لوقا 9:31 - Gilaki New Testament

³¹ اوشأنی ظأهیر شوکو جَا پور بو. اوشأن، عیسا جٚه اَ دونیأ شؤئؤنٚ وأسی بوگو بشتأو کودأندوبود، کأری کی قرأر بو اورشلیمٚ میأن ایتفأق دکفه.

کیتاب مقدّس به گیلکی (رشتی)

³¹ اوشأن عیسی اَمرأ در موردٚ اونٚ مرگ کی وأستی خودا ایراده اَمرأ اورشلیمٚ دورون ایتفاق دکفه، گب بزه‌یید.

کتاب مقدس به زبان گیلکی - گویش شرقی

³¹ اوشون جلال میئن ظاهر بوئن و عیسی أمره مردم آزادیای که اونه موردن أمره انجوم بو گب زئن که خیلی زود اورشلیم میئن اتفاق دکِئنه.

کتاب مقدس به زبان گیلکی - گویش رشت و غرب گیلان

³¹ اوشان جلال میان ظاهیرَ بوستید و عیسی مرا مردومِ آزادی جا کی اونِ مردَن اَمرا انجامَ بوستی گب زئید، کی بزودی اورشلیم درون ایتفاق دکفه.

لوقا 9:31 ပူးပေါင်းရင်းမြစ်များ

لوقا 9:22

بأزین، اوشأنَ بٚفرمأسته: «لأزیم ایسه اینسأنٚ پٚسر خٚیلی عذأب بٚکٚشه و رهبرأن و پیله کأهینأن و دینٚ عألیمأن اونَ محکوم بوکوده، کوشٚده، امّا اون سیومی روج رِه زٚنده به!»

لوقا 9:30

نأخٚوٚرکی، دوتأ مردأی ینی موسا و ایلیا ظأهیرٚ بوستٚد و عیسا اَمرأ شورو بوکودٚد گب زِئن.

یوحنا 1:29

فردأیی، یوحنا، عیسایَ بیدِه کی اونی ور اَمؤندره. پس مردومَ بوگفته: «فأندرید! اَن هو بٚرّه‌یی ایسه کی خودا اوسه کوده، کی تومأمٚ دونیأ مردومٚ گونأیأنٚ بٚخشئنٚ وأسی قوربأنی به.

دوم قرنتیان 3:18

ولی اَمأن مسیحیأن اَمی دیمٚ سٚر روبند نأریم و ایتأ آینه مأنستَن روشن و آشیکأر، خوداوندٚ جلالَ دتأوأنیم؛ و او کأرٚ وأسی کی خوداوند ینی روح‌القدس اَمی وجودٚ دورون انجأم دِهه، ایتأ جلالٚ اَمرأ کی هر روج ایضأفه بِه، یوأش یوأش اونی مأنستَن بیم.

فیلیپیان 3:21

اون خو وأگردٚستنٚ وخت، اَمی جٚه بین شؤئؤنی جأنَ عوضَ کونِه و خو پورجلالٚ جأنٚ مأنستَن چأکونِه. اون هو قودرتٚ اَمرأ کی همه چی‌یَ خو ایختیأر دأره، اَمٚرَه‌یٚم عوضَ کونِه.

کولسیان 3:4

وختی مسیح کی اَمی رأس‌رأسِی زٚندیگی ایسه وأگرده، شومأنم اونی اَمرأ شبق زٚنیدی و اونٚ شوکو و جلالٚ دورون شیریکَ بیدی.

عبرأنیأن 11:22

ایمأنٚ وأسی بو کی یوسف پیشتر جٚه خو مٚردن، قورص و قأیم وأگویا بوکوده کی ایتأ روج ایسرأییلٚ مردوم جٚه مصرٚ سرزیمین شٚده بیرون. اون حتّا خو خأشأنٚ بیگیلَ کودنٚ رأیأنم اوشأنَ نیشأن بٚدأ.

۱پطرس 5:10

اونی وأسی، چن وختٚ کوتأ کی اَ زحمتأنٚ تحمول بوکودید خودا خودش شٚمٚره کأمیل و توأنأ و قأیم چأکونِه. اون خودایٚ مهرٚوأن و بٚخشنده ایسه و جٚه اَ خأطر کی عیسای مسیحَ ایمأن دأریم، اَمٚرَه دؤخأده تأ اونی جلال و عظمتٚ میأن شیریک بیبیم.

دوم پطرس 1:15

اَنٚ وأسی حقٚ سعی زنٚم اَ نوکتٚه‌یأنَ جوری شیمی فیکر و ذهنٚ دورونی نقش دٚوٚدٚم کی حتّا او وخت کی من بٚمٚردٚم بتأنید اوشأنَ بٚخأطر بأوٚرید.

موکأشفه 7:14

جوأب بٚدأم: «اَنَ، تو دأنی آقأ جأن.» مٚرَه بوگفته: «اَشأن هو آدمأنی ایسٚده کی سختٚ عذأبٚ جَا بیرون بأمؤده. اَشأن خوشأنٚ رختأنَ "بٚرّه" خونٚ اَمرأ بوشؤستٚده و سیفیدَ کودٚد.