متّی 16:11 - Gilaki New Testament

¹¹ پس چٚره درک نوکونیدی کی من نأنٚ جَا گب نٚزِئِندٚرٚم؟ بأزم گم: فریسیأن و صدوقیأنٚ تورشٚ خمیر جَا شٚمٚره دؤر بٚدأرید.»

کیتاب مقدّس به گیلکی (رشتی)

¹¹ پس چره درک نوکونیدی کی شمرَ درباره‌یٚ نان گب نزِئن درم؟ بلکی بوگفتم کی جٚه فریسیأن و صدّوقیأنٚ خمیرمایه دوری بوکونید.»

کتاب مقدس به زبان گیلکی - گویش شرقی

¹¹ پس چرِء شمره حالی نبنه که شیمه أمره نون باره گب زِئدَنّم؟ فریسی أن و صَدّوقی أن خمیرمایه جی دوری بکونین.»

کتاب مقدس به زبان گیلکی - گویش رشت و غرب گیلان

¹¹ پس چره شمرأ حالی نیبه کی شیمی مرا نانِ باره گب نزِم؟ فَریسیان و صَدّوقیانِ خمیر مایه جا دوری بُکونید.»

متّی 16:11 ပူးပေါင်းရင်းမြစ်များ

متّی 16:1

ایتأ روج فریسیأن و صدوقیأن کی قومٚ مذهبی و سیأسی پیله کسأن بود، بأمؤده عیسا‌یَ ایمتٚحأن بوکونٚد. هنٚ وأسی اونٚ جَا بٚخأستٚد کی ایتأ آسمأنی نیشأنه اَشأنٚ رِه بأوٚره کی خو ایقتدأرَ ثأبیت بوکونٚه.

متّی 16:12

بأزین شأگردأن بٚفأمٚستد کی عیسا منظور جٚه «تورشٚ خمیر»، هو آموجه‌یأنی ایسه کی فریسیأن و صدوقیأنٚ دٚهٚده.

متّی 16:6

عیسا اَشأنَ بٚفرمأست: «شیمی حواس بمأنه و شٚمٚره جٚه فریسیأن و صدوقیأنٚ تورشٚ خمیر دؤر بٚدأرید.»

متّی 3:7

ولی وختی بیدِه کی ایتأ پیله جِمئیت جٚه فریسیأنٚ و صدوقیأن اونی ورجأ اَیٚده کی تعمید بیگیرٚد، اوشأنَ بوگفته: «ای اَفعی زأکأن، کی شٚمٚره وأخٚوٚرَ کوده خودا غضبٚ جَا کی پیش دٚرٚه جیویزید؟

مَرقُس 4:40

عیسا خو شأگردأنَ بٚفرمأسته: «چٚره اَندر بٚتٚرسه بید؟ هنویٚم مٚرَه ایعتمأد نأریدی؟

مَرقُس 8:15

هوطو کی دریأچه میأن پیش شؤئؤندوبود، عیسا اوشأنَ وأخٚوٚرَ کوده و بوگفته: «بٚپّأئید و شٚمٚره جٚه فریسیأن و هیرودیسٚ تورشٚ خمیر دؤر بٚدأرید.»

مَرقُس 8:21

بوگفته: «هنویٚم نٚفأمیدی؟»

لوقا 12:1

وختی کی هیزأرأن نفر جمَ بوسته بود، جوری کی کس‌کسٚ دوسکول زِئندوبود و لقد دٚمٚج کودأندوبود، عیسا اوّل وأگردسته خو شأگردأنٚ ور و اَشأنَ بٚفرمأسته: «جٚه فریسیأنٚ تورشٚ خمیر، ینی دورویی جَا دؤر بئیسید!»

لوقا 12:56

اَی دورویأن، شومأن تأنیدی زیمین و آسمأنٚ هوا، نیشأنه‌یأنَ بفأمید، امّا نأنید چوطو، اَ زمأتَ تعبیر بوکونید!

یوحنا 8:43

چٚره نتأنیدی می گبأنَ بفأمید؟ اَنٚ وأسی ایسه کی نخأییدی می گبأنَ بشتأوید.