متّی 12:17 - Gilaki New Testament

¹⁷ و اَطویی، اشعیایٚ نبی پیشگویی اونی جأ انجأم بوبو، کی فٚرمأیه:

کیتاب مقدّس به گیلکی (رشتی)

¹⁷ اَطویی اونچی کی اِشعیای نبی زبانٚ جأ بوگفته بوبوسته‌بو، حقیقت پیدا کوده کی:

کتاب مقدس به زبان گیلکی - گویش شرقی

¹⁷ ایی ایتفاق دکته تا اشعیای پیغمبر گب به انجوم برسی که:

کتاب مقدس به زبان گیلکی - گویش رشت و غرب گیلان

¹⁷ اَ ایتفاق دکفت تا اِشعیای پیغمبرِ بُگفته به انجام فارسه کی:

متّی 12:17 ပူးပေါင်းရင်းမြစ်များ

متّی 12:16

ولی تأکیدٚ اَمرأ اوشأنی جَا بٚخأسته کی هیکسٚ رِه نٚگد کی اون کیسه.

متّی 12:18

«اَن می خأدیمه، کی اونَ اینتخأب بوکودم. اون می جأنٚ دیلٚ و می دیلخوشیه. می روحَ اونی رو نٚهٚم، و اون عیدألت و اینصأفَ قومأنٚ رِه وأگویا کونه.

متّی 13:35

بأزون، اَ کلامٚ کی خودا، نبی جَا اَمِرِه بٚفرمأسته بو، انجأم بوبوسته: «نقلأنٚ اَمرأ خأیم گب بٚزٚنم. اسرأری‌یَ خأیم وأگویا بوکونم کی جٚه دونیأ آفرینشٚ زمأت تأ هَسأ، جیگأ بوخورده دأشتی.»

متّی 21:4

اَ کأرٚ اَمرأ، ایتأ جٚه قدیمٚ پیغمبرأنٚ پیشگویی، انجأم بوبو کی بوگفته بو:

متّی 8:17

اَطویی، خودا کلامٚ کی اشعیای نبی بوگفته بو، انجأم بوبوسته کی بوگفته بو: «اون اَمی ضعفأنَ اوسأده و اَمی مٚرٚضأنَ حمل بوکوده.»

لوقا 21:22

چونکی او زمأت، موجأزأتٚ زمأت ایسه، هو روجأنی کی تومأمٚ پیغمبرأن اونی جَا وأخٚبدأرَ کوده بود کی ایتفأق دکفه.

لوقا 24:44

بأزون، اوشأنَ بٚفرمأسته: «آیا بٚخأطر دأرید کی پیشتر جٚه می مٚردن وختی شیمی اَمرأ بوم، بوگفتم هر چی کی موسا تورأت و پیغمبرأنٚ کیتأبأن و داوودٚ زبورٚ دورونی می جَا بینیویشته بوبوسته همٚتأ وأستی انجأم بٚبه؟ هسأ اونچی کی مِرِه ایتفأق دکفته، همٚتأ انجأم بوبوسته!»

یوحنا 10:35

هسأ اگه موقدس کیتأبأن کی نتأنه ایشتیوأ بٚبه، اوشأنی‌یَ کی خودا پیغأم اَشأنَ فأرٚسِه، فٚرمأیه کی "خودایأن" ایسأده،

یوحنا 12:38

اَن هونی ایسه کی اشعیای نبی جٚه پیشتر بوگفته بو کی: «خوداوندا، کی اَمی پیغأمَ بأوٚر بوکوده؟ کی رو خوداوندٚ قودرتمندٚ بأزو نمأیأنَ بوسته؟»

یوحنا 19:28

عیسا دأنستی کی دِه همه چی تومأنَ بوسته. پس جٚه اَ خأطر کی هوطو موقدس کیتأبأنٚ جٚه پیشتر گفتنٚ مأنستَن کأر بوکوده بی، بٚفرمأسته: «مٚرَه تشنه‌یه.»

اعمالٚ رسولأن 13:27

«ولی اورشلیم شهر یوهودیأن، خوشأنٚ قوم پیله‌ کسأنٚ اَمرأ عیسایَ بوکوشتٚده، و اَطویی بو کی پیغمبرأنٚ پیشگویی‌یَ انجأم بٚدأده. اَشأن اَنٚ اَمرأ کی هرتأ شبّأتٚ میأن او پیغمبرأنٚ بینیوشته‌یأنَ خأندیدی و ایشتأوستیدی اونَ قوبیل نوکودد و نفأمٚستٚده کی اون، هونی ایسه کی پیغمبرأن پیشگویی بوکوده بود.