متّی 5:1 - Gilaki New Testament

¹ ایتأ روج عیسا بیدِه ایتأ پیله جِمئیت جمَ بوستٚد. بأزون ایتأ کوه جؤر بوشؤ و بینیشت، و اونی شأگردأنٚم اونی دؤر جمَ بوستٚده.

کیتاب مقدّس به گیلکی (رشتی)

¹ وختی کی عیسی بیده مردومأنٚ زیادی بموییدی، بوشو ایتأ کوه بولندی سر بینیشته و اونٚ شاگردأنم بمویید اونٚ ورجأ

کتاب مقدس به زبان گیلکی - گویش شرقی

¹ وختی عیسی او جمعیّت بدِه، یکته کوه سر بوشؤ و بنیشته. هووخت اونه شاگردؤن اونه ورجه بومئن

کتاب مقدس به زبان گیلکی - گویش رشت و غرب گیلان

¹ وقتی عیسی خلقَ بیده، ایتا کوه سر بُشو و بینیشت. بازون اونِ شاگردان اونِ ورجه باموئید

متّی 5:1 ပူးပေါင်းရင်းမြစ်များ

متّی 13:2

دفأتن ایتأ پیله گورو اونی دؤر جمَ بوستٚد. اونم بینیشته لوتکأ دورون، و هوطویی کی همٚتأن سأحیلٚ کنأره بٚپأ ایسأ بود، اوشأنٚ آمؤختٚنَ سٚربیگیفت.

متّی 15:29

عیسا جٚه اویَه رأ دکفت و جلیلٚ دریأ کنأر فأرٚسٚه. بأزین بوشؤ کوه جؤر، هویه بینیشت.

متّی 4:25

اون هر جأ کی خو پأیَ نأیی، ایتأ پیله جِمئیت جلیلٚ سرزیمینٚ جَا، دکاپولیسٚ منطقه، اورشلیمٚ شهر و یوهودیه سرزیمینٚ سرتأسر، و اُردنٚ روخأنٚ شرقٚ جَا، اونی دونبألسر رأ دکفتیدی.

متّی 5:2

بأزین شورو بوکوده اوشأنَ آمؤختٚن و بٚفرمأسته:

مَرقُس 3:13

بأزین، عیسا بوشؤ ایتأ کوه جؤر و اوشأنی جَا کی اینتخأب بوکوده بو، دعوت بوکوده کی بأیٚد اونی ورجأ.

مَرقُس 3:20

وختی عیسا وأگردسته او خأنه‌یی کی زٚندیگی کودی بأزم خٚیلیأن اویَه جمَ بوستٚده، اوجوری کی غذأ خوردنٚ رِه فورصت نوکودٚد.

مَرقُس 4:1

ایوأردِه عیسا دریأچه ورجأ مردومٚ آمؤختٚنَ سٚر بیگیفت ایتأ عیده‌یٚم اونی دؤر جمَ بوستٚد، جوری کی مجبور بوبوسته ایتأ لوتکأ بینیشینه و ایپچه سأحیلٚ جَا دورَ بٚه و جٚه هویه مردومٚ رِه گب بٚزٚنه.

لوقا 6:12

ایتأ جٚه هو روجأنٚ میأن، عیسا دوعأ کودنٚ وأسی بوشؤ کوهستأنی میأن و تومأمٚ شبَ خودا عیبأدت کودنٚ رِه موشغول بوبوسته.

لوقا 6:17

بأزین همٚتأن کو جَا بیجیر بأمؤدٚد و فأرٚسئدٚد ایتأ پهن و صأفٚ جأجیگأ. اویَه تومأمٚ اونی یأرأن و خٚیلی جٚه مردوم، اونی دورٚ ور جمَ بوستد. اَ عیده جٚه تومأمٚ یوهودیه اوستأن، اورشلیم، و حتّا صور و صیدونٚ شومألی دریأ کنأرأنٚ، سرتأسرٚ شرأ بأمؤ بود، کی اونی گبأنَ بشتأوٚد و خوشأنی نأخوشیأن جَا شفأ بیأفٚد.

لوقا 6:20

اَ وختٚ میأن، عیسا خو شأگردأنٚ ور فأندرسته و بٚفرمأسته: «خوشبحألٚ شومأن کی فِقِر ایسید، چونکی خودا پأدیشأیی شیمی شینه!»

لوقا 9:28

اَ گبأنٚ هشت روج بوستنٚ پٚسی، عیسا، پطرس و یعقوب و یوحنایَ اوسأده و ایتأ کوه جؤر بوشؤ کی دوعأ بوکونه.

یوحنا 6:15

وختی عیسا بیدِه کی مردوم خأیید کی اونَ بوزور ببرد و پأدیشأ چأکونٚد، اَشأنی جَا سیوأ بوبوسته بوشؤ کوه جؤر.