متّی 24:36 - Gilaki New Testament

³⁶ ولی هیکس نأنِه کو روج و چی سأعتی دونیأ تومأنَ به، حتّا فٚرٚشته‌یأنم نأنٚده، خودا پٚسرم اونی ‌جَا خٚوٚر نأرِه. فقد می پئر خودا اونَ دأنه.

کیتاب مقدّس به گیلکی (رشتی)

³⁶ «هیکس او روز و ساعتَ نأنه، جز پئر؛ حتی پسر و آسمانٚ فرشته‌یأنم نأنیدی.

کتاب مقدس به زبان گیلکی - گویش شرقی

³⁶ «اما هیشکس او روز و او ساعتِ نودؤنه، جز پئر؛ حتّی آسمونِ فرشته​أن و اونه ریکاکَم اونای واخُوب نی​یَن.

کتاب مقدس به زبان گیلکی - گویش رشت و غرب گیلان

³⁶ «ولی هیکّس اُ روج و اُ وقتَ نانه جغیر پِئر؛ حتی آسمانِ فیریشته ئان نانید و پسرم اونِ جا واخُب نیه.

متّی 24:36 ပူးပေါင်းရင်းမြစ်များ

متّی 24:42

پس شومأنم آمأده بیبید چون نأنیدی شیمی خوداوند کو روجٚ رِه دووأره وأگرده.

متّی 24:44

پس شومأنم آمأده بیبید، چونکی اینسأنٚ پٚسر او زمأت وأگرده کی کمتر اونی رأفأ ایسأییدی.

متّی 25:13

پس نوخوسید و شیمی حواس بمأنه چون نأنیدی چی روج و چی زمأتی وأگردم.

مَرقُس 13:32

«امّا هیکس نأنِه کی کو روج و سأعت دونیأ آخر فأرٚسِه، فٚرٚشته‌یأنٚم حتّا نأنٚده، خودا پٚسرم اونی جَا خٚوٚر نأرِه، فقد اونَ می پئر، خودا دأنه.

اعمالٚ رسولأن 1:7

جوأب بٚدأ: «اَشأنٚ دأنٚستٚن شیمی کأر نییٚه، می پئر، خودا، اَ زمأتأنَ موشخص کونه

اوّل تسالونیکیان 5:2

چونکی شومأن خٚیلی خُب دأنیدی کی هیکس اونی وأگردٚستنٚ زمأتَ نأنِه. خوداوندٚ روج هچین ایتأ شب دوزدٚ مأنستَن، ایوأرکی اَیِه.

دوم پطرس 3:10

هنٚ بدأنید کی خوداوندٚ روجٚم حتمن فأرٚسِه، اونم ایتأ دوزد مأنستَن کی همٚتأنَ غأفیلگیرَ کونِه. او روجٚ میأن، آسمأنأن ایتأ وأشتنأکٚ ایجگره اَمرأ جٚه بین شٚده و آسمأنٚ ستأره‌یأن آتشٚ دورون جٚه بین شٚده، زیمین و هر چی کی اونی دورون نٚهأ آشیکأرَ بِه.

موکأشفه 16:15

هسأ، دیقت بوکونید اوچی‌یَ کی عیسای مسیح گه: «او زمأت کی رأفأ نئیسأیید، دوزدٚ مأنستَن اَیٚم! خوشبحأل اونی کی می وأگردٚستنٚ رِه حأضیر ایسٚه و خو رختَ قأیم دأره نوکونه کی برأنده دٚوأره و روسوأ بٚبه.»

موکأشفه 3:3

او پیغأمٚ ور کی جٚه اوّل بشتأوستی و ایمأن بأوٚردی، وأگرد و اونَ موقیّد بوبو؛ می ورجأ وأگرد، اَطو نٚبه ایتأ دوزد مأنستَن اَیٚم و تو غأفیلگیرَ بی.