متّی 7:6 - Gilaki New Testament

⁶ «اونچی کی موقدسه، سٚکأنَ فأندید، و شیمی مولواریدأنَ خوکأنٚ ور تأنوٚدید، چونکی اوشأن مولواریدأنَ لقد دٚمٚج کونٚده و وأگردٚده، شٚمٚره فوتورکٚده.

کیتاب مقدّس به گیلکی (رشتی)

⁶ «اونچی کی موقدّسه، سگأنَ فَندید و شیمی مرواریدأنَ خوکأنٚ جُلُو تأنودید. اگه اَ کار بوکونید، ممکنه اوشأن مرواریدأنَ لقد مال بوکونید، بأزین وأگردید و شمرَ تیکه‌پارَه کونید.

کتاب مقدس به زبان گیلکی - گویش شرقی

⁶ «اوچی مقدسِ، سگؤنِ هندین و شیمه مرواریدؤنِ خوکؤنِ ورجه تؤنداین، نبی که اوشونه دمجَن و وگردَن و شمره حمله بکونن.

کتاب مقدس به زبان گیلکی - گویش رشت و غرب گیلان

⁶ «اونچی کی مُقدّسه، سَگانَ فَندید و شیمی مُرواریدانَ خوکانِ ره فونکونید، نبه کی اوشانَ دَمَجید و واگردید و شمرأ واتلاخانید.

متّی 7:6 ပူးပေါင်းရင်းမြစ်များ

متّی 15:26

عیسا بٚفرمأسته: «دوروست نییٚه کی می زأکأنٚ دٚسٚ جَا نأنٚ فأگیرٚم و سٚکأنٚ ور تأوٚدم.»

متّی 24:10

خٚیلیأن خوشأنی ایمأنٚ جَا وأگردٚد و کس‌کسَ تسلیم کونٚده و کس‌کسٚ جَا نیفرت اوسأنٚده

متّی 7:5

اَی ریأکأر، اوّل روبارخألَ تی چومٚ جَا بیرون بأوٚر، بأزین تأنی بِیتر بیدینی و تأنی سوبیلَ تی برأرٚ چومٚ جَا بیرون بأوری.

دوم قرنتیان 11:26

دؤر دورأن و ملألی جأجیگأیأنَ سٚفر بوکودم؛ روخأنٚ بوجؤر اَمؤن، دوزدأنٚ حمله، یوهودی هموطنأن و اوشأنی کی یوهودی نیبیده اَذِت آزأرم همیشٚک مٚرَه تهدید بوکوده. شهرأنٚ دورون مردومی کی غیظ دأرٚده فوتورکستنٚ خطر اَمرأ و بیأبأن و دریأ دورون مٚردنٚ خطرٚ اَمرأ روبرو بوم. کیلیسا دورونم اوشأنی کی دورُغٚ اَمرأ برأری ایدعأیَ دأرٚده خطر، مٚرَه تهدید بوکوده.

فیلیپیان 3:2

او سٚکأنَ مولتفت بیبید، او بدذأت آدمأن، اوشأن کی جٚه عُصم و اعضأ قطع کودنٚ جَا دفأع کونٚده!

عبرأنیأن 10:29

اوشأنی کی خودا پٚسرَ کوچیکَ کونٚده چی ویشتر وأشتنأکٚ موجأزأت اوشأنی رأفأ ایسأ، و او خونَ کی اَشأنی گونأیَ پأکَ کونِه و خودا عهدٚ نیشأنه ایسه، بی‌ارزش کونٚده، و روح‌القدسَ کی ایلاهی رحمتٚ بخشش کودن کس ایسه، بی‌حورمتی کونٚده.

عبرأنیأن 6:6

اگه جٚه تومأمٚ اَشأنٚ پٚسی، خوشأنی دیمَ خودا جَا وأگردأنٚد، مومکین نییٚه بشأ اَشأنَ توبه رِه وأگردأنِن. اَشأن خودا پٚسرَ ایوأردِه خوشأنٚ رِه صلیبٚ سٚر بٚرٚده و همه کسٚ چومأنٚ ورجأ اونَ بی‌حورمت کونٚده.

دوم پطرس 2:22

اَ مثل دروأره‌یٚ اوشأن صدق کونِه کی: «سک خو قی بوکوده چی رو وأگرده» و هطویم اَ مثل کی: «بوشؤسته خوک، گیلٚ دورونی غلط زٚنِه»

موکأشفه 22:15

ولی سٚکأن، ینی اوشأنی کی جأدو جنبل کونٚده، زٚنأ کونٚده، بُتَ پرستٚش کونٚده، قأتیلأن و همه اوشأنی کی دورُغَ دوس دأرٚده و اونَ انجأم دٚهٚده، نٚتأنٚد بٚشٚد او شهرٚ میأن.