متّی 23:16 - Gilaki New Testament

¹⁶ «وای به شیمی حأل کی کوریدی و دٚسٚ‌چو گیریدی! چونکی گیدی: "عأیب نأرِه کی اینفر معبدٚ سٚر قسم بوخوره چون تأنه خو قسمَ بٚشکٚنه؛ ولی اینفر کی طلأیی ظرفأنَ کی معبدٚ دورون نٚهأ، قسم بوخوره وأستی حتمن اونَ وفأ بوکونه."

کیتاب مقدّس به گیلکی (رشتی)

¹⁶ «وای بر شومأن، اَی رأنمایأنٚ کور کی گیدی: ‹اگه کسی معبدَ قسم بوخوره، ترسی نأره، ولی اگه به طلایی کی معبدٚ دورون نهَه قسم بوخوره، وأستی خو قسمَ وفا بوکونه.›

کتاب مقدس به زبان گیلکی - گویش شرقی

¹⁶ «وای بر شمه ای کورِ راهنماأن که گونین: ”مهم نیه اگه ینفر معبدِ قسم بوخوری، امّا اگه معبدِ طلا قسم بوخوری، باید خوشِ قسّمِ عملی بکونی.“

کتاب مقدس به زبان گیلکی - گویش رشت و غرب گیلان

¹⁶ «وای بر شُمان کی کورِ رانمائید، کی گیدی: ”مهم نیه کی اَگه اینفر معبدِ سر قسم بُخوره، ولی اَگه معبدِ طلایَ قسم بُخوره، بایسی خو قسمَ عمل بُکونه.“

متّی 23:16 ပူးပေါင်းရင်းမြစ်များ

متّی 15:14

پس، اوشأنی اَمرأ کأر نوأدأشتنید. اَشأن کورأنی ایسٚد کی البأقی کورأنَ عصأکٚش بوبوستده، و اگه ایتأ دکفه چأه دورون، اویتأیٚم خو دونبأل فأکشه.»

متّی 23:13

«وای بحألٚ شومأن، ای دینٚ عألیمأن و فریسیأن! چندر ریأکأریدی! نه وئألیدی البأقیأن آسمأنٚ ملکوتٚ بودورون بٚشٚد و نه خودتأن بودورون شیدی.

متّی 23:17

اَی جأهیلأن! اَی کورأن! کویتأ موهیمتره، طلأ یا معبد کی طلأیَ تقدیس کونه؟

متّی 23:19

اَی کورٚ اَحمٚقأن! کویتأ موهیمتره، پیشکشی‌یی کی مذبحٚ رو نٚهأ یا خودٚ مذبح کی پیشکشی‌یَ تقدیس کونه؟

متّی 23:24

اَی کی کوریدی و دٚسٚ چو گیریدی، شوکوزٚ صافی سولأخٚ جَا رٚدَ کونید ولی شوتورَ فٚوٚریدی!

متّی 23:26

ای کورٚ فریسیأن، اوّل کأسه بوشقابٚ دورونَ تیمیزٚ کونید کی اوشأنٚ بیرونم پأکَ بِه.

غلاطیأن 5:3

ایوأردِه گم هر کی بٚخأیٚه ختنه بوستن اَمرأ خودایَ خوشألَ کونه، وأستی البأقی شریعتٚ حوکمأنٚم مو به مو قأیم بٚدأره غیرٚ اَن ایتأ اَبدی مرگٚ رِه محکومه.

یعقوب 5:12

جٚه همه چی موهیمتر، هی زمأت قسم نوخورید، نه آسمأن و زیمینٚ و نه ده هیچی‌یَ. اگه گیدی "آها" شیمی گب رأس‌رأسِی آها بٚبه و اگه گیدی "نه"، شیمی منظور رأس‌رأسِی نه بٚبه تأ اَطویی شیمی جَا گونأ بیرون نأیٚه و موجأزأت نیبید.