لوقا 6:6 - Gilaki New Testament

⁶ ایتأ روج کی ایوأردِه شبّأت بو، عیسا بوشؤ کنیسه‌ و آمؤختٚنَ شورو بوکوده. هو وخت ایتأ مردأی اویَه ایسأبو کی اونی رأستٚ دٚس، چولأق بو.

کیتاب مقدّس به گیلکی (رشتی)

⁶ ایتأ شَبّاتٚ روزٚ دیگر، عیسی بوشو کنیسه دورون و مردومأنَ تعلیم دَئن دوبو. هویه ایتأ مردای ایسَه‌بو کی اونٚ راستٚ دس خوشکَ بوسته‌بو.

کتاب مقدس به زبان گیلکی - گویش شرقی

⁶ یکته دیگه از مقدس شنبه أن، عبادتگاه میئن بومه و تعلیم دئنه شروع بوده. یکته مَرداک اوره ایسابو که اونه راست دَس خشکَ بوُ بو.

کتاب مقدس به زبان گیلکی - گویش رشت و غرب گیلان

⁶ ایتا ده مُقدّسِ شنبه، عیسی عبادتگا بدرون بامو و مردومَ آموختن دوبو. ایتا مرداک اویا ایسابو کی اون راست دس لامَ بوسته بو.

لوقا 6:6 ပူးပေါင်းရင်းမြစ်များ

متّی 4:23

عیسا جلیلٚ سرزیمینٚ همٚتأ شرأ گردستی و کنیسه‌یأنٚ دورون آمؤختی و خودا ملکوتٚ خورم خٚوٚرَ اعلام کودی و هرتأ مرض و نأخوشی‌یَ شفأ دٚئی.

لوقا 13:10

ایتأ شبّأت روج، عیسا کنیسه‌ میأن خودا کلامَ آمؤختأندوبو.

لوقا 14:3

عیسا دینٚ عألیمأن و فریسیأن جَا کی اویَه ایسأبود، وأوٚرسِه: «آیا تورأتٚ فرمأنأنٚ موطأبٚق، شبّأت روجٚ میأن شأ ایتأ نأخوشَ شفأ دئن یا نه؟»

لوقا 4:16

وختی کی بأمؤ ناصره، او شهری کی اویَه پیلّه بوسته بو، خو همیشٚکی عأدتٚ مأنستَن، شبّأتٚ روج بوشؤ شهرٚ کنیسه‌ میأن. هو وخت میأن کی مرأسیم انجأم بوستأندوبو، اون ویریشته کی ایتأ قیسمت جٚه خودا کلامَ او جِمئیت رِه بٚخأنه.

لوقا 4:31

بأزون، عیسا بوشؤ کفرناحوم، کی ایتأ جٚه جلیلٚ اوستأنٚ شهرأن بو و شبّأت روجأن میأن خودا کلامَ مردومٚ رِه وأگویا کودی.

لوقا 6:1

ایتأ جٚه شبّأتٚ روجأنٚ میأن، عیسا و اونی شأگردأن گندمٚ زیمینأنٚ دورونی دٚوأرٚستأندوبود و شأگردأن گندمٚ ژگأره‌یأنَ چئید، خوشأنی دٚسٚ تأن مألستید و اونی سوبوسَ وأچئیدی و خوردیدی.

لوقا 6:5

بأزین عیسا بٚفرمأسته: «اینسأنٚ پٚسر، شَبّأتٚ صأب ایختیأرم ایسه!»

یوحنا 5:3

اویَه خٚیلیأن، جٚه کورأن، ایفلیجأن و چولأقأن زیمینٚ سٚر درأزَ کٚشه بود و رأفأ ایسأ بود کی آب تکأن بوخوره.

یوحنا 9:16

بعضی جٚه فریسیأن بوگفتٚده: «اگه اَطو بٚبه، اَ مردأی جٚه خودا ور نییٚه، چونکی شبّأت روجٚ رِه کأر کونه.» البأقیأن بوگفتٚده: «چوطو اینفر کی گونأ کونه، تأنه اَجور موجیزه‌یأن بوکونه؟» پس اوشأنی میأن ایختلأف دکفته.