٚد. او وخت عیسا آسمأنَ فأندرسته و بٚفرمأسته: «پئر، شوکر کونم کی می دوعأیَ بشتأوستی.

یوحنا 17:1

وختی عیسا خو گبأنَ تومأنَ کوده، آسمأنَ فأندرسته و بوگفته: «"پئر" هو وخت کی وأستی بأمؤ بی فأرِسه. تی پٚسرٚ بوزورگی و جلالَ نمأیأنَ کون کی اونم بتأنه او بوزورگی و جلالَ تٚرَه وأگردأنِه.

یوحنا 6:11

او وخت عیسا نأنأنَ اوسأده، خودایَ شوکر بوکوده و فأدَه کی مردومٚ میأن سأم بوکونٚد. مأئیأنٚ اَمرأیٚم هه کأرَ بوکوده. مردوم هر چقد بٚخأستده، بوخوردٚد.

یوحنا 6:23

چنتأ لوتکأیٚم جٚه تیبریه، هو محلّی کی خوداوند نأنأنَ برکت بٚدأ بو و مردوم بوخورده بود، فأرٚسِد.

اعمالٚ رسولأن 27:35

او وخت ایتأ نأن اوسأده، همٚتأنٚ ورجأ خودایَ شوکر بوکوده و ایتأ نیمه نأنَ بوخورد.

رومیأن 14:6

اوشأنی کی خأصٚ روجأنٚ دورون خوداوندَ عیبأدت کونٚده، اونی حورمت نٚهٚنٚ رِه اَطو کونٚده. اوشأنم کی هرجور غذأیَ خورٚده، خوداوندٚ ایحترأم نٚهٚنٚ رِه اَطو کونٚده، چونکی پیشتر جٚه اونی خوردن خودایَ شوکر گده و اوشأنم کی بعضی خوراکأنٚ خوردنٚ جَا پرهیز کونٚده، خوداوندَ خأیٚد خوشألَ کونٚد و خودایَ شوکر کونٚده.

اوّل قرنتیان 10:31

شیمی سوألٚ جوأب اَن ایسه: تومأمٚ شیمی کأرأن، حتّا شیمی خوردن و وأخوردن، همه وأستی خودا جلال و بوزورگی رِه بٚبه.

کولسیان 3:17

هرچی کونیدی و هر گبی کی زوأنٚ سٚر اَوٚریدی، همٚتأیَ عیسای خوداوندٚ نأمٚ اَمرأ انجأم بدید و جٚه اونی رأ خودایٚ پئرَ تشکر بوکونید.