متّی 9:4 - Gilaki New Testament

⁴ عیسا کی اوشأنی فیکرأنٚ جَا وأخٚوٚر بو، اوشأنی جَا وأوٚرسِه: «چٚره اَجور پٚلیدٚ فیکرأن شیمی دیل رأ دیهیدی؟

کیتاب مقدّس به گیلکی (رشتی)

⁴ عیسی اوشأنٚ فیکرأنَ بفهمسته و بوگفته: «چره اَ پلیدٚ فیکرأنَ شیمی دیلٚ دورونی رأ دیهیدی؟

کتاب مقدس به زبان گیلکی - گویش شرقی

⁴ اما عیسی که دونَس اوشونه فکرون میئن چی گذرنه، بوته: «چرِء ایجور پلیدِ فکرِ شیمه دیل میئن راه دِنین؟

کتاب مقدس به زبان گیلکی - گویش رشت و غرب گیلان

⁴ ولی عیسی کی دانستی اوشانِ سر درون چی دَره، بگفت: «چره اَطو پلیدِ فیکر شیمی دیلِ درون راه دیئیدی؟

متّی 9:4 ပူးပေါင်းရင်းမြစ်များ

متّی 12:25

عیسا اَشأنی فیکرأنٚ جَا وأخٚوٚرٚ بو و بٚفرمأسته: «هرتأ مملکت کی اونی دورون جنگ رأ دکفه، اونی نأبودی حتمیه. شهر یا ایتأ خأنه دورون کی دوشمنی وأسی اونی میأن تفرقه دکفه، فوگورده.

مَرقُس 12:15

عیسا اوشأنی جوفتٚ کلکَ بٚفأمٚسته و بٚفرمأسته: «چٚره خأییدی مٚرَه ایمتحأن بوکونید. ایتأ سکه مٚرَه نیشأن بدید کی شٚمٚره بٚگم.»

مَرقُس 2:8

عیسا هو دٚقّه بٚفأمٚسته کی اوشأن چی فیکری کودأندرد، بأزین خو دیمَ وأگردأنِه اوشأنی ور و بٚفرمأسته: «چٚره شیمی دیلٚ دورون اَطو فیکر کونیدی؟

لوقا 11:17

عیسا اوشأنی فیکر جَا وأخبدأرٚ بوسته و بٚفرمأسته: «هر تأ مملکت کی اونی میأن خأنه جنگ بٚبه، اونٚ جٚه بین شؤئؤن حتمی ایسه و هرتأ خأنه هم کی اونی میأن دوشمٚنيأن وأسی کس‌کسٚ جَا سیوأ بٚبٚد، جٚه هم فوگورده.

لوقا 5:22

عیسا فوری اوشأنی فیکرأنٚ جَا وأخبدأرٚ بوسته و بٚفرمأسته: «چٚره شیمی دیلٚ میأن اَجور فیکر کونید؟

لوقا 6:8

عیسا کی اوشأنی فیکرأنَ بفأمأسته بو، او مردأکَ بٚفرمأسته: «بیأ اَیَه بئیس کی همٚتأن بتأنٚد تٚرَه فأندٚرٚد!» اونم بوشؤ و بئیسأ.

لوقا 7:40

عیسا اونی دیلٚ فیکرَ بٚفأمٚسته و اونَ بوگفته: «شمعون، خأیم ایچی تٚرَه بٚگم.» شمعون بوگفته: «بفرمأ، اوستأد!»

یوحنا 16:19

عیسا بٚفأمٚسته کی شأگردأن خأییدی ایچی اونی جَا وأوٚرسٚد. پس بٚفرمأسته: «خأییدی بدأنید کی می منظور چیسه کی بوگفتم: دِه مٚرَه نیدینیدی، ولی ایتأ کوجه زمأتٚ پٚسی مٚرَه دینیدی؟

یوحنا 16:30

اَسه بفأمستیم کی همه‌ چی‌یَ دأنی و حتّا لأزیم نأری هیکس خو سوألَ تی اَمرأ بوگو بشتأو بوکونه. هن اَمِرِه وٚسته کی ایمأن بأوریم کی شومأ جٚه خودا ورجأ بأمؤیید.»

یوحنا 21:17

سیومی وأرٚ رِه عیسا اونَ بٚفرمأسته: «اَی شمعون، اَی یونا پٚسر، آیا مٚرَه دوس دأری؟» پطرس دیلخوره بوسته چٚره کی عیسا سه وأر اونی جَا وأوٚرسِه کی «آیا مٚرَه دوس دأری؟» پس بوگفته: «خوداوندا، تو همه چی‌یَ دأنی. خودت دأنی کی من تٚرَه دوس دأرم.» عیسا اونَ بٚفرمأسته: «پس می کوجه بٚرّه‌یأنَ خورأک فأدن.

یوحنا 6:61

عیسا بٚفأمٚسته کی اونی شأگردأنٚم شیکأیت کودأندٚرٚد، پس اَشأنَ بٚفرمأسته: «می گبأن شٚمٚره نأرأحتَ کوده؟

یوحنا 6:64

اَنٚ اَمرأ، ای عیده جٚه شومأن مٚرَه ایمأن نأوٚریدی.» چونکی عیسا جٚه هو اوّل دأنستی کی کیأن اونَ ایمأن اَوٚرٚده و کی اونَ نأرو زٚنِه.

اعمالٚ رسولأن 5:9

پطرس بوگفته: «شومأن چٚره شیمی دٚس ایتأ کأسه میأن نٚهأ کی خودا روحَ ایمتحأن بوکونید؟ او جوأنأن کی تی مردَ ببردٚد و بیگیلَ کودٚد، اَسه وأگردٚستٚد. پس تٚرَم بٚرٚده.»

موکأشفه 2:23

اونی زأکأنم جٚه بین بٚرٚم. او وخت تومأمٚ کیلیسایأن دأنٚده کی من اینسأنأنٚ دیلٚ جولفٚ جیگأیَ وأموجم و همٚتأنٚ فیکرأنٚ جَا وأخٚوٚرم. من هرکی‌یَ اونی بوکوده کأرٚ موطأبٚق جأیزه‌ فأدٚم و تِنبیه کونم.