متّی 4:13 - Gilaki New Testament

¹³ اوّل بوشؤ ناصره شهر و بأزون، کَفَرناحومٚ شؤئؤنٚ رِه رأ دکفت، شهری کی جلیلٚ دریأچه کنأره، زبولون و نفتالی شرأ نٚهأ بو.

کیتاب مقدّس به گیلکی (رشتی)

¹³ بأزین عیسی ناصره شهرَ ترکَ کوده بوشو شهرٚ کفرناحوم کی دریاچه‌یٚ جلیلٚ کنار و زِبولون و نفتالی ناحیه‌یأنٚ دورون نهَه‌بو، و هویه بِیسه.

کتاب مقدس به زبان گیلکی - گویش شرقی

¹³ بازین ناصره شهرای بوشؤ کفرناحوم سو و اوره بیسَه. کفرناحوم جلیل دریا ور بو و زِبولون و نفتالی سامؤن میئن هنّه بو.

کتاب مقدس به زبان گیلکی - گویش رشت و غرب گیلان

¹³ بازون ناصره شارَ تَرکا کود، کَفَرناحوم شار بُشو و اویا بِئسا. کَفَرناحوم، جلیلِ دریا وَر کی زبولون و نفتالی سامانسر نئَه بو، قرار دَشتی.

متّی 4:13 ပူးပေါင်းရင်းမြစ်များ

متّی 11:23

و تو اَی کَفَرناحوم، آیا آسمأنٚ جَا، بوجؤر شی؟ هیوخت! تو او بیجیر، بٚمٚرده‌یأنٚ دونیأ دورون شی، چون اگه موجیزه‌یأنی کی تی میأن بوکودم، سُدومٚ فأسیدٚ شهرٚ دورون بوکوده بیم، تأ ایمرو، بأقی مأنستی.

متّی 17:24

وختی فأرٚسِده کفرناحوم، معبدٚ مألیأت فأگیرٚ مأمورأن، بأمؤده پطرسٚ ورجأ، اونی جَا وأورسئده: «شیمی اوستأد معبدٚ مألیأتَ فأدَه؟»

متّی 4:14

اَطویی، اونچی کی خودا اشعیای نبی زٚوأنٚ جَا بوگفته بو، انجأم بوبو:

متّی 4:15

«زبولون و نفتالی شرأ، دریأچه کنأر، اُردنٚ او سٚر و تأ جلیل ور، کی غریبه‌یأن اونی دورون زٚندیگی کونٚده؛

متّی 9:1

بأزین عیسا بینیشته لوتکأ دورون و وأگردسته خو شهر، کی دریأچه او طرفٚ نٚهأ بو.

مَرقُس 1:21

بأزین همٚتأن بوشؤده کفرناحومٚ شهر، شبّأت روجٚ صُبٚ رِه بوشؤده کنیسه‌. اویَه عیسا خودا پیغأمَ مردومٚ رِه وأگویا بوکود.

مَرقُس 2:1

چن روجٚ پٚسی، عیسا وأگردسته کفرناحوم و مردوم وأخٚوٚرَ بوستٚد کی اون بٚخأنه ایسأ.

لوقا 10:15

و تو اَی کفرناحوم، آیا آسمأنٚ جؤر شی؟ هیوخت! تو مورده‌یأنٚ دونیأیَ بیجیر شی!»

لوقا 4:23

عیسا اوشأنَ بٚفرمأسته: «شک نأرٚم کی خأیید اَ مٚثٚلَ مِرِه بأوٚرید کی "اَی طٚبیب، خودتَ شفأ بٚدٚن!" و مٚرَه بیگید "او موجیزه‌یأنَ کی بشتأوستیم کفرناحومٚ میأن انجأم بٚدأیی، اَیَه تی شهرٚ دورونم انجأم بٚدٚن!"

یوحنا 2:12

بأزون عیسا خو مأر، برأرأن و شأگردأنٚ اَمرأ ایتأ چن روج بوشؤ کفرناحوم.

یوحنا 4:46

هوطو کی جلیلٚ میأن گردٚستأندوبو، ایوأردِه بوشؤ قانا شهرٚ میأن، هو جأیی کی عروسی جشنٚ دورون آبَ شرأب چأکوده بو. وختی عیسا اویَه ایسأبو، ایتأ افسر کی اونی پٚسر نأخوش بو، جٚه کفرناحومٚ شهر بأمؤ اونی ورجأ.

یوحنا 6:17

امّا وختی بیدِده کی هوا تأریک دکفته و عیسا کوه جَا بیجیر نأمؤ، لوتکأ میأن بینیشتده و بوشؤده کفرناحومٚ ور کی دریأچه او ور نٚهأ بو.

یوحنا 6:24

وختی مردوم بفأمستده کی عیسا و اونی شأگردأن اویَه نئیسأده، لوتکأ میأن بینیشتٚد و خوشأنَ فأرٚسأنِد کفرناحوم کی اونَ بیأفٚد.

یوحنا 6:59

عیسا اَ گبأنَ کفرناحوم کنیسه‌ میأن بٚزِه.