متّی 17:4 - Gilaki New Testament

⁴ پطرس قأقَ بوسته بوگفته: «آقأ جأن، چی خُبه کی اَمأن اَیَه ایسأییم. اگه بٚخأیی، سه‌تأ سایبأن چأکونم، ایتأ تِرِه، ایتأ موسا رِه، و ایتأ دِه ایلیا رِه.»

کیتاب مقدّس به گیلکی (رشتی)

⁴ پطرس عیسایَ بوگفته: «آقا جان، چی خُبه کی اَمأن اَیه ایسه‌ییم. اگه بخوأیی، سه‌تأ سرپناه چأکونم، ایتأ تِره، ایتأ موسی رِه و ایتأیم ایلیاسٚ رِه.»

کتاب مقدس به زبان گیلکی - گویش شرقی

⁴ پطرس عیسی بوته: «آقا، امه ایسَئن إرِه خوبه. اگه بخوای، سو ته سرپناه چأکونیم، یکته تِه بِه، یکته موسی بِه، یکته​هم ایلیا بِه.»

کتاب مقدس به زبان گیلکی - گویش رشت و غرب گیلان

⁴ پِطرُس عیسیَ بگفت: «آقا، خُبه کی اَمان اَیا ایسائیم. اَگه بخوائی، سَه تا سایبان چاکونم، ایتا تره، ایتا موسی ره و ایتائم ایلیا ره.»

متّی 17:4 ပူးပေါင်းရင်းမြစ်များ

متّی 17:3

نأخٚوٚرکی موسا و ایلیا خوشأنٚ بٚنٚمأستٚد و شورو بوکودٚد عیسا اَمرأ گب زِئن.

لوقا 9:33

هو وخت کی موسا و ایلیا جٚه اویَه شؤئؤندوبود، پطرس کی هُلَ کوده بو و نأنستی چی گوفتأندٚره، عیسایَ بوگفته: «اوستأد، چی خُبه کی اَمأن اَیَه ایسأییم! وئأل سه‌تأ سایبأن چأکونیم، ایتأ تِرِه، ایتأ موسا رِه، ایتأیٚم ایلیا رِه.»

یوحنا 17:24

پئر، خأهیش کونم اوشأنی کی مٚرَه ایمأن اَوٚرٚده، اَنٚ پٚسی می اَمرأ بئیسٚد کی جٚه نیزدیک می بوزورگی و جلالَ بیدینٚد. تو مٚرَه جلال فأدأیی، چونکی جٚه اَ دونیأ خلقتٚ پیشتر مٚرَه دوس دأشتی.»

یوحنا 7:2

ولی «خیمه‌یأن» عَید کی ایتأ جٚه یوهودٚ پیله عَیدأن بو، فأرٚسِئندوبو.

فیلیپیان 1:23

بعضی وختأن خأیم زٚنده بئیسٚم و بعضی وختأنٚم آروزو کونم کی اَ زٚندیگی‌یَ بنم و بشم مسیح ورجأ، کی اَن مِرِه خٚیلی بِیتره.

اوّل یوحنا 3:2

دوروسته جأنٚ دیلأن، اَسه اَمأن خودا رأس‌رأسِی زأکأن ایسیم. بأ اَنکی نأنیم آینده دورون چوطو بیم، امّا اَنَ یقین دأنیم کی وختی مسیح وأگردٚه اونی مأنستَن بیم چونکی اونَ او طوری کی ایسه دینیم.

موکأشفه 21:23

اَ شهر هیذره خورشید و مأهٚ نورَ لأزیم نأشتی، چونکی خودا و بٚرّه جلال و عظمت شهرَ روشنَ کودی.