متّی 24:6 - Gilaki New Testament

⁶ جنگأنٚ خٚوٚر جٚه دؤر و نیزدیک شیمی گوش فأرٚسِه. ولی پریشأنَ نیبید چون جنگأن ایتفأق دکفیدی، ولی اَ زودیأن دونیأ تومأنَ نیبه.

کیتاب مقدّس به گیلکی (رشتی)

⁶ در موردٚ جنگأن و اونٚ خبرأن ایشنَویدی امّا نوأ ترسئنید، چونکی وأستی اَ جور پیشامدأن ایتفاق دکفه، ولی به اَ معنی نی‌یه کی دونیا به آخر فأرسه.

کتاب مقدس به زبان گیلکی - گویش شرقی

⁶ هیطورم جنگؤنِ باره أیشتؤنین و جنگؤنِ خبر شیمه گوش رسنه. امّا واهیمه ندارین، چون ایجور اتفاقون باید دکای، ولی حلِه آخرزمون نرسه.

کتاب مقدس به زبان گیلکی - گویش رشت و غرب گیلان

⁶ هَطویَم جنگ باره خوائید ایشتاوستن و جنگ خبران شیمی گوش خوائه فارسن. ولی هراس ندَرید، چونکی بایسی اَجور ایتفاقی دکفه، ولی هنو آخر زمات فأنرسه.

متّی 24:6 ပူးပေါင်းရင်းမြစ်များ

متّی 2:3

هطو کی اَ خٚوٚر هیرودیسٚ پأدیشأ گوشَ فأرٚسِه، اون و تومأمٚ اورشلیمٚ آدمأن، اونی اَمرأ پریشأنَ بوستٚد.

متّی 24:14

«آخرپٚسی وختی اینجیل خورومٚ خٚوٚر تومأمٚ دونیأ آدمأنٚ گوش فأرٚسِه و همه اونی جَا وأخٚوٚرَ بوستٚد، بأزین دونیأ تومأنَ به.

متّی 26:54

ولی اگه اَطو بوکونم، چوطو موقدسٚ کیتأبأنٚ پیشگویی انجأم به کی فرمأیٚده اَ ایتفأقأن وأستی دکفه؟»

لوقا 21:19

اگه آخر سٚر طأقت بأوٚرید، شیمی جأنَ نیجأت دیهیدی.

لوقا 21:9

و وختی جنگأن و شورشأنٚ خٚوٚرَ ایشتأوید هولَ نیبید چونکی وأستی اوّل اَ ایتفأقأن دکفه، امّا حألا حألٚایأن دونیأ تومأنٚ نیبه.»

لوقا 22:37

چونکی اونچی کی می وأسی جٚه پیشتر وأگویا بوبوسته زمأت فأرٚسِه کی گه اون ایتأ گونأکأر بٚحیسأب بأمؤ. هطویه، هر چی می دروأره‌ بینیویشته بوبوسته، ایتفأق دکفه.»

یوحنا 14:1

«شیمی خیأل جم بٚبه، شومأن کی خودایَ ایمأن دأریدی، مٚرَه‌یٚم ایمأن بٚدأرید.

یوحنا 14:27

«من ایتأ پیشکشی شیمی ورجأ نٚهٚم و شٚم. اَ پیشکشی، دیل و فیکرٚ، آرأمٚش ایسه. او آرأمٚش کی من شٚمٚره فأدَم، دونیأ آرأمشأنٚ مأنستَن تومأنَ بوستنی نییٚه. خأطر جم بیبید و نوأترسِئنید.»

دوم تسالونیکیان 2:2

ولأنید اوشأنی وأسی کی گده خوداوندٚ روج، جٚه اَسه شورو بوبوسته، شیمی فیکرأن، رأحت سوست و پریشأنَ بد. اوشأنی گبأنَ بأوٚر نوکونید، حتّا اگه ایدعأ بٚدأرٚد کی نوبوّت یا کی ایلهأمی دأرٚده یا ایتأ نأمه جَا کی وأنمود کونٚده اَمی جَا ایسه ایتکأ بوکونٚد.

موکأشفه 6:4

اَیدٚفأرِه، ایتأ سورخٚ اسب ظأهیرَ بوسته. اونی سوأرَ ایتأ پیله شٚمشیر و قودرت فأدأ بوبوسته بو کی زیمینٚ جَا صولح و سلأمتی‌یَ اوسأنه. اَطو بو کی، جنگ و خون فوکودٚن همٚتأ جیگأ سٚر بیگیفته بوبوسته.