متّی 13:2 - Gilaki New Testament

² دفأتن ایتأ پیله گورو اونی دؤر جمَ بوستٚد. اونم بینیشته لوتکأ دورون، و هوطویی کی همٚتأن سأحیلٚ کنأره بٚپأ ایسأ بود، اوشأنٚ آمؤختٚنَ سٚربیگیفت.

کیتاب مقدّس به گیلکی (رشتی)

² ولی ایتأ عالمه مردومأن اونٚ دور جمَ بوستیدی جوری کی مجبور بوبوسته قایقَ سوارَ به و اونٚ دورون بینیشینه، تومامٚ مردومم ساحلٚ کناره بِیسَه‌ییدی.

کتاب مقدس به زبان گیلکی - گویش شرقی

² امّا اونقده پیله جیمعیت اونه دورا گودن که یکته نوء مِیئن بوشو و بنیشته. مردوم دریا کنار ایسأ بُن.

کتاب مقدس به زبان گیلکی - گویش رشت و غرب گیلان

² ولی اَنقد پیله جماعت اونَ دوره کودِبید کی ایتا لوتکایَ سوارَ بوست و بینیشت. مردوم دریا کنار ایسا بید.

متّی 13:2 ပူးပေါင်းရင်းမြစ်များ

متّی 15:30

بأزون مردوم دسته دسته بأمؤده، شٚلأن و کورأن و ایفلیجأن و لال و همه جور نأخوشأنَ بأوٚردٚد اونی ورجأ و اون اوشأنٚ همّه شفأ بٚدأ.

متّی 4:25

اون هر جأ کی خو پأیَ نأیی، ایتأ پیله جِمئیت جلیلٚ سرزیمینٚ جَا، دکاپولیسٚ منطقه، اورشلیمٚ شهر و یوهودیه سرزیمینٚ سرتأسر، و اُردنٚ روخأنٚ شرقٚ جَا، اونی دونبألسر رأ دکفتیدی.

مَرقُس 4:1

ایوأردِه عیسا دریأچه ورجأ مردومٚ آمؤختٚنَ سٚر بیگیفت ایتأ عیده‌یٚم اونی دؤر جمَ بوستٚد، جوری کی مجبور بوبوسته ایتأ لوتکأ بینیشینه و ایپچه سأحیلٚ جَا دورَ بٚه و جٚه هویه مردومٚ رِه گب بٚزٚنه.

لوقا 5:3

پس ایتأ اَ لوتکأیأنٚ دورونی بینیشته و شمعونٚ کی او لوتکأ صأب بویَ بٚفرمأسته کی ایپچه جٚه سأحیلٚ دورَ بو کی اونٚ دورونی بینیشینه، جٚه اویَه مردومَ بأموجه.