مَرقُس 11:25 - Gilaki New Testament

²⁵ ولی وختی دوعأ کودأندریدی، اگه اینفرٚ جَا کینه شیمی دیلٚ میأن دأریدی، اونَ بٚبٚخشید کی آسمأنی پئرم شیمی گونأیأنَ بٚبخشه.

کیتاب مقدّس به گیلکی (رشتی)

²⁵ «پس هر وخت دوعا کودَن‌دریدی، اگه اینفرٚ جأ دیلخوریدی، اونَ ببخشید کی شیمی پئرم کی آسمانٚ دورون ایسَه شیمی خطایأنَ ببخشه.

کتاب مقدس به زبان گیلکی - گویش شرقی

²⁵ «پَس هر وخت که دوعا کأدرین، اگه یه نفر جی یه چی شیمه دیل میئن دَئنین، اونه بَبَخشین تا شیمه پئر هم که آسمؤن میئن ایسَه، شیمه تقصیرات بَبَخشی.

کتاب مقدس به زبان گیلکی - گویش رشت و غرب گیلان

²⁵ «پس هر وقت دُعا کونیدی، اَگه اینفر جا ایچی بدیل دَرید، اونَ ببَخشید تا شیمی پئرم کی آسمان درون ایسا، شیمی تخصیراتَ ببَخشه.

مَرقُس 11:25 ပူးပေါင်းရင်းမြစ်များ

متّی 5:23

«بأزین اگه قوربأنی فأدأنٚ موقع معبدٚ قوربأنی جیگأ رو، تٚرَه بٚخأطر بأیِه کی تی ریفِق تی جَا دیلخوره،

متّی 6:12

اَمی گونأیأنٚ بٚبٚخش، هوطویی کی اَمأن او کسأنی کی اَمی حق گونأ کونٚده، بخشیم.

متّی 6:5

«اَسه دوعأ کودنٚ رِه، هر وخت دوعأ کودأندری، ریأکأرأنٚ مأنستَن نوأبوستن کی دوس دأرٚده مردومٚ ورجأ، خیأبأنأنٚ کنأر گوشٚه و کنیسه‌یأنٚ میأن دوعأ بوکونٚد، کی همه اَشأنَ بیدینٚد. رأس گم، اَشأن خوشأنی اوجرٚتَ تومأم و کمأل مردومٚ جَا فأگیفتده.

لوقا 18:11

فریسی ایتأ گوشٚه بئیسأ و خو اَمرأ اَجور دوعأ بوکوده اَی خودا تٚرَه شوکر کونم کی البأقی مردومٚ مأنستَن، بوخصوصٚ اَ بأج‌فأگیرٚ مأنستَن گونأکأرٚ نییٚم. نه دوزدی کونم، نه کسی‌یَ ظولم کونم و نه زٚنأ کونم.

لوقا 18:13

امّا او گونأکأرٚ بأج‌فأگیر دؤر بئیسأ و دوعأ وخت حتّا خو سٚرَ شرمندگی وأسی رأستَ نوکود بلکی غورصه‌دأر خو سینه‌یَ زِئی و گفتی خودایأ، منٚ گونأکأرَ رحم بوکون!

لوقا 6:37

«دیگرأنَ قیضأوت نوکونید، کی شٚمٚره قیضأوت نوکونٚد. هیکسَ محکوم نوکونید، کی خودا شٚمٚره محکومَ نوکونه. دیگرأنَ بٚبٚخشید کی شومأنم بٚبخشه بیبید.

افسسیان 4:32

و در عوض کس‌کسٚ اَمرأ مهرٚوأن و دیلسوج بیبید و کس‌کسَ بٚبٚخشید، هطو کی خودایٚم، مسیحٚ وأسی شٚمٚره بٚبخشه.

کولسیان 3:13

و آدمأنٚ کردکأرأنَ تحمول بوکونید و آمأده بیبید کی اَشأنَ بٚبٚخشید. هیوخت کس‌کسٚ جَا کینه بٚدیل نیگیرید. جٚه خأطرٚ نٚبٚرید کی مسیح شٚمٚره بٚبخشه؛ پس شومأنم وأستی البأقیأنَ بٚبٚخشید.

یعقوب 2:13

چون اونی رِه کی اَ دونیأ دورون رحم نوکوده، رحم نیبه؛ ولی اگه مردومٚ اَمرأ مهرٚوأن بوبوسته بید، بأزون ایلاهی رحمت زور اونی دأوری سٚر بأش به.

موکأشفه 11:4

اَ دوتأ شأهید هو دوتأ زیتون دأر و دوتأ شمدأنٚده کی او خودا حوضورٚ میأن کی تومأمٚ زیمین خودایه بٚپأ ایسٚده.