مَرقُس 5:37 - Gilaki New Testament

³⁷ اَ گبَ بٚزِه و ولأشته جغرز پطرس، یعقوب و یوحنا دِه هیکس اونی اَمرأ بشه یایروسٚ خأنه.

کیتاب مقدّس به گیلکی (رشتی)

³⁷ و ونأشته هیکس غیرٚ پطرس و یعقوب و یوحنا، یعقوبٚ برأر، اونٚ دونبألسر بشه.

کتاب مقدس به زبان گیلکی - گویش شرقی

³⁷ و نوگذاشته جز پِطرُس و یعقوب و یعقوب برار یوحنا، هیشکس دِ اونه دومبال بأی.

کتاب مقدس به زبان گیلکی - گویش رشت و غرب گیلان

³⁷ و وَئنلاشت ده هیکّس جغیر پِطرُس و یعقوب و یعقوب برار، یوحنا اون دُمبال بشه.

مَرقُس 5:37 ပူးပေါင်းရင်းမြစ်များ

متّی 17:1

شیش روج کی بوگوذشت، عیسا پطرس و یعقوب و اونی برأر یوحنایَ اوسأده ببرده ایتأ کوه جؤری، خلوتٚ جیگأ.

متّی 26:37

بأزین پطرس و زبدی دوتأ پٚسرَ ینی یعقوب و یوحنایٚم خو اَمرأ ببرد و او حألٚ دورون کی غورصه و پریشأنی تومأمٚ اونی جأنَ بیگیفته بو،

مَرقُس 14:33

اون پطرس، یعقوب و یوحنایٚم خو اَمرأ ببرده. دیل‌نیگرأنی و ایضطرأب تومأمٚ اونی جأنَ بیگیفته بو،

مَرقُس 9:2

شیش روج پٚسی، عیسا پطرس و یعقوب و یوحنایَ اوسأده و اوشأنَ ببرده ایتأ خلوتٚ جأجیگأ کوه جؤر. اویَه، عیسا شمأیل اوشأنی چومأنٚ جولو وأگردسته

لوقا 8:51

وختی کی فأرٚسِده بٚخأنه، عیسا ولأشته کی جغرز پطرس، یعقوب، یوحنا و او کؤرٚ پئر و مأر، کسی اوتأقٚ دورونی بأیٚه.

اعمالٚ رسولأن 9:40

ولی پطرس بٚخأسته کی همٚتأن اوتأقٚ جَا بٚشٚد بیرون. او وخت زانو بٚزِه دوعأ بوکود. بأزون جنأزه ور وأگردسته و بوگفته: «طابیتا، ویریز!» او زنأی خو چومأنَ وأکوده و وختی پطرسَ بیدِه، ویریشته و بینیشت!

دوم قرنتیان 13:1

اَن سیومی وأر ایسه کی اَیٚم شیمی دِئنٚ رِه. (هوطو کی موقدسٚ کیتأبأنٚ دورون بینیویشته بوبوسته: «دوتأ یا سه‌تأ شأهیدٚ گووأ اَمرأ هرتأ گب ثأبیت بِه.»)