مَرقُس 14:72 - Gilaki New Testament

⁷² دویُمی وأر خوروس بخأنده و پطرس عیسا گبأنَ بٚخأطر بأوٚرده کی اونَ بوگفته بو: «قبلٚ اَنکی خوروس بٚخأنه، تو سه وأر مٚرَه اینکأر کونی.» بأزین خٚیلی نأرأحتَ بوسته و گریه بوکوده.

کیتاب مقدّس به گیلکی (رشتی)

⁷² هو موقع خروس دوواره بخوأنده. بأزین پطرس، عیسی گبأنَ بخأطر بأورده کی اونَ بوگفته‌بو: «قبلٚ اَنکی خروس دو وار بخوأنه، سه وار مرَ اینکار کونی.» پس اونٚ دیل بوسوخته و زارزار گریه بوکوده.

کتاب مقدس به زبان گیلکی - گویش شرقی

⁷² هو دَم، تله دومین بار اوئی بوده. بازین پِطرُس عیسی گبؤن یاد بأرده که اونه بوته بو: «قبل اونکه تله دو بار اویی بکونی، تو سه بار مَه حشا کوئنی». پَس اونه دیل بشکسه و ونگ بزه.

کتاب مقدس به زبان گیلکی - گویش رشت و غرب گیلان

⁷² هو دَم، خوروس دومین وار بخواند. بازون پِطرُس عیسی گبان بیاد باورد کی اون بگفته بو: «پیش جه اونکی خوروس دو وار بخوانه، سَه وار مَرا حَشا خوائی کودن». پس اون دیل بیگیفت و گریه بُکود.

مَرقُس 14:72 ပူးပေါင်းရင်းမြစ်များ

متّی 26:34

عیسا اونَ بوگفته: «بأوٚر بوکون کی هه ایمشٚب، جٚه قبلٚ اَنکی خوروس بٚخأنه، تو سه وأر مٚرَه اینکأر کونی و گی مٚرَه نشنأسی!»

مَرقُس 14:30

عیسا اونَ بوگفته: «اَنَ بدأن کی هه ایمشٚب، قبلٚ اَنکی خوروس دو وأر بٚخأنه، سه وأر تو مٚرَه اینکأر کونی، گی کی مٚرَه نشنأسی!»

مَرقُس 14:68

پطرس اینکأر بوکوده و بوگفته: «نأنٚم چی گی!» و بوشؤ صأرأ او ور. هو وخت خوروس بخأنده.

مَرقُس 14:71

پطرس لعنت بوکوده و قسم بوخورده کی من اونَ نشنأسٚم.

لوقا 22:60

پطرس بوگفته: «اَی مردأی، تی گبأن مٚرَه حألی نیبه!» اَ گبَ کی بٚزِه، خوروس بخأنده.

لوقا 22:62

پس پطرس صأرأ جَا بیرون بوشؤ و ایجگره اَمرأ آرسو فوکوده.

دوم قرنتیان 7:10

ولی اوجور غورصه کی خودا نظرٚ دورون نٚهأ، توبه‌یَ بوجود اَوٚره و نیجأتَ بأعیث بِه و پٚشیمأنی اونی میأن ننأ. ولی غم و غورصه، دونیأیی کأرأنٚ رِه، روحأنی مٚردنٚ آخرپٚسی‌یَ بأعیث بِه.