لوقا 21:37 - Gilaki New Testament

³⁷ اَطویی، اون همٚتأ روجأن معبدٚ دورون مردومَ آمؤختی و بعدظُهرأن شهرٚ جَا بیرون شؤئی، شبَ زیتون کوه میأن صُب کودی.

کیتاب مقدّس به گیلکی (رشتی)

³⁷ عیسی، روزأن معبدٚ صحنٚ دورون تعلیم دَیی و شبأن کوه جور شویی کی او کوه معروف به «کوهٚ زیتون» بو و شبَ تا صُب هویه ایسه‌یی.

کتاب مقدس به زبان گیلکی - گویش شرقی

³⁷ عیسی هر روز معبد میئن مردم آموتی. و هر شؤ شهرای بیرون شو و کوهی که زیتون ایسم داشتِ شوء صوبَه گود.

کتاب مقدس به زبان گیلکی - گویش رشت و غرب گیلان

³⁷ عیسی هر روج معبد درون مردومَ آموختی و هر شب شار جا بیرون شوئی و کوهی کی زیتون نام دَشتی شبَ به صُب فارسانه ئی.

لوقا 21:37 ပူးပေါင်းရင်းမြစ်များ

متّی 21:1

هو وخت کی فأرٚسِده بیت فأجی، کی زیتون کوه میأن، اورشلیمٚ نیزدیکی نٚهأ بو، عیسا دوتأ خو شأگردأنَ پیش پیش اوسه کوده

متّی 21:17

بأزون شهرٚ جَا بوشؤ بیرون، بوشؤ بیت عنیا و شب هویه بئیسأ.

متّی 26:30

بأزین ایتأ سورود بخأندٚد و زیتون کوه ور رأ دکفتد.

متّی 26:55

بأزون اون وأگردسته او چن نفرٚ ور و بوگفته: «مگه من فرأر بوکوده دوزدم کی چو و چومأق و شٚمشیرٚ اَمرأ می دونبأل بأمؤییدی؟ من هر روج شیمی چومأنٚ ورجأ معبد دورون ایسأبوم و مردومَ آمؤختأندوبوم؛ چٚره هویه مٚرَه نیگیفتیدی؟

مَرقُس 11:12

فردأیی صُب، وختی کی بیت عنیا جَا وأگردستأندوبود، عیسایَ ویشتأ کوده.

مَرقُس 11:19

هو روج ظهرٚ پٚسی، البأقی روجأنٚ مأنستَن شهر جَا بوشؤده بیرون.

مَرقُس 14:49

چٚره مٚرَه معبدٚ دورون نیگیفتیدی؟ من کی هر روج آمؤختٚنٚ وأسی اویَه ایسأبوم. ولی وأستی تومأمٚ اَ ایتفأقأن دکفه کی خودا کلام کی جٚه قبل بوگفته بوبوسته انجأم بٚبه.»

لوقا 19:29

وختی بیت فأجی و بیت عنیا کی هو زیتون کوه میأن نٚهأ بو فأرٚسِده، دونه خو شأگردأنَ پیشتر اوسه کوده

لوقا 19:37

وختی زیتون کوه سرأجیری‌یَ فأرٚسِده، ای عیده اوشأنی کی اونی جَا ایطأعت کودأندوبود خوشألی اَمرأ ایجگره بٚزِده و همٚتأ موجیزه‌یأن و اونی عجیبٚ کأرأنٚ جَا خودایَ شوکر بوکودٚد

لوقا 19:47

اونی پٚسی عیسا هر روج خودا خأنه دورونی مردومَ آمؤختی. پیله کأهینأن، دین عألیمأن و قوم پیله کسأن ایتأ فورصتٚ دونبأل گردستیدی کی اونَ بوکوشٚد.

لوقا 22:39

بأزون عیسا خو شأگردأنٚ اَمرأ، او تلأر خأنه جَا بأمؤ بیجیر و همیشٚکٚ مأنستَن بوشؤ زیتون کوه جؤر.

یوحنا 12:1

شیش روج پیشتر جٚه اَنکی پِسَحٚ عَید شورو بٚبه، عیسا بوشؤ «بیت عنیا»، هویه کی بٚمٚرده ایلعأزرَ زٚنده کوده بو.

یوحنا 18:2

یوهودأیٚم کی خائین بو او جأیَ شنأختی، چونکی عیسا خو شأگردأنٚ اَمرأ چن وأر اویَه جمَ بوسته بود.

اعمالٚ رسولأن 1:12

اَ تأریخی مأجیرأ زیتون کوه سٚر ایتفأق دکفته کی اورشلیمٚ اَمرأ ای کیلومتر رأ دأشتی. پس، جٚه اویَه وأگردٚستٚده شهرٚ ور.