متّی 12:44 - Gilaki New Testament

⁴⁴ پس گه:" وأگردم هو شخص دورون، کی بیرون بأمؤ بوم." پس وأگرده و دینه کی اونی قبلی خأنٚه خألِه بوسته، کیشخال بٚزِه و مورتّبه.

کیتاب مقدّس به گیلکی (رشتی)

⁴⁴ بأزین خو اَمرأ گه: ‹وأگردم شم هو خانه‌یی کی اونٚ جأ بموم› ولی وختی اویه فأرسه، و خانه‌یَ خالی و جارو بزه و مرتب دینه،

کتاب مقدس به زبان گیلکی - گویش شرقی

⁴⁴ پس گونه ”او خونه ای که اورای بومَئم، وگردنم.“ امّا هیطوکه اوره رسنه و خونه، خالی و ترتمیز اینه،

کتاب مقدس به زبان گیلکی - گویش رشت و غرب گیلان

⁴⁴ پس گه: ”اُ خانه ئیَ کی اونِ جا باموم واگردَم.“ ولی هَطوکی اویا فارسه و خانه یَ خالی و جارو بکشه و ترتمیز دینه،

متّی 12:44 ပူးပေါင်းရင်းမြစ်များ

متّی 12:29

و اَنکی چوطو ایمکأن دأره اینفر، ایتأ شیطان مأنستَن، بشه قوی مردأکٚ خأنٚه دورون، و اونی مأل و مینألٚ بودوزدأنه؟ فقد اینفر کی اونی جَا قویتره تأنه اَطویی بوکونٚه، اینفر کی بتأنٚه اونَ دٚوٚده و بأزون اونی خأنٚه‌یَ غأرٚت بوکونٚه.

متّی 12:43

«وختی ایتأ پٚلیدٚ روح، اینفرَ ترکَ کونه، خوشکٚ صأرأ دورون شِه تأ ایتأ جیگأ ایسترأحتٚ رِه بیأفه، ولی نیأفه.

متّی 12:45

بأزین هفتأ ده روح یأفه کی خودشٚ جَایٚم پٚلیدترٚد و شٚده او شخصٚ دورون و اویَه زٚندیگی کونٚده. بأزون، او شخصٚ اوضأع جٚه پیشتر بدترَ بِه. اَ شرورٚ نسل هم هطوچی اَشأنٚ رِه پیش اَیِه.»

لوقا 11:25

پس وأگرده و دینه کی خو قبلی خأنه جأرو بوبوسته و مورتّبه.

یوحنا 12:6

البت اونی دیل فِقِرأنٚ ورجأ ننأبو بلکی اون خودشٚ رِه فیکر کودی، چونکی شأگردأنٚ دخل و خرج پول اونی دٚس نٚهأ بو و اون ویشترٚ وختأن جٚه اَ پول دوزدی کودی.

یوحنا 13:2

شأمٚ زمأت بو و شیطان یوهودأیٚ اسخریوطی "شمعونٚ پٚسرَ" فیتَ دأ بو کی عیسایَ نأرو بٚزٚنه.

یوحنا 13:27

هطو کی او لوقمه اونی گولی جَا بیجیر بوشؤ، شیطانٚم بوشؤ اونی جٚلدٚ دورون. پس عیسا اونَ بٚفرمأسته: «او کأری‌یَ کی خأیی بوکونی، زوتر انجأم بٚدٚن!»

اوّل قرنتیان 11:19

شکی ننأ کی وأستی شیمی میأن ایپچه ایختلأف بمأنه، کی معلوم بٚبه کویتأ جٚه شومأن خودا تأیید بوبوسته ایسید.

افسسیان 2:2

شومأن گونأ میأن زٚندیگی کودیدی، او وخت کی جٚه اَ دونیأ رأ روشأن و شیمی نفسٚ قودرتٚ پأدیشأیی ایطأعت کودیدی، ینی هو روحی کی هسأ شورشیأن میأن کأر کونِه.

اوّل یوحنا 2:19

اَ آدمأن اَمی میأن ایسأ بود، امّا جٚه اَمأن نوبود، چونکی اگه اَطو نوبو اَمی ورجأ ایسأییدی. وختی اَمی جَا سیوأ بوبوستٚد معلوم بوبوسته کی اصلن جٚه اَمأن نوبود.

اوّل یوحنا 4:4

اَی می جأنٚ دیلٚ زأکأن، شومأن خودا شینیدی و او آدمأنٚ جَا پیروزَ بوستید چونکی او روح کی شیمی دورون نٚهأ پیله‌تر جٚه او روح ایسه کی دونیأ دورون نٚهأ.