متّی 27:60 - Gilaki New Testament

⁶⁰ و ایتأ مقبٚره دورون کی تأزٚگی خؤرَه صخره دورون بتأشته بو، بٚنه. بأزین ایتأ پیله سنگ بٚنه قبر جولو و بوشؤ.

کیتاب مقدّس به گیلکی (رشتی)

⁶⁰ و ببرده بنَه ایتأ تازه قبرٚ میأن کی خودشٚ وأسی سنگٚ جأ بتراشته‌بو و ایتأ پیله سنگَ قبرٚ دَهنه جُلُو بغلطأنه و بوشو.

کتاب مقدس به زبان گیلکی - گویش شرقی

⁶⁰ و یکته مقبره میئن که تازه خوشِ به صخره میئن بتاشته بو، بَنه و یکته پیله سنگ مقبره دهنه جلو گرادَه و بوشو.

کتاب مقدس به زبان گیلکی - گویش رشت و غرب گیلان

⁶⁰ و ایتا تازه مَقبره کی خورِه صخره درون بکنده بو، بنه و ایتا پیله سنگ، مَقبره جُلُو گیل بدَه و بُشو.

متّی 27:60 ပူးပေါင်းရင်းမြစ်များ

متّی 27:59

یوسف جسدَ فأگیفت و ایتأ تیمیزٚ کتأنٚ دورون وأپخته،

متّی 27:66

بأزین بوشؤده و قبرٚ دٚرَ جولو سنگَ مُهر و موم بوکودٚد و نیگهبأن بٚنأده کی کسی قبرٚ نیزدیکَ نٚبه.

متّی 28:2

نأخٚوٚرکی ایتأ توندٚ زیمین لرزه بوبوسته، چونکی خوداوندٚ ایتأ جٚه فٚرٚشته‌یأن، آسمأنٚ جَا بأمؤ بیجیر، مقبٚره ور بوشؤ و سنگی کی اونه دهأنه سٚر نٚهأبو‌یَ گٚرأ دأ ایتأ کنأره و اونی سٚر بینیشت.

لوقا 24:2

وختی اویَه فأرٚسِده، بیدِده او سنگ کی قبرٚ جولو نٚهأ بو ایتأ کنأره گرأدأ بوبوسته.

یوحنا 11:38

ایوأردِه عیسا خٚیلی غورصه بوخورده. آخرپٚسی قبرٚ سٚر فأرٚسِده. اونی قبر، ایتأ غأر بو کی ایتأ پیله‌دأنه سنگَ اونی دهنه جولو گٚرأ دأ بود.

یوحنا 11:41

پس سنگَ کنأرَ کودٚد. او وخت عیسا آسمأنَ فأندرسته و بٚفرمأسته: «پئر، شوکر کونم کی می دوعأیَ بشتأوستی.

یوحنا 19:41

او اعدأمٚ جیگأ نیزدیکی ایتأ کوجه‌دأنه بأغ نٚهأ بو و ایتأ تأزه قبر کی هیکس اویَه بیگیلَ نوبوسته بو.

یوحنا 20:1

یکشنبه روج، صُبٚ دٚم، هنو هوا تأریک بو، مریمٚ مجدلیه بوشؤ قبر سٚر و قأقَ بوسته چونکی بیدِه سنگ قبرٚ دٚرٚ جَا کنأر بوشؤ بو.