متّی 5:26 - Gilaki New Testament

²⁶ و اگه اَطو بٚبه، زندأنٚ دورون وأ بئیسی، و تأ دینأرٚ آخرَ فأندی، نتأنی بیرون بأیی.

کیتاب مقدّس به گیلکی (رشتی)

²⁶ آمین شمرَ گم تا سکه‌یٚ آخرَ فئندی، نتأنی زندانٚ جأ بیرون بأیی.

کتاب مقدس به زبان گیلکی - گویش شرقی

²⁶ راست راستِ تَه گونم که، تا قرون آخر اونه هَندای، زندونای بیرون نأنی.»

کتاب مقدس به زبان گیلکی - گویش رشت و غرب گیلان

²⁶ حئیقتن، تره گَم کی تا قِران آخرَ فاندی، خولتانکِ جا بیرون نائی.»

متّی 5:26 ပူးပေါင်းရင်းမြစ်များ

متّی 10:29

دوتأ چی‌چی‌نی پول چندر ایسه؟ ایتأ سیأ پول ولی حتّا ایتأ چی‌چی‌نی‌یم بی‌اَنکی شیمی پئر وأخٚوٚرَ به بیجیر نٚکفه.

متّی 18:34

پأدیشأ خٚیلی توند برزخَ بو و دستور بٚدأ اونَ تأوٚدٚد زندأن و شکنجه بٚدٚد، و تأ آخرٚ دینأر خو قرضَ فأندأ، اونَ آزأدَ نوکونٚد.

متّی 25:41

«بأزین اوشأنی‌یَ کی می چپٚ ور ایسأده، گم: "اَی لعنت بوبوسته‌یأن جٚه اَیَه بیشید و بیشید او آتشٚ دورون کی هیوخت خأموشَ نیبه کی شیطان و اونی فٚرٚشته‌یأنٚ رِه آمأدَه بوسته.

متّی 25:46

«همیشٚکی موجأزأتٚ اَجور کسأنٚ شینه، ولی همیشٚکی زٚندیگی خوروم آدمأنٚ شین به.»

مَرقُس 12:42

اَ میأنی، ایتأ فِقِرٚ ویوه زنأی بأمؤ و دوتأ نأچیزٚ سکه تأودأ صوندوقٚ میأن.

لوقا 12:58

وختی اینفر تی جَا شیکأیت دأره و تٚرَه دادگأ بردأندره، حقٚ سعی بٚزٚن جٚه قبلٚ اَنکی قأضی ورجأ فأرسید، اونی اَمرأ آشتی بوکونی، نوکونه کی تٚرَه قأضی ورجأ فأکشأنِه و قأضی تٚرَه پأسبأنٚ دٚس بیسپأره و پأسبأنٚم تٚرَه زندأن تأوٚده

لوقا 12:59

و اگه هطو بٚبه، زندأنٚ دورون ایسی تأ تومأمٚ تی قرضَ فأندی، آزأدٚ نیبی!»

لوقا 16:26

جٚه اَن بوگذریم، ایتأ جولف درّه اَمٚرَه جٚه هم سیوأ بوکوده، جوری کی نه اَ طرفٚ آدمأن تأنٚد بأیٚد او طرف، و نه او طرفٚ آدمأن تأنٚد اَ طرف بأیٚد."

دوم تسالونیکیان 1:9

اَشأن ایتأ اَبدی موجأزأتَ فأرٚسٚده و خودا حوضورٚ جَا دورٚ بٚده و هیوخت اونی پیله قودرت و شوکوهَ ‌نیدینده.

یعقوب 2:13

چون اونی رِه کی اَ دونیأ دورون رحم نوکوده، رحم نیبه؛ ولی اگه مردومٚ اَمرأ مهرٚوأن بوبوسته بید، بأزون ایلاهی رحمت زور اونی دأوری سٚر بأش به.