متّی 7:7 - Gilaki New Testament

⁷ «بٚخأیید کی شٚمٚره فأدأ بٚبه، وأموجید کی بیأفید؛ بوکوبید کی در شیمی رو وأزَ به.

کیتاب مقدّس به گیلکی (رشتی)

⁷ «اَنقدر بخوأیید کی بدس بأورید؛ اَنقدر وأمجید کی بیأفید؛ و اَنقدر بوکوبید کی در شِمره وازَ به.

کتاب مقدس به زبان گیلکی - گویش شرقی

⁷ «بخوأین که شمره هَدءه بنه. وأموجین، که یابنین؛ بکّوین، که در، شیمه به وأگوده بنه.

کتاب مقدس به زبان گیلکی - گویش رشت و غرب گیلان

⁷ «بَخوائید، کی شمرأ فَدَه بِه؛ واموجید، کی یابیدی؛ بُکوبید، کی در شیمی رو وازا به.

متّی 7:7 ပူးပေါင်းရင်းမြစ်များ

متّی 18:19

«اَنٚم شٚمٚره گم کی اگه دو نفر جٚه شومأن اَیَه زیمینٚ سٚر ایچی وأسی کی خودا جَا خأیید کس‌کسٚ اَمرأ همدیل بیبید، می آسمأنی پئر اونَ شٚمٚره فأدَه.

متّی 21:22

اگه ایمأن بٚدأرید، دوعأ دورون هر چی بٚخأیید، یأفیدی.»

متّی 6:33

پس اوّل شومأن، خودا ملکوت و عیدألتٚ دونبأل بیبید، و اون همٚتأ دأنه شیمی ایحتیأجأنَ شٚمٚره موهیأ کونِه.

متّی 7:11

بأزین کی شومأن، گونأکأرٚ آدمأن، دأنید کی وأستی خورومٚ چیزأن شیمی زأکأنَ فأدید، چندر ویشتر شیمی آسمأنی پئر اوشأنی رِه کی اونی جَا بخأیٚد، خورومٚ چیزأن بخشه.

متّی 7:8

چونکی هرکی بٚخأیٚه، بٚدٚس اَوٚره، و هر کی وأموجه، یأفٚه، و هرکی بوکوبٚه، در اونی رو وأزَ بِه.

مَرقُس 11:24

خُب گوش بدید، اونچی کی دوعأ میأن بٚخأیید، ایمأن بٚدأرید اونَ بٚدٚس اَوٚریدی و شیمی شین به.

لوقا 13:25

ایتأ زمأت فأرٚسِه کی صأبخأنه دٚرَ دٚوٚده. بأزون، شومأن بیرون ایسأبو، در زٚنید و ایلتیمأس کونید کی خوداوندا، خوداوندا، دٚرَ اَمِرِه وأزَ کون! امّا اون جوأب دِهه کی من شٚمٚره نشنأسٚم!

لوقا 18:1

ایتأ روج عیسا خو شأگردأنٚ رِه ایتأ مٚثٚل بأوٚرده کی نیشأن بٚده وأستی همیشٚک دوعأ بوکونٚد و تأ خوشأنی دوعأ جوأبَ فأنگیفتٚد جٚه دوعأ کودن دٚس اونسأنٚد.

یوحنا 15:16

«شومأن مٚرَه اینتخأب نوکودیدی، من شٚمٚره اینتخأب بوکودم و شٚمٚره اوسه کودم کی بیشید و مِیویأنی بأوٚرید کی بمأنه، تأ هر چی خأییدی، می نأم اَمرأ بیگید و می پئرٚ جَا فأگیرید.»

یوحنا 15:7

ولی اگه در من بئیسید و می کلامٚ جَا ایطأعت بوکونید، هرچی بٚخأیید شٚمٚره فأدأ به.

یوحنا 4:10

عیسا جوأب بٚدأ: «اگه بدأنسته‌بی کی خودا چی خورومٚ پیشکشی خأیه تٚرَه فأدَه و اگه بدأنسته‌بی کی من کی ایسٚم، هو وخت می جَا زٚنده آبَ خأستی.»

رومیأن 2:7

اون اَبدی زٚندیگی‌یَ اوشأنی‌یَ فأدِه کی صبر و تحمولٚ اَمرأ، اونچی‌یَ کی دوروسته، انجأم دٚهٚده و او جلال و ایحترأم و زٚنده مأنستٚنَ خأیده کی خودا بخشِه.

رومیأن 3:11

هیکس رأس‌رأسِی، عأقیل نییٚه؛ هیکس خودا رِه وأنموجه.

عبرأنیأن 11:6

ولی اگه ایمأن و اونَ توٚکول کودن نٚبه، نشأ خودایَ خوشألَ کودن. هر کس خأیه بأیٚه خودا ور، وأستی ایمأن بٚدأره کی خودا ایسأ و اوشأنَ کی ایتأ تیمیزٚ دیلٚ اَمرأ اونی وأسی وأموج وُموج کونٚده پأدأش فأدِه.

یعقوب 5:15

و او دوعأ کی ایمأن اَمرأ بٚبه، نأخوش احوألٚ آدمَ شفأ بخشه و خوداوند اونَ ویریزأنه. اگه‌یٚم گونأیی بوکوده بی، اونٚ رِه بٚبخشه به.

اوّل یوحنا 3:22

بأزون هر چی اونی جَا بخأییم، بٚدٚس اَوریم چونکی اونی حوکمأنٚ جَا ایطأعت کونیم و کأرأنی‌یَ انجأم دیهیم کی قوبیل دأره.