مَرقُس 10:32 - Gilaki New Testament

³² بأزین اوشأن رأ دکفتد اورشلیمٚ ور. عیسا پیشتر شؤیی و شأگردأن اونی دونبألسر. نأخٚوٚرکی شأگردأن مأتَ بوستٚد و اوشأنی جأنَ ترس دکفته. عیسا دوأزده شأگردَ فأکشه ایتأ گوشٚه و ایوأردِه اوشأنَ بوگفته چی سرنیویشتی اورشلیمٚ میأن اونٚ رِه پیش اَیِه. اون بٚفرمأسته:

کیتاب مقدّس به گیلکی (رشتی)

³² هَطو کی شوئون‌دیبید اورشلیم، رأ دورون عیسی اوشأنٚ جُلُو رأ شوئون دوبو. شاگردأن قاق بیدی و کسایی کی اوشأنٚ دونبألسر شوئون‌دیبید، وحشت دأشتیدی. عیسی ایوار دِه خو دوازده‌تأ شاگردَ ببرده ایتأ گوشه و شروع بوکوده هر چی‌یَ کی وأستی اونٚ رِه ایتفاق دکفه، اوشأنٚ رِه گفتن.

کتاب مقدس به زبان گیلکی - گویش شرقی

³² عیسی و اون شاگردون اورشلیم شهر راه میئن ایسابوئن و عیسی ایشونِ پیش دکته راه شوئدبو. شاگردؤن ماتَ بوبوئن و اوشؤنی که ایشون دومبالسر شوئدبون، واهیمه داشتن. عیسی یه بار ده او دوازده شاگرده یکته کنار بَبورده و اوچیزیکه باء اونه سر بای، اوشونه به بوته.

کتاب مقدس به زبان گیلکی - گویش رشت و غرب گیلان

³² عیسی و اون شاگردان اورشلیم شار راه درون ایسابید و عیسی جُلُوتر جه اوشان شئون دوبو. شاگردان مات بید و کسانی کی اوشانِ دُمبال شئون دیبید، بترسه بید. عیسی ایواردِه اُ دوازده شاگردَ ایتا گوشه ببَرد و اون چیَ کی بایسی اون سر بایه، اوشان ره بگفت.

مَرقُس 10:32 ပူးပေါင်းရင်းမြစ်များ

متّی 11:25

بأزین، عیسا دوعأ بوکود و بٚفرمأست: «ای پئر، آسمأن و زیمینٚ صأب، تی جَا ممنون کی اَ کأرأنَ کسأنی جَا کی خوشأنٚ عألیم و زٚبر و زرنگ دأنٚده، قأیمَ کودی و اَشأنَ او کسأنی رِه وأشکأفأنه‌یی کی زأکأنَ مأنٚده.

متّی 13:11

عیسا بٚفرمأسته: «چون آسمأنٚ ملکوتٚ اسرأرٚ درک کودنٚ قودرت، شٚمٚره فأدأ بوبوسته، ولی البأقیأنٚ رِه نه.

مَرقُس 1:27

همه‌یٚ اوشأنی کی اویَه ایسأبود قأقَ بوستٚد، هیجأنٚ اَمرأ کس‌کسَ بوگفتد: «اَن دِه چوجور تأزه آموجه‌یی ایسه؟ اونی کلام اَنقذر قودرت دأره کی حتّا پٚلیدٚ روحأنٚم اونی جَا حیسأب بٚرٚده!»

مَرقُس 4:34

همیشٚک عیسا اَطو مردومَ دأستأن و نقلٚ اَمرأ آمؤختی. امّا وختی کی خو شأگردأنٚ اَمرأ تنأ بوستی، تومأمٚ نقلأنٚ معنأیَ اوشأنی رِه وأشکأفتی.

لوقا 10:23

بأزین وختی او دوأزده‌تأ شأگردٚ اَمرأ تنأ بوبوسته، بٚفرمأسته: «خوشبحألٚ شومأن کی اَ چیزأنَ دینید!

لوقا 19:28

اَ حیکأیتَ نقل کودنٚ پٚسی، عیسا اوشأنَ پیش دکفته، بوشؤ اورشلیمٚ ور.

لوقا 9:51

هو وخت کی عیسا وأگردٚستن آسمأنٚ ور فأرٚسئندوبود، قأیم تصمیم بیگیفته و بوشؤ اورشلیم ور.

یوحنا 11:16

ایتأ جٚه اونی شأگردأن کی «توما» ینی «دوقولو» نأم دأشتی. اوشأنَ بوگفته: «بأیید اَمأنٚم بیشیم و اونی اَمرأ بیمیریم.»

یوحنا 11:8

شأگردأن شأکی بوبوستٚد و بوگفتٚده: «هه چن روج قبل بو کی یوهودٚ پیله کسأن خأستیدی تٚرَه بوکوشٚد. هسأ خأیی ایوأردِه بیشی اویَه؟»