مَرقُس 14:67 - Gilaki New Testament

⁶⁷ و اونَ بیدِه کی خؤرَه آتشٚ ور گرمٚ کودأندوبو بأزین اونَ فأندرسته و بوگفته: «تویٚم عیسای ناصری اَمرأ بی!»

کیتاب مقدّس به گیلکی (رشتی)

⁶⁷ و اونَ بیده کی آتشٚ ورجأ خورَه گرمَ کودَن‌دوبو. او زنأی خُب اونَ فندرسته و بوگفته: «تونم عیسای ناصری اَمرأ بی.»

کتاب مقدس به زبان گیلکی - گویش شرقی

⁶⁷ و پطرس بدِه که آتش ورجه خوشِ گرمَ کأدره. او زناک بقایده اونه نیگاه گوده و بوته: «تو هم عیسای ناصری أمره بی.»

کتاب مقدس به زبان گیلکی - گویش رشت و غرب گیلان

⁶⁷ و پطرُسَ بیده کی آتش پهلو خورَه گرمَ کودن دَره. اُ کولفت اونَ فَندَرست و بگفت: «تونم عیسیِ ناصری اَمرا بی.»

مَرقُس 14:67 ပူးပေါင်းရင်းမြစ်များ

متّی 2:23

و ناصره شهرٚ دورون سأکین بوبوست. اَطویی، اونچی کی انبیأ زٚوأنٚ جَا بوگفته بوبوسته بو، ایتفأق دکفته: «اونَ ناصری دؤخأنده.»

متّی 21:11

جوأب ایشتأوٚستید: «اون عیسایٚ پیغمبره، جلیلٚ ناصره جَا بأمؤ.»

مَرقُس 1:24

«اَی عیسای ناصری، چٚره اَمٚرَه رأحت نٚنی؟ آیا بأمؤیی اَمٚرَه جٚه بین ببری؟ تٚرَه شنأسٚم. تو خودا قودوس ایسی!»

مَرقُس 10:47

وختی بارتیمائوس بشتأوسته کی عیسای ناصری او رأ جَا دٚوأرٚستأندره، بینأ کوده ایجگره زِئن و بوگفته: «اَی عیسا، اَی داوودٚ پٚسر، مٚرَه رحم بوکون!»

مَرقُس 14:54

پطرسٚم جٚه دؤر عیسا دونبألسر اَمؤیی کی بوشؤ پیله کأهینٚ خأنه و سروأزأنٚ میأن، آتشٚ ور بینیشته.

یوحنا 18:18

بیرون هوا سرد بو. پس مأمورأن و خیدمتکأرأن آتش چأکودٚد و اونی دؤر جمَ بوستٚد. پطرسٚم بوشؤ اوشأنی ورجأ کی خؤرَه گرمَ کونه.

یوحنا 19:19

پیلاتُس فرمأن بٚدأ صلیبٚ جؤر ایتأ تخته آویزأنَ کونٚد کی اونی رو بینیویشته بوبوسته بو: «یوهودٚ پأدیشأ، عیسایٚ ناصری.»

اعمالٚ رسولأن 10:38

و رأس‌رأسِی دأنیدی کی خودا عیسای ناصری‌یَ خو روح‌القدس و قودرتٚ اَمرأ مَسح بوکوده. اون همٚتأ جیگأ شؤیی و خورومٚ کأرأن کودی و تومأمٚ اوشأنی‌یَ کی شیطان اوشأنَ ظولم و ستم کودی شفأ دٚئی، چونکی خودا اونی اَمرأ بو.