متّی 6:7 - Gilaki New Testament

⁷ «وختی دوعأ کودأندریدی، اوشأنی مأنستَن کی رأس‌رأسِی خودایَ نشنأسٚده، بیخودی ویردأنٚ تکرار نوکونید. اوشأن خیأل کونٚده کی خٚیلی تکرار کودنٚ اَمرأ، اَشأنٚ دوعأ قوبیل به.

کیتاب مقدّس به گیلکی (رشتی)

⁷ «وختی دوعا کودَن دریدی، بُت‌پرستأنٚ مأنستن بیخودٚ گبأنَ تکرار نوکونید. اوشأن گومان کونیدی زیادی گب زِئنٚ مره، اوشأنٚ دوعا مستجاب به.

کتاب مقدس به زبان گیلکی - گویش شرقی

⁷ «دعا وقت، پوچ گبونِ تکرار نکونین، هیطو که بت​پرستونِ قوم کؤئنن، چونکه خیال کؤئنن زیادی گوتن أمره، ایشؤنه دعا مستجاب بنه.

کتاب مقدس به زبان گیلکی - گویش رشت و غرب گیلان

⁷ «دُعا وقت چَتِ گبانَ تکرار نُکونید هُطوکی بُت پرستِ مردوم کونیدی، چونکی خیال کونیدی زیادی گفتنِ امرا اوشانِ دُعا مستجاب بِه.

متّی 6:7 ပူးပေါင်းရင်းမြစ်များ

متّی 18:17

ولی اگه ایوأردِه شیمی گبأنَ نشتأوٚست، بأزون موضو‌یَ کیلیسا رِه بوگو؛ و اگه کیلیسا تٚرَه حق فأدَه و او برأر بأزم قوبیل نوکوده، بأزون کیلیسا وأستی اونی اَمرأ ایتأ غریبه یا فأسیدٚ بأج‌فأگیرٚ مأنستَن رفتأر بوکونٚه.

متّی 26:39

بأزین بوشؤ ایپچه اوشتٚر زیمین سٚر بٚکٚفت و اَطو دوعأ بوکود: «پئر، اگه ایمکأن دأره، اَ رنج و عذأبٚ جأمَ می جَا اوسأن؛ ولی نه می خأهیشٚ وأسی، بلکی تی خأستٚ اَمرأ.»

متّی 26:42

دو‌وأره اوشأنَ بٚنأ و بوشؤ و اَطو دوعأ بوکود: «پئر، اگه ایمکأن نأرِه کی اَ جأم جٚه می جَا اوسأده بٚبه، پس اونَ وأخٚوٚرم. اونچی کی تی خأست ایسه انجأم بٚبه.»

متّی 26:44

پس سیومی وأر رِه بوشؤ و هوطو دوعأ بوکود.

متّی 6:32

چونکی بی‌ایمأنأن اَ چیزأنٚ وأسی غورصه خورٚده، ولی شیمی آسمأنی پئر جٚه قبل دأنِه کی اَشأنَ ایحتیأج دأریدی.

اعمالٚ رسولأن 19:34

ولی وختی بفأمستده کی یوهودی ایسه، صدایَ بوجؤرتر ببردٚد: «افسسیانٚ آرتمیس پیلّه ایسه!» اَ سٚر و صدا تأ دو سأعت درأزه بٚدأ.