متّی 7:5 - Gilaki New Testament

⁵ اَی ریأکأر، اوّل روبارخألَ تی چومٚ جَا بیرون بأوٚر، بأزین تأنی بِیتر بیدینی و تأنی سوبیلَ تی برأرٚ چومٚ جَا بیرون بأوری.

کیتاب مقدّس به گیلکی (رشتی)

⁵ اَی ریاکار، اوّل او روبارخالَ تی چومٚ جأ بیرون بأور، بأزین بهتر تأنی بیدینی تا پرٚ کاهَ تی برأرٚ چومٚ جأ بیرون بأوری.

کتاب مقدس به زبان گیلکی - گویش شرقی

⁵ ای ریاکار، اوّل کُنده تی چیشمای بیرون بأر، بازین بهتر تینی بَینی تا بیشپیله تی برأره چیشموناجی بیرون بأری.

کتاب مقدس به زبان گیلکی - گویش رشت و غرب گیلان

⁵ اَی ریاکار، اول کُنده یَ تی چومِ جا بیرون باور، بازون بختر تانی دِئن تا اِسپیلَ تی برارِ چومِ جا بیرون باوری.

متّی 7:5 ပူးပေါင်းရင်းမြစ်များ

متّی 22:18

عیسا کی دأنستی اوشأن چی جوفت و کلک دیچِی دأرٚده، جوأب بٚدأ: «ای ریأکأرأن، اَ گبأنٚ اَمرأ خأیید مٚرَه غأفیلگیرَ کونید؟

متّی 7:3

چٚره سوبیلَ تی برأرٚ چومٚ دورون دینی، ولی روبارخألَ تی چومٚ دورون نیدینی؟

متّی 7:4

چوطو جورأت کونی تی برأرَ بیگی: "وئأل سوبیلَ، تی چومٚ جَا بیرون بأوٚرٚم"، ولی خودتٚ چوم دورون روبارخأل دأری؟

متّی 7:6

«اونچی کی موقدسه، سٚکأنَ فأندید، و شیمی مولواریدأنَ خوکأنٚ ور تأنوٚدید، چونکی اوشأن مولواریدأنَ لقد دٚمٚج کونٚده و وأگردٚده، شٚمٚره فوتورکٚده.

لوقا 12:56

اَی دورویأن، شومأن تأنیدی زیمین و آسمأنٚ هوا، نیشأنه‌یأنَ بفأمید، امّا نأنید چوطو، اَ زمأتَ تعبیر بوکونید!

لوقا 13:15

امّا عیسایٚ خوداوند اونی جوأب دئنٚ وأسی بٚفرمأسته: «ای دورو! مگه تو خودت شبّأت روجٚ میأن کأر نوکونی؟ مگه شبّأت روجٚ رِه، تی گأب یا تی اولأغَ، طیویله جَا آب دئنٚ وأسی بیرون نبری؟

لوقا 4:23

عیسا اوشأنَ بٚفرمأسته: «شک نأرٚم کی خأیید اَ مٚثٚلَ مِرِه بأوٚرید کی "اَی طٚبیب، خودتَ شفأ بٚدٚن!" و مٚرَه بیگید "او موجیزه‌یأنَ کی بشتأوستیم کفرناحومٚ میأن انجأم بٚدأیی، اَیَه تی شهرٚ دورونم انجأم بٚدٚن!"

لوقا 6:42

چوطو جورأت کونی تی برأرٚ بیگی برأر، وئأل سوبیلَ تی چومٚ جَا بیرون بأوٚرٚم، غأفیل جٚه اَنکی دأرٚخألَ تی چومٚ میأن دأری؟ اَی تویی کی ظأهیرَ چأکونی، اوّل چؤیَ تی چومٚ جَا بیرون بأوٚر، بأزین تأنی بیتر بیدینی، کی سوبیلَ تی برأرٚ چوم جَا بیرون بأوری.

اعمالٚ رسولأن 19:15

ولی وختی اَ کأرَ ایتأ آزأری رو ایمتحأن بوکودٚد، پٚلیدٚ روح جوأب بٚدأ و بوگفته: «من عیسایَ شنأسٚم، پولسَم شنأسٚم، ولی شومأن دِه کیسیدی؟»