متّی 7:16 - Gilaki New Testament

¹⁶ اوشأنَ تأنیدی اوشأنی مِیوه جَا بٚشنأسید، ینی اوشأنی کردکأرأنٚ جَا. آیا انگورَ شأ تٚمٚشٚ جَا یا اَنجیلَ وأشٚ جَا چِئن؟

کیتاب مقدّس به گیلکی (رشتی)

¹⁶ اوشأنٚ میوه‌یأنٚ جأ، اوشأنَ شنأسیدی. آیا تأنیدی انگورَ، جٚه تمش و انجیلَ، خار و خسٚ جأ بچینید؟

کتاب مقدس به زبان گیلکی - گویش شرقی

¹⁶ اوشونِ ایشونِ بارای شنأسنین. مگه انگورِ، تیفاجی و انجیره هرزه واشَ جی چینَن؟

کتاب مقدس به زبان گیلکی - گویش رشت و غرب گیلان

¹⁶ شُمان اوشانَ، اَشانِ بارِ جا خوائید ایشناختن. مگه انگورَ توموش جا، و انجیلَ هَرزِ واشِ جا چینیدی؟

متّی 7:16 ပူးပေါင်းရင်းမြစ်များ

متّی 12:33

«دأرَ، اونی مِیوه جَا شأ شنأختن. اگه خورومٚ دأر بٚبه، اونی مِیوه هم خُبه و اگه نأجورٚ دأر بٚبه، اونی مِیوه هم نأجورٚ بٚه.

متّی 7:20

پس چی؟ هوطو کی دأرَ اونی مِیوه جَا شنأسٚده، شومأنم تأنیدی مردومَ اوشأنی کردکأرأنٚ جَا بٚشنأسید.

غلاطیأن 5:22

امّا هر وخت خودا روح اَمی زٚندیگی‌یَ هیدأیت بوکونه، اَ ثمرأنَ اَمی زٚندیگی میأن اَوٚره: محبت، شأدی، آرأمٚش، صبر، مهرٚوأنی، خوروم کردکأرأن کودن، وفأ دأشتٚن، فروتنی، نأجور کردکأرأن جَا خو جولویَ گیفتن.

یعقوب 2:18

اَ ایرأد دوروسته کی اگه اینفر بٚگه: «شومأن گیدی اونچی کی موهیم ایسه، فقد ایمأن ایسه و بس! ولی من گم خورومٚ کأرأنم موهیمٚده. چون شومأن بودونٚ خورومٚ کأرأن نتأنیدی ثأبیت بوکونید کی ایمأن دأریدی. ولی همٚتأن تأنیدی جٚه می کردکأرأن بیدینٚد، بیدینٚد کی ایمأن دأرم.»

یعقوب 3:12

می جأنٚ دیلأن، آیا شأ اَنجیل دأره جَا زیتون چِئن؟ یا رٚزٚ جَا اَنجیل؟ شورٚ آبٚ چشمه‌یم، نتأنه شیرینٚ آب بیرون بأوٚره.