متّی 8:22 - Gilaki New Testament

²² ولی عیسا اونَ بوگفته: «می دونبأل بیأ، و وئأل بٚمٚرده‌یأن، خوشأنی موردٚه‌یأنَ بیگیلَ کونٚد.»

کیتاب مقدّس به گیلکی (رشتی)

²² ولی عیسی اونَ بوگفته: «می دونبألسر بیأ، بده مورده‌یأن، خوشأنٚ مورده‌یأنَ دفنَ کونید.»

کتاب مقدس به زبان گیلکی - گویش شرقی

²² امّا عیسی اونه بوته: «مه دومبالَ کون و بنی مرده​أن، خوشؤنِ مُرده​أنِ گلَ کونن.»

کتاب مقدس به زبان گیلکی - گویش رشت و غرب گیلان

²² ولی عیسی اونَ بگفت: «مره دُمبال بُکون و وائال مُرده ئان، خوشانِ مُرده ئانَ دفنَ کونید.»

متّی 8:22 ပူးပေါင်းရင်းမြစ်များ

متّی 8:21

ایتأ ده شأگردأن اونَ بوگفته: «آقأ جأن، وئأل اوّل وأگردم بٚخأنه و می پئرٚ بیگیلَ کونم.»

متّی 9:9

عیسا خو رأ سٚر، ایتأ بأج فأگیرَ دینه کی متا نأم دأشتی، و بأج فأگیری جأجیگأ دورون نیشته بو. عیسا اونَ بٚفرمأسته: «بیأ و می جَا پیروی بوکون!» اونم بی‌معطلی عیسا دونبألسر رأ دکفت.

مَرقُس 2:14

بأزین هوطو کی شؤئؤندوبو، حلفی پٚسر، لاوی‌یَ بیدِه؛ اون مأمور بو کی مألیأتَ جمَ کونه و خو کأر کودنٚ جأ میأن نیشته بو. عیسا اونَ بٚفرمأسته: «بیأ و می جَا ایطأعت بوکون.» لاوی‌یٚم دفأتن عیسا دونبألسر رأ دکفته.

لوقا 15:24

چونکی اَ پٚسر می شین، بٚمٚرده بو و زٚنده بوسته؛ اَویرَ بوسته بو و بیأفته بوبوسته!" پس ایتأ پیله میهمأنی رأ تأوٚدأد.

لوقا 15:32

امّا هسأ وأستی جشن گیفتن و خوشألی کودن، چونکی تی اَ برأر، بٚمٚرده بو زٚنده بوسته، اَویرَ بوسته‌بو و هسأ بیأفته بوسته!"»

لوقا 9:59

ایوأرٚم اون اینفرَ دعوت بوکوده کی اونی دونبألسر بأیٚه. اون بوگفته: «آقأ جأن، مٚرَه وئأل اوّل وأگردم بٚخأنه و می پئرَ بیگیلَ کونم.»

لوقا 9:60

عیسا اونَ بوگفته: «وئأل بمرده‌یأن، خوشأنی مورده‌یأنَ بیگیلَ کونٚد. تی وظیفه اَنٚ کی بأیی و خودا ملکوتٚ خوروم خٚوٚرَ همٚتأ جیگأ وأگویا بوکونی.»

یوحنا 1:43

فردأیی، عیسا بٚخأسته کی بشه جلیلٚ اوستأنٚ میأن. رأ میأن «فیلیپُسَ» بیدِه و اونَ بوگفته: «می اَمرأ بیأ.»

یوحنا 21:19

اَنَ بٚفرمأسته کی پطرس بٚدأنه کی چوطو میرِه و خودایَ جلال دِهه. بأزین عیسا اونَ بٚفرمأسته: «اَسه می دونبألسر بیأ.»

یوحنا 21:22

عیسا جوأب بٚدأ: «اگه بخأیٚم اون بئیسه کی من وأگردم، تٚرَه چی ربطی دأره؟ تو می دونبألسر بیأ.»

افسسیان 2:1

ای روجأنی شومأنم شیمی شورش و گونأیأن وأسی بٚمٚرده بید.

افسسیان 2:5

کی اَمٚرَه مسیح اَمرأ زٚنده کوده، اگه چی ایشتیوأیأنٚ میأن بٚمٚرده بیم. پس فقد خودا فیض وأسی نیجأت بیأفتیم.

افسسیان 5:14

و هرچی کی نور اونَ دتأوٚه، خودشم نورٚ مأنستَن بِه. جٚه اَ خأطر ایسه کی بوگفته بوبوسته: «ای تویی کی خوفته‌یی، خأبٚ جَا ویریز و مورده‌یأنٚ جَا رأستَ بو و مسیح نور تٚرَه دتأوِه.»

کولسیان 2:13

ای وختأنی شومأن شیمی گونأیأنٚ دورون بٚمٚرده بید و گونأ هوسأن شیمی جأنٚ دورون نٚهأ بو. ولی خودا شٚمٚره مسیحٚ زٚندیگی دورون سأم فأدأ، چون شیمی همٚتأ گونأیأنَ بٚبخشه

اوّل تیموتائوس 5:6

ولی ویوه زنأکی کی بیکأر گردِه و بدگویی کونِه الوأتی کونِه، هه زٚندیگی دورون، بٚمٚرده ایسه.