لوقا 19:38 - Gilaki New Testament

³⁸ و گفتأندوبود: «مووأرٚک بٚبه او پأدیشأیی کی خوداوندٚ نأمٚ اَمرأ اَیِه! آرأمٚش و جلال آسمأنٚ دورونی بٚبه!»

کیتاب مقدّس به گیلکی (رشتی)

³⁸ و گفتید: «موبارکه پادشایی کی خوداوندٚ نامٚ اَمرأ اَیه! سلامتی آسمانٚ جور و جلال بوجورترین جاجیگایأنٚ دورون ببه!»

کتاب مقدس به زبان گیلکی - گویش شرقی

³⁸ و خوندن که: «مبارک ایسّه پادشاهی که خُداوند ایسم أمره هنه! صلح و سلامت آسمؤنِ میئن و جلال آسمون گوف میئن ببی!»

کتاب مقدس به زبان گیلکی - گویش رشت و غرب گیلان

³⁸ و خَواندید کی: «موارک ایسه پادشائی کی خُداوند نام مرا اَیه! صُلح وسلامتی آسمان درون و جلال بُجوری آسمان میان ببه!»

لوقا 19:38 ပူးပေါင်းရင်းမြစ်များ

متّی 2:2

«او قوندأقه زأی کی وأستی یوهودٚ پأدیشأ بٚبه کو؟ اَمأن اونی ستأره بیرون اَمؤنٚ شرقٚ جَا بیدِییم و بأمؤییم کی اونَ پرستٚش بوکونیم.»

متّی 21:9

مردوم جٚه پس و پیش، دٚوأرٚستأندوبود و ایجگره زِئید: «هوشیعانا داوودٚ پٚسرٚ رِه! مووأرٚکٚ اون کی خوداوندَ نأمٚ اَمرأ اَیِه. بوجؤرترینٚ آسمأنأنَ دورون!»

متّی 25:34

«بأزون من کی پأدیشأ ایسٚم، اوشأنی کی می رأستٚ ور ایسأده گم: "اَی می پئرٚ جأنٚ دیلأن بأیید! بأیید کی شٚمٚره خودا ملکوتٚ برکتأنٚ دورون شیریک بوکونم، او برکتأن کی دونیأ آفرینشٚ سرگیفتنٚ جَا شِمِره آمأدَه بوسته بو.

متّی 25:40

«بأزون اوشأنَ گم: "وختی اَ خیدمتأنَ می کوجه‌ترین برأرأنٚ رِه کودن دیبید، هچین مٚرَه انجأم دئن دیبید."

لوقا 13:35

پس هسأ تی خأنه فوگوردٚسته مأنه و شٚمٚره گم کی دِه مٚرَه نیدینید تأ هو زمأتی کی بیگید "مووأرٚک ایسه اونی کی خودا ایسمٚ اَمرأ اَیِه."»

رومیأن 5:1

پس چونکی جٚه ایمأنٚ رأ خودا چومأن جَا عأدیل بٚحیسأب بأمؤییم، عیسا مسیحٚ وأسی خودا اَمرأ، کی صولح و صفأ دورون ایتأ خوروم ایرتیبأط دأریم.

افسسیان 1:12

خودا نیّت جٚه اَ کأر اَن بو کی اَمأن یوهودیأنَ جٚه او خأطر کی اوّلی کسأنی بیم کی مسیحَ ایمأن بأوٚردیم، اونَ او لوطف وأسی کی اَمِرِه بوکوده، ستأیٚش بوکونیم.

افسسیان 1:6

بأزین خودایَ او پورجلالٚ فیض وأسی کی مرجأنه اَمی رو فوکوده، ستأیٚش کونیم، هو فیض کی اونی جأن دیلٚ پٚسرٚ شینه.

افسسیان 3:10

اونی نقشه جٚه تومأمٚ اَشأن اَن بو کی اَسه کیلیسا جَا جوروأجور جهتأنٚ خودا حیکمت وأسی آسمأنی سأمأنأنٚ میأن فرمأنروأیأن و صأب‌منصبأنٚ رِه ظأهیرَ بٚه

افسسیان 3:21

اونَ تأ اَبدالآبأد کیلیسا و تومأم نتأجأن میأن در مسیحٚ عیسا، جلال بٚبه. آمین.

کولسیان 1:20

اون مسیحٚ وأسی همه چی‌یَ خودشٚ اَمرأ آشتی بٚدأ، چی چیزأنی کی زیمینٚ رو نٚهأد و چی چیزأنی کی آسمأنٚ دورون ایسأده و اونی خونٚ اَمرأ کی صلیبٚ سٚر فووُسته، صولح و آشتی‌یَ چأکوده.

اوّل تیموتائوس 1:17

ایحترأم و جلال خودایی رِه سزأوأره کی تومأمٚ زمأتأنٚ پأدیشأ ایسه. اونَ نشأ دِئن و جٚه بین شؤئؤنی نییٚه. فقد، اون خودایه و اون کلّ دأنأییأن ایسٚه. آمین!

۱پطرس 1:12

تأ اَنکی خودا اَشأنٚ رِه وأگویا بوکود کی اَ مأجرأیأن تأ او وخت کی اَشأن زٚنده‌یٚد ایتفأق دنکفِه، بلکی بعدٚ اَنکی بٚمٚردٚده ایتأ طولانی سالأنٚ میأن ایتفأق دکفه. و آخر پٚسی او دورانی کی اَسه اَمأن اونی میأن زٚندیگی کونیم فأرٚسِه و اَ پیغأمٚ نیجأتٚ ینی خورومٚ خٚوٚرٚ پیغأمٚ همٚتأن رِه موشخص و آشیکأرأ وأگویا بوبوسته. اوشأنی کی اَ پیغأمَ شٚمٚره برسأنِیید روح‌القدس قودرتٚ اَمرأ اونَ وأگویا بوکودٚد، هو آسمأنی روح‌القدس کی پیغمبرأنٚ اَمرأ گب زِئی. اَ پیغأم چنأن عالی و پیلّه بو کی حتّا آسمأنٚ فٚرٚشته‌یأنم موشتأقده کی اونٚ فأندٚرٚد.