متّی 21:11 - Gilaki New Testament

¹¹ جوأب ایشتأوٚستید: «اون عیسایٚ پیغمبره، جلیلٚ ناصره جَا بأمؤ.»

کیتاب مقدّس به گیلکی (رشتی)

¹¹ و جماعتی کی عیسی اَمرأ اَمون دیبید جواب ده‌ییدی: «عیسایٚ پیغمبره کی ناصره‌یٚ جلیلٚ شینه!»

کتاب مقدس به زبان گیلکی - گویش شرقی

¹¹ و او جماعت جواب دَئن: «ایی عیسای پیغمبرِ، که جلیل ناصره شی ایسّه!»

کتاب مقدس به زبان گیلکی - گویش رشت و غرب گیلان

¹¹ و اُ جماعت جواب بدَئید: «عیسیِ پیغمبره کی جلیلِ ناصره شینه!»

متّی 21:11 ပူးပေါင်းရင်းမြစ်များ

متّی 2:23

و ناصره شهرٚ دورون سأکین بوبوست. اَطویی، اونچی کی انبیأ زٚوأنٚ جَا بوگفته بوبوسته بو، ایتفأق دکفته: «اونَ ناصری دؤخأنده.»

متّی 21:10

وختی اون بوشؤ اورشلیم دورون، تومأمٚ شهر بٚذوق بأمؤده. مردوم وأوٚرسِئید: «اَ مردأی کیسه؟»

متّی 21:26

و اگه بیگیم اینسأنٚ جَا بو، اَ مردوم اَمٚرَه فوتورکٚده، چون همٚتأن یوحنایَ پیغمبر دأنده.»

متّی 21:46

تصمیم بیگیفتٚد اونَ بوکوشٚد، ولی مردومٚ جَا بٚتٚرسِئده چون همه عیسا‌یَ پیغمبر دأنستیدی.

مَرقُس 6:15

ایتأ عیده‌یٚم اَ فیکر و خیأل میأن دوبود کی اون هو ایلیایٚ پیغمبر ایسه کی دووأره وأگردسته البأقیأنم گفتید کی اون ایتأ پیغمبر، قدیمی پیله پیغمبرأن مأنستَن ایسه.

لوقا 13:33

دوروسته، ایمرو و فردأ و پس فردأ وأستی می رأیَ ایدأمه بدم، چونکی ایمکأن نأرِه خودا پیغمبر جغرز اورشلیم میأن، ایتأ جأ دِه بیمیره!

لوقا 24:19

عیسا وأوٚرسِه: «کو مأجیرأ؟» بوگفتد: «هو مأجیرأیی کی عیسای ناصری رِه ایتفأق دکفته! اون ایتأ پیغمبر و ایتأ پور قودرت معلم بو؛ کأرأن و عجأیب غرأیب موجیزه‌یأن انجأم دٚئی و خودا و اینسأنٚ چوم اونی رو نٚهأ بو.

لوقا 7:16

تومأمٚ اوشأنی کی اَ موجیزه‌یَ بیدِدٚد، ترس و ایحترأمٚ اَمرأ، خودایَ شوکر بوکودٚد، گفتأندوبود: «ایتأ پیله پیغمبر اَمی میأن ظأهیرَ بوسته! خوداوند اَمی یاور بأمؤ!»

لوقا 7:39

صأبخأنه ینی او فریسی، وختی اَ مأجیرأیَ بیدِه و او زنأکٚ بشنأخته، خو اَمرأ بوگفته: «اگه اَ مٚردأی خودا ور بأمؤ، حتم فأمستی کی اَ زنأی گونأکأر و پٚلیدٚ ایسه!»

یوحنا 1:21

وأورسئده: «خُب، پس تو کیسی؟ آیا ایلیایٚ پیغمبری؟» جوأب بٚدأ: «نه!» وأورسئده: «آیا او پیغمبر نیئی کی اَمأن اونٚ رأفأ ایسأییم؟ ایوأردِه جوأب بٚدأ: «نه.»

یوحنا 1:25

اونی جَا وأورسئده: «خُب، اگه نه مسیح ایسی، نه ایلیا و نه او پیغمبر، پس کی ایجأزه و ایختیأرٚ اَمرأ مردومَ تعمید دیهی؟»

یوحنا 4:19

او زنأی کی قأقَ بوسته بو، بوگفته: «آقأ، دینٚم کی شومأن پیغمبری!»

یوحنا 6:14

مردوم وختی اَ پیله موجیزه‌یَ بیدِده بوگفتد: «شک نوکونید اَن هو پیغمبری ایسه کی اَمأن اونی رأفأ ایسأبیم.»

یوحنا 7:40

وختی مردوم اَ گبأنَ عیسا جَا بشتأوستٚد، بوگفتٚده: «اَن وأستی هو پیغمبری بٚبه کی اونی رأفأ ایسأبیم.»

یوحنا 9:17

او وخت فریسیأن وأگردٚستٚده او مردأکَ کی پیشتر کور بو، بوگفتٚده: «تو خودت چی گی؟ اونی کی تی چومأنَ وأزَ کوده، کیسه؟» جوأب بٚدأ: «می نظر اَنه کی اون وأستی ایتأ پیغمبر جٚه خودا ور بٚبه.»

اعمالٚ رسولأن 7:37

«هه موسا ایسرأییلٚ قومَ بوگفت: خودا جٚه شیمی برأرأنٚ میأن، ایتأ پیغمبر می مأنستَن شِمِره اوسه کونه.