لوقا 22:35 - Gilaki New Testament

³⁵ بأزون شأگردأنٚ جَا وأوٚرسِه: «هو زمأت کی شٚمٚره اوسه کودم کی اینجیلٚ خٚوٚرَ مردومَ بیگید و پول و بوغچه و ایضأفی لیوأس شیمی اَمرأ اونسأدید، آیا چیزی‌یَ موحتأج بوبوستید؟» جوأب بٚدأده: «نه»

کیتاب مقدّس به گیلکی (رشتی)

³⁵ بأزین عیسی شاگردأنٚ جأ وأورسه: «وختی شمرَ بدونٚ پول و کفش و بقچه اوسه کودم کی می انجیلٚ خوروم خبرَ بیگید، چی چیزی‌یٚ موحتاجَ بوستید؟» همه‌تأن بوگفتید: «هیچی.»

کتاب مقدس به زبان گیلکی - گویش شرقی

³⁵ بازین عیسی اوشونای بپورسه: «زمؤنی که شمَرَه بی پول کیسه و خورجین و چاروق سرا دأم، هیچّیِ محتاج بُبوین؟» جواب بدئن: «نه، هیچّی به.»

کتاب مقدس به زبان گیلکی - گویش رشت و غرب گیلان

³⁵ بازون عیسی اوشان جا واورسه: «مگه اُ موقع کی شمرأ بدون پول و چانچو و پاپوش راهی بُکودم، هیچّیَ مُختاجَ بوستید؟» جواب بدَه ئید: «نه، هیچّیَ.»

لوقا 22:35 ပူးပေါင်းရင်းမြစ်များ

لوقا 10:4

شیمی اَمرأ نه پولی اوسأنید، نه بوغچه و نه حتّا ایتأ جوفت ایضأفه پأاَفزار. رأ میأنی‌یٚم سلأم کودن و کس‌کسٚ جَا خٚوٚر گیفتن وأسی معطٚلٚ نوکونید.

لوقا 22:34

عیسا بٚفرمأسته: «پطرس، تٚرَه گم کی هه ایمشٚب پیشتر جٚه اَنکی خوروس دؤخأنه، تو سه وأر مٚرَه رٚد کونی و گی کی مٚرَه نشنأسی!»

لوقا 22:36

بٚفرمأسته: «امّا اَسه اگه بوغچه و پول دأرید، شیمی اَمرأ بٚبٚرید و اگه شٚمشیر نأرید شیمی لیوأسَ بوفروشید و شٚمشیر بیهینید!

لوقا 9:3

قبل اَنکی رأ دکفد، عیسا اوشأنَ بٚفرمأسته: «اَ سٚفرٚ میأن هیچی شیمی اَمرأ نٚبٚرید، نه دٚسٚ چؤ، نه بوغچه، نه خوردنی، نه پول و نه ایضأفی لیوأس.

دوم قرنتیان 8:15

اَ بینیویشته‌یَ خأطر بأوٚرید کی فٚرمأیه: «اوشأنی کی خٚیلی جم بوکوده بود هیچی ایضأفه نأشتٚد و اوشأنی کی ایپچه جمَ کوده بود هیچی کم نأشتٚد.» پس شومأنم وأستی البأقیأنٚ ایحتیأجأنٚ شیریک بیبید.