متّی 18:15 - Gilaki New Testament

¹⁵ «اگه تی برأر، تی حق بٚدی بوکونٚه، بوشو و خلوتی اونی اَمرأ گب بٚزٚن و اونَ خو ایشتیوأ جَا وأخٚوٚرَ کون. اگه تی گبَ بشتأوست و بٚگٚردٚن بیگیفت، تی برأرَ دووأره بیأفتی.

کیتاب مقدّس به گیلکی (رشتی)

¹⁵ «اگه تی برأر ترَ بدی بوکونه، خلوتی بوشو اونٚ ورجأ و اونٚ بدی‌یأنَ اونَ بوگو. اگه تی گبَ گوش بوکوده، ینی تی برأرَ به دس بأوردی؛

کتاب مقدس به زبان گیلکی - گویش شرقی

¹⁵ «اگه تی برأر ته به گوناه بوده، اونه ورجه بشو و خودت و اونه میئن، اینه خطا اونه گوشزد بکون. اگه تی گبِ قبول بُوده، تی براره هَنده بدست باردی؛

کتاب مقدس به زبان گیلکی - گویش رشت و غرب گیلان

¹⁵ اَگه تی برار تره بدی بُکود، اونِ ورجه بوشو و خودت و اون میان، اونِ اشتبایَ اونِ گوشزد بُکون. اَگه تی گبَ قُبیل بُکود، تی برارَ ایوار ده بیافته ئی

متّی 18:15 ပူးပေါင်းရင်းမြစ်များ

متّی 18:14

اَطویی، شیمی آسمأنی پئر نٚخأیه کی حتّا ایتأ جٚه اَ زأکأن، جٚه دٚس بٚشٚد و هلأکَ بد.

متّی 18:21

هو موقع پطرس بأمؤ و وأوٚرسِه: «آقأ جأن، او برأر کی مٚرَه بدی کونٚه، چن دٚفه وأستی بٚبخشم؟ ینی هفت وأر؟»

متّی 18:35

«هطویه، می آسمأنی پئر اَطویی شیمی اَمرأ رفتأر کونه اگه شومأن شیمی برأرَ جأنٚ دیلٚ اَمرأ نٚبٚخشید.»

رومیأن 12:21

ولأنید بدی شیمی سٚر بأش بٚبه، بلکی خُبی کودنٚ اَمرأ، بدی‌یَ بیگیل دوکؤبید.

اوّل قرنتیان 8:12

وختی ایمأندأرأنَ ایتأ کأرٚ رِه تِشویق کونیدی کی اونَ دوروست نأنٚده، شومأن تنأ دروأره‌یٚ اوشأنٚ نییٚه بلکی دروأره‌یٚ مسیحَم گونأ کونیدی.

دوم قرنتیان 7:12

او وخت کی او دسخطَ بینیویشتم، می نیّت اَن نوبو کی دروأره‌یٚ او خطأ کی او آدم اینفرٚ اَمرأ بوکوده، می فیکرَ وأگویا بوکوده بیم بلکی خأستیم خودا حوضورٚ میأن شٚمٚره آشیکأر بٚبه کی چندر اَمٚرَه علأقه و محبت دأرید.

غلاطیأن 6:1

گولٚ برأرأن و خأخورأن، اگه ایتأ ایمأندأر ایشتیوأ بوکونه، شومأن کی ویشتر روحأنی ایسید، تومأمٚ شیمی فروتنی اَمرأ اونَ رأستٚ رأ ور وأگردأنید؛ هطویم شیمی حواس بمأنه کی شومأنم هو وسوسه میأن گیر دنکفید.

کولسیان 3:13

و آدمأنٚ کردکأرأنَ تحمول بوکونید و آمأده بیبید کی اَشأنَ بٚبٚخشید. هیوخت کس‌کسٚ جَا کینه بٚدیل نیگیرید. جٚه خأطرٚ نٚبٚرید کی مسیح شٚمٚره بٚبخشه؛ پس شومأنم وأستی البأقیأنَ بٚبٚخشید.

اوّل تسالونیکیان 4:6

هطویم، خودا خأسته اَنه کی هیکس خودشٚ مأنستَنچی آدمَ گول نٚزنه و اونی زنَ صأب نٚبه، چونکی هوطو کی پیشتر شٚمٚره بوگفتم، خودا اَجور کردکأرأنٚ وأسی اینسأنَ تِنبیه کونه.

دوم تسالونیکیان 3:15

امّا اونَ نوأستی ایتأ دوشمنٚ مأنستَن فأندٚرید، بلکی ایتأ برأری مأنستَن کی نصیحت بوستنَ ایحتیأج دأره، اونَ وأخبدأرَ کونید.

تیتوس 3:10

اگه اینفر تفرقه و سیوأیی تأوٚدأنَ بأعیث بِه، ایوأر تأ دو وأر اونَ وأخٚوٚرَ کون. بأزون دِه اونَ کأر نوأدأشتن،

۱پطرس 3:1

هطویم، شومأن اَی زنأکأن شیمی شوهرأنٚ جَا ایطأعت بوکونید. بأزون حتّا اگه ای عیده جٚه اَشأن خودا کلامٚ جَا ایطأعت نوکونٚد شیمی کردکأرٚ دِئنٚ وأسی بودونٚ اَنکی حتّا ایتأ گب شیمی زوأن رو بأوٚرید، ایمأن بأوٚرٚد؛