متّی 21:20 - Gilaki New Testament

²⁰ وختی شأگردأن اَ مأجیرأیٚ بیدِده قأقَ بوستٚد، بوگفتد: «چی زود اَنجیل دأر خوشکٚ بو!»

کیتاب مقدّس به گیلکی (رشتی)

²⁰ شاگردأن کی اَ ایتفاقَ بیده‌ییدی، تعجبٚ مره عیسی جأ وَورسه‌ییدی: «چی بوبوسته کی اَنجیل درخت فوری خوشکَ بوسته؟»

کتاب مقدس به زبان گیلکی - گویش شرقی

²⁰ شاگردؤن بعد اینکه ایی جریونِ بدِئن حیرونَ بوئن، اوناجی بپورسِئن: «چطو اَنجیل دار، درجا خوشکه بوُ؟»

کتاب مقدس به زبان گیلکی - گویش رشت و غرب گیلان

²⁰ شاگردان بعد اَنکی اَجریانَ بیده ئید حَیرانَ بوستید، اونِ جا واورسه ئید: «چُطو اَنجیل دار، درجا خُشکا بوست؟»

متّی 21:20 ပူးပေါင်းရင်းမြစ်များ

متّی 21:19

جأده کنأر ایتأ اَنجیل دأرَ بیدِه؛ بوشؤ اونی ور کی ایتأ مِیوه بیچینه. ولی دأرٚ سٚر جغرز ولگ دِه هیچی نیأفته. پس بوگفته: «بٚبه کی دِه هیذره تی جَا مِیوه بیرون نأیِه!» دفأتن دأر خوشکَ بوسته.

متّی 21:21

عیسا اوشأنَ بوگفته: «رأس‌رأسِی شٚمٚره گم اگه ایمأن بٚدأرید و شک نوکونید، نه فقد اَ کأر، بلکی جٚه اَن پیله‌ترم انجأم دیهیدی. حتّا تأنید اَ کوهَ بیگید، "جٚه اَیَه بٚکنده بوبو و دریأ دورون تأوٚدأ بوبو"، و هطویی به.

متّی 8:10

عیسا اَ گبأنٚ ایشتأوٚستٚنٚ اَمرأ، قأقَ بوسته! بأزین وأگردسته اوشأنی ور کی اونی دونبأل اَمؤندوبود، بوگفته: «آمین شٚمٚره گم کی اَجور ایمأن حتّا ایسرأییلٚ دورونم نیدِم.