لوقا 9:11 - Gilaki New Testament

¹¹ امّا خٚیلی جٚه مردوم اونی کویه ایسأنٚ جَا وأخبدأرٚ بوستٚد و اونی دونبألسر رأ دکفتد. عیسایٚم اوشأنَ دیمٚ خوشٚ اَمرأ قوبیل بوکوده و ایوأردِه خودا پأدیشأیی‌یَ اوشأنَ بأمؤخته و نأخوشأنَ شفأ بٚدأ.

کیتاب مقدّس به گیلکی (رشتی)

¹¹ خیلی مردومأن اوشأنٚ شوئونٚ جأ وأخبرَ بوستید و اوشأنٚ دونبألسر رأ دکفتید. عیسی‌یم اوشأنَ قوبیل بوکوده و خودا پادشایی جأ گب بزه و مریضأنَ شفا بدَه.

کتاب مقدس به زبان گیلکی - گویش شرقی

¹¹ وختیکه جماعت اینه بفهمسَن عیسی دومبالسر بوشوئن. عیسی هم اوشونه به گرمی قبول بوده و ایشونه أمره خُدا پادشاهی جی گب بزه. و ناخوشونی که شفا خواستنِ، شفا بَده.

کتاب مقدس به زبان گیلکی - گویش رشت و غرب گیلان

¹¹ وقتی کی خلق اَنه بفهمستید، عیسی دُمبالسر بُشوئید. عیسی ئم اوشانَ به گرمی قُبیل بُکود و اوشان مرا خُدا پادشائی جا گب بزِه و ناخوشانی کی شفا خواستیدیَ، شفا بدَه.

لوقا 9:11 ပူးပေါင်းရင်းမြစ်များ

متّی 12:15

ولی عیسا کی اوشأنی جوفت و کلکٚ جَا وأخٚوٚر بو، او سأمأن شرأ دٚوأرست و خٚیلیأنم اونی دونبأل بوشؤده. اون تومأمٚ اوشأنٚ مریضأنَ شفأ بٚدأ،

متّی 14:14

وختی عیسا لوتکأ جَا بیجیر بأمؤ، ایتأ پیله جِمئیتَ بیدِه، و اونی دیل اوشأنی رِه بوسوخته و مریضأنی کی جِمئیت میأن ایسأ بود، شفأ بٚدأ.

متّی 21:31

شیمی فیکرٚ اَمرأ، کویتأ پٚسر خو پئر فرمأنَ انجأم بٚدأ؟» جوأب بٚدأده: «البت کی پیله پٚسر.» بأزون عیسا خو منظورَ اَ دأستأنَ جَا بٚفرمأسته: «موطمٚین بیبید فأسیدٚ باج‌فأگیرأن و فأیشه‌یأنٚ، شیمی جَا پیشتر شٚده خودا ملکوتٚ دورون،

متّی 21:43

«می منظور اَنه کی خودا ملکوت شیمی جَا فأگیفته به و قومی‌یَ فأدأ بِه کی اونی مِیوه‌یَ فأدٚد.

لوقا 1:53

ویشتأیأنَ خو بخششأنٚ وأسی سِئرَ کونه امّا مأل و مینألدأر آدمأنَ دٚس خألی روأنَه کونِه.

لوقا 5:31

عیسا اوشأنی جوأب دٚئنٚ وأسی بوگفته: «مریضأن، طٚبیب نیأز دأرٚد، نه سألیمأن!

لوقا 8:1

ایپچه کی بوگوذٚشته، عیسا ایتأ سٚفر بوشؤ جلیلٚ اوستأنٚ شهرأن و دیهأتأن کی خودا پأدیشأیی خوروم خٚوٚرَ وأگویا بوکونه. او دوأزده‌تأ شأگرد

لوقا 8:10

بٚفرمأسته: «خودا پأدیشأیی اسرأر دأنٚستٚن شٚمٚره بٚبخشه بوبوسته، امّا البأقی مردومٚ آمؤختٚنٚ وأسی، مٚثٚلأنٚ جَا ایستفأده کونم کی موقدسٚ کیتأبأنٚ نیویشته‌یأن انجأم بٚبه کی فٚرمأیه دِئندٚرٚد، امّا نیدینٚد، ایشتأوٚد، امّا نفأمٚد.

