متّی 16:20 - Gilaki New Testament

²⁰ بأزون خو شأگردأنَ تأکیدٚ اَمرأ دستور بٚدأ کسی رِه نٚگد کی اون مسیحه.

کیتاب مقدّس به گیلکی (رشتی)

²⁰ بأزین عیسی خو شاگردأنَ قدغن بوکوده، کسی‌یَ نیگید کی اون مسیحه.

کتاب مقدس به زبان گیلکی - گویش شرقی

²⁰ بازین عیسی خو شاگردؤنِ قدغن بوده که هیشکسِ نوگوئن که او مسیحِ.

کتاب مقدس به زبان گیلکی - گویش رشت و غرب گیلان

²⁰ بازون خوشاگردانَ قدغن بُکود کی هیکّسِ ره نیگید اون مسیحه.

متّی 16:20 ပူးပေါင်းရင်းမြစ်များ

متّی 1:16

یعقوب یوسفٚ پِئر، و یوسفم مریمٚ مرد بو. مریمٚ جَا، عیسا بودونیأ بأمؤ، کی اونٚ لقب مسیح بو.

متّی 16:16

شمعونٚ پطرس جوأب بٚدأ: «تو مسیح ایسی، زٚنده خودا پٚسر!»

متّی 17:9

وختی کی کوه جَا بیجیر اَمؤندوبود، عیسا اَشأنَ بٚفرمأسته: «اونچی کی بیدِییدی هیکسٚ رِه هیچی نیگید تأ او زمأت کی اینسأنٚ پٚسرَ، مٚردنٚ پٚسی زٚنده به.»

متّی 8:4

بأزین عیسا اونَ بٚفرمأسته: «تی حواس بمأنه هیکسٚ اَمرأ اَ ایتفأق گبَ نٚوأزئن؛ بلکی کأهینٚ ورجأ بوشؤ کی تٚرَه موعاینه بوکونه، و او پیشکشی‌یَ کی موسا شفأ بیأفته جوذأمیأنٚ رِه تعیین بوکوده، تی اَمرأ ببر کی همه کسٚ رِه ثأبیت بٚبه کی شفأ بیأفتی.»

مَرقُس 8:30

ولی عیسا اَشأنَ دستور بٚدأ، تأکید بوکوده دروأره‌یٚ اون هیکسَ هیچی نٚگد.

مَرقُس 9:9

وختی کوه جَا اَمؤندوبود بیجیر، عیسا اوشأنَ فرمأن بٚدأ دروأره‌یٚ اونچی کی بیدِده هیکسَ هیچی نٚگد تأ او زمأت کی اینسأنٚ پٚسر مرگٚ جَا زٚنده به.

لوقا 2:11

و اون اَن ایسه کی هه ایمرو داوودٚ شهرٚ دورون، ایتأ نیجأت بٚدأ کس شِمِره بودونیأ بأمؤ، هونی کی مسیح و خوداونده.

لوقا 9:21

امّا عیسا اوشأنَ تأکید بوکوده کی اَ موضو‌یَ هیکسٚ رِه نٚگد.

لوقا 9:36

وختی صدا تومأنٚ بوسته، بٚفأمٚستد کی عیسا تنأیه. اوشأن خٚیلی زمأتٚ رِه اَ مأجیرأیَ کسی رِه نوگفتٚد.

یوحنا 1:41

آندریاس بوشؤ و خو برأرَ بیأفته، اونَ بوگفته: «شمعون، اَمأن مسیحَ بیأفتیم!»

یوحنا 1:45

فیلیپُس بوشؤ و «نتنائيلَ» بیأفته و اونَ بوگفته: «نتنائیل، اَمأن مسیحَ بیأفتیم، هونی کی موسا و خودا پیغمبرأن، اونی جَا خٚوٚر بٚدأده. اونی نأم عیسایه، یوسفٚ پٚسر و ناصره شینه.»

یوحنا 11:27

مارتا بوگفته: «هطویه اوستأد، من ایمأن دأرم کی تو مسیح، خودا پٚسر ایسی، هونی کی اونی رأفأ ایسأبیم.»

یوحنا 20:31

امّا هَندر بینیویشته بوبوسته کی، ایمأن بأوٚرید کی عیسا، هو مسیح، خودا پٚسر ایسه و هر کی اونَ ایمأن بأوٚره، همیشٚکی زٚندیگی‌یَ یأفه.

اعمالٚ رسولأن 2:36

«اَنٚ وأسی، من ایمرو وأضیح و آشیکأر شومأ همٚتأ می ایسرأییلی قومَ گفتن دٚرٚم کی هه عیسا کی شومأن اونَ صلیبٚ سٚر بوکوشتید، خودا اونَ، خوداوند و مسیح اینتخأب بوکوده!»

اوّل یوحنا 2:22

رأس‌رأسِی دورُغگو کیسه؟ هر کی بٚگه عیسا او مسیح نییٚه، دورُغگویه؛ اون، او ضد مسیحه چونکی نه خودایٚ پئرَ ایمأن دأره و نه خودا پٚسرَ.

اوّل یوحنا 5:1

هرکی ایمأن دأره کی عیسا هو مسیح و خودا پٚسر و هونی ایسه کی دونیأیَ نیجأت دِهه، خودا زأکه. هرکی خودایٚ پئرَ دوس دأره، اونی زأکأنم دوس دأره.