لوقا 9:10 - Gilaki New Testament

¹⁰ ایپچه کی بوبوسته، روسولأن وأگردٚستٚد و عیسایَ جٚه اونچی کی انجأم بٚدأ بود، وأخٚوٚرٚ کودٚد. بأزون عیسا اَشأنٚ اَمرأ بی اَنکی مردوم اَشأنَ بیدینٚد، بوشؤ بیت صیدا شهر.

کیتاب مقدّس به گیلکی (رشتی)

¹⁰ وختی عیسی رسولأن وأگردستیدی، کارأنی کی انجام بدَه‌بید عیسی‌ره تعریف بوکودید. او وخت، عیسی اوشأنَ اوسأده و خو اَمرأ ببرده ایتأ شهری کی «بیت‌صیدا» نام دأشتی تا کی اویه اوشأنٚ اَمرأ تنها ببه.

کتاب مقدس به زبان گیلکی - گویش شرقی

¹⁰ هیطو که رسولون وگرسَن، هرکاری که بوده بُن عیسی بوُتن. بازین عیسی اوشونه خوشِ اَمره یکته شهر به ایسم بِیْت‌صِیْدا ببورده.

کتاب مقدس به زبان گیلکی - گویش رشت و غرب گیلان

¹⁰ هَطو کی رسولان واگردَستید، هر چی کی بُکوده بید عیسیِ بگفتید. بازون عیسی اوشانَ خو مرا ایتا شاری بِیت‌ صِیْدا نام وَر ببرد.

لوقا 9:10 ပူးပေါင်းရင်းမြစ်များ

متّی 11:21

«خورَزین، بیت صیدا شٚمٚره ننگ نییٚه؟ چون اگه موجیزه‌یأنی کی شیمی میأن بوکودم، صور و صیدونٚ فأسیدٚ شهرأنٚ دورون بوکوده بیم، اوشأنی اَهألیأن خٚیلی زمأت پیش، خوشأنی گونأیأنٚ جَا توبه بوکوده بود، و شندره پندٚره دوکوده بود و خأک و خأکستر نیشتیدی کی خوشأنی پٚشیمأنی‌یَ نیشأن بٚدٚد.

مَرقُس 2:7

«مگه اون خودایه کی اَجور گب زٚنِه؟ اَن کوفره! جغرز خودا کی تأنه اینسأنٚ گونأیأنَ بٚبخشه.»

لوقا 10:17

ایپچه بوستنٚ پٚسی، او هفتأدتأ شأگرد وأگردٚستٚده و خوشألی اَمرأ عیسایَ وأخبدأرٚ کودٚد و بوگفتد: «خوداوندا، حتّا پٚلیدٚ روحأنٚم تی ایسم اَمرأ، اَمی جَا ایطأعت کونٚده!»

یوحنا 1:44

(فیلیپُسم بیت صیدا شین بو و آندریاس و پطرسٚ هم ولأیتی.)

عبرأنیأن 13:17

شیمی روحأنی رهبرأنٚ جَا ایطأعت بوکونید، و هر چی کی گده جأنٚ دیلٚ اَمرأ انجأم بدید، چونکی اَشأنی کأر، شیمی جأنأنٚ جَا پأستٚن ایسٚه، و اَنٚ وأسی خودا ورجأ وأستی جوأب بٚدٚد. پس جوری کردکأر بوکونید کی اوشأن خوشأنی خیدمتٚ جَا کِیف بوکونٚد، نه اَنکی درد و رنجٚ اَمرأ اونَ انجأم بٚدٚد، چونکی اَطویی شومأنم رنج بریدی.