لوقا 9:10

ایپچه کی بوبوسته، روسولأن وأگردٚستٚد و عیسایَ جٚه اونچی کی انجأم بٚدأ بود، وأخٚوٚرٚ کودٚد. بأزون عیسا اَشأنٚ اَمرأ بی اَنکی مردوم اَشأنَ بیدینٚد، بوشؤ بیت صیدا شهر.

لوقا 9:12

غروب دٚم رِه، عیسا دوأزده‌تأ شأگرد اونی ورجأ بأمؤدٚد و بوگفتد: «مردومَ اوسه کون بٚشٚد اَ دؤرٚور دیهأت و مزرعه‌یأنٚ میأن کی خوردنی و ایتأ سٚرپنأ بیأفٚد چونکی اَ بیأبأنٚ میأن ایچی خوردنٚ رِه نٚنَه.»

لوقا 9:2

بأزون، اوشأنَ اوسه کوده کی خودا پأدیشأیی فأرٚسِئنَ مردومٚ رِه وأگویا بوکونٚد و مریضأنَ شفأ بٚدٚد.

یوحنا 4:34

عیسا بٚفرمأسته: «می خوردنی اَنٚ کی خودا خأسته‌یَ بجأ بأوٚرٚم و کأری کی مٚرَه بیسپأرده انجأم بدم.»

یوحنا 6:37

امّا ای عیده می ورجأ اَیٚده و اَشأن، هوشأنی ایسٚد کی می پئر خودا مٚرَه فأدأ و هیوخت ایمکأن نأرِه اَشأنَ جٚه دٚس بدم.

اعمالٚ رسولأن 28:31

و یأرستنٚ اَمرأ خودا ملکوت و خوداوند عیسایٚ مسیحٚ جَا اَشأنی اَمرأ گب زِئی، بودونٚ اَنکی هیکس اونی جولویَ بیگیره.

رومیأن 10:14

ولی چوطو مردوم اینفرٚ نأمَ دؤخأنٚد کی اونَ ایمأن نأرٚده و چوطو ایمأن بأوٚرٚد، وختی کی اونی جَا هیچی نشتأوستٚده؟ و چوطو بشتأوٚد، اگه هیکس اینجیلٚ خوروم خٚوٚرَ اَشأنٚ رِه وأگویا نوکونه؟

رومیأن 10:17

پس ایمأن جٚه ایشتأوٚستٚن بٚدٚس اَیِه، جٚه ایشتأوٚستٚنٚ خوروم خٚوٚر دروأره‌یٚ مسیح.

رومیأن 15:3

چونکی مسیحٚم خو خوشی رِه زٚندیگی نوکودی، هوطو کی موقدسٚ کیتأبأنٚ دورون بینیویشته بوبوسته: «بی‌حورمتی جٚه اوشأنی کی تٚرَه لوغاز خأنٚده، می سٚر کفته.»

دوم تیموتائوس 4:2

کلامَ موعیظه بوکونی. هر موقیتٚ میأنی، وخت و بی وخت، آمأده بوبو. صبرٚ زیأدٚ اَمرأ ایمأندأرأنَ بأموج و اوشأنَ ایصلأح و تِنبیه و تِشویق بوکون.

عبرأنیأن 4:16

پس بأیید ایطمینأنٚ اَمرأ، بیشیم خودا پور فیضٚ تختٚ ورجأ، کی اون خو رحمتَ اَمٚرَه فأدٚه و خو لوطفٚ اَمرأ، اَمٚرَه او زمأت کی ایحتیأج دأریم کومک بوکونٚه.