متّی 21:23 - Gilaki New Testament

²³ عیسا ایوأردِه بأمؤ معبدٚ دورون و مردومٚ آمؤختٚنَ سٚر بیگیفت. پیله کأهینأن و قومٚ پیله کسأن بأمؤده و اونی جَا وأورسئده: «کو ایقتدأرٚ اَمرأ اَ کأرأنَ انجأم دیهی؟ کی تٚرَه اَ ایقتدأرَ فأدأ؟»

کیتاب مقدّس به گیلکی (رشتی)

²³ او وخت عیسی معبدٚ صحنٚ دورون بوشو و هَطو کی مردومَ تعلیم دَئن دوبو، سرأنٚ کاهنأن و قومٚ پیله کسأن اونٚ ورجأ بموییدی و بوگفتیدی: «به چی حقّی اَ کارأنَ انجام دیهی؟ چی کسی اَ حقَّ ترَ فدَه؟»

کتاب مقدس به زبان گیلکی - گویش شرقی

²³ عیسی معبد دیرون بوشؤ و مردومِ تعلیم بدا. هی موقع، کاهینون سرون و شیخون قوم اونه ورجه بومئن و بوُتن: «به چی اجازه​ای ایی کارؤن کؤئنی؟ کی تَه ایی قدرت و اختیار هَده؟»

کتاب مقدس به زبان گیلکی - گویش رشت و غرب گیلان

²³ عیسی معبد بدرون بُشو و بنا به مردومِ آموختن بُکود. هه موقع، کاهنان سران و مردومِ ریش سیفیدان، اونِ ورجه باموئید و بگفتید: «به چی اجازه ئی اَ کارانَ کونی؟ کی تره اَ قدرت و ایختیارَ فَدَه؟»

متّی 21:23 ပူးပေါင်းရင်းမြစ်များ

متّی 20:4

پس، اوشأنَ اوسه کوده خو بأغ و بوگفته غروب دٚمٚ رِه هرچی اوشأنٚ حق بٚبه فأدٚم.

متّی 21:24

عیسا بٚفرمأست: «بٚشرطی شیمی جوأبَ دٚهٚم کی اوّل می جوأبَ بدید.

متّی 24:1

وختی کی عیسا معبدٚ جَا شؤئؤندوبو بیرون، اونی شأگردأن بأمؤده، بٚخأستٚد اونَ ببرد معبدٚ سأختمأنأنٚ دِئنٚ رِه.

متّی 26:55

بأزون اون وأگردسته او چن نفرٚ ور و بوگفته: «مگه من فرأر بوکوده دوزدم کی چو و چومأق و شٚمشیرٚ اَمرأ می دونبأل بأمؤییدی؟ من هر روج شیمی چومأنٚ ورجأ معبد دورون ایسأبوم و مردومَ آمؤختأندوبوم؛ چٚره هویه مٚرَه نیگیفتیدی؟

لوقا 19:47

اونی پٚسی عیسا هر روج خودا خأنه دورونی مردومَ آمؤختی. پیله کأهینأن، دین عألیمأن و قوم پیله کسأن ایتأ فورصتٚ دونبأل گردستیدی کی اونَ بوکوشٚد.

لوقا 20:1

ایتأ روج جٚه هو روجأنٚ دورونی کی عیسا معبدٚ دورون آمؤختأندوبو و خودا نیجأتٚ پیغأمَ مردومٚ رِه وأگویا کودی، پیله کأهینأن و دین عألیمأن، یوهودٚ پیله کسأن اَمرأ اونی ورجأ بأمؤده،

اعمالٚ رسولأن 4:7

او وخت پطرس و یوحنایَ بأوٚردٚد و اَشأنٚ جَا وأورسئده: «اَ کأرَ چی قودرت و چی نأمٚ اَمرأ انجأم بدأیید؟»

اعمالٚ رسولأن 7:27

«ولی اونی کی تقصیر دأشتی موسایَ بوگفته: کی تٚرَه اَمی حأکیم و دأور چأکوده؟