لوقا 17:24 - Gilaki New Testament

²⁴ هطو کی ایتأ برق آسمأن جَا دتأوٚه و آسمأنَ جٚه اَ طرف تأ او طرفٚ روشنَ کونه، اینسأنٚ پٚسرٚ اَمؤنٚم اَطویی ایسه.

کیتاب مقدّس به گیلکی (رشتی)

²⁴ چونکی اینسأنٚ پسرٚ اَمون عینٚ گورخانه مأنستن به، کی اَ سر تا او سرٚ آسمانَ روشنَ کونه.

کتاب مقدس به زبان گیلکی - گویش شرقی

²⁴ چونکه برق مورسون یکته دَم میئن فوتؤنه و آسمؤنِ از ایی سو تا اوسو روشنَ کؤئنه، انسون ریکه هم خوشِ روز میئن هیطو بنه.

کتاب مقدس به زبان گیلکی - گویش رشت و غرب گیلان

²⁴ چونکی ایتا برخ مانستن ایواری آسمانَ جه اَ طرف تا اُ طرف فتاوه و روشنا کونه، انسان پسر ئم خو روج درون اَطو به.

لوقا 17:24 ပူးပေါင်းရင်းမြစ်များ

متّی 24:27

چون هوطویی کی گؤرخأنه ایتأ لحظه دورون جٚه شرق تأ غربَ روشنٚ کونه، اینسأنٚ پٚسرٚ اَمؤنٚم هطویی به.

متّی 24:30

«و آخرپٚسی اینسأنٚ پٚسرٚ اَمؤن، آسمأنٚ دورون ظأهیرَ به. بأزین مردوم دونیأ دورون اَ سٚر تأ او سٚر عزأ گیرده و اینسأنٚ پٚسرَ دینٚده کی آسمأنٚ اَبرأنٚ رو، پیله شوکو و قودرتٚ اَمرأ اَمؤن دٚرٚه.

متّی 25:31

«او زمأت کی من، ینی او مسیحی کی وأستی بأیِه، می شوکو و جلالٚ اَمرأ و تومأمٚ می فٚرٚشته‌یأنٚ اَمرأ بأیٚم، بأزون می پور شوکو تختٚ رو نیشینم.

متّی 26:64

عیسا جوأب بٚدأ: «تو خودت گی! و منم شٚمٚره گم کی بأزین اینسأنٚ پٚسرَ دینیدی کی خودا رأستٚ دٚس نیشته و آسمأنٚ اَبرأنٚ سٚر اَیِه.»

متّی 5:15

هطویم چرأغَ روشن نوکونٚده کی ایتأ کأسه جیر بٚنٚد، بلکی اونَ چرأغ‌پأیه رو نَهَد کی خأنه دورون همٚتأنٚ رِه، نور دتأوٚه.

اوّل قرنتیان 1:8

خودایٚم شیمی ایمأنَ تأ او روج کی عیسا مسیح وأگرده قأیم دأره، کی او روجٚ میأن هرتأ گونأ و خطأ جَا پأک و آزأد بٚحیسأب بأیید.

اوّل تسالونیکیان 5:2

چونکی شومأن خٚیلی خُب دأنیدی کی هیکس اونی وأگردٚستنٚ زمأتَ نأنِه. خوداوندٚ روج هچین ایتأ شب دوزدٚ مأنستَن، ایوأرکی اَیِه.

دوم تسالونیکیان 2:2

ولأنید اوشأنی وأسی کی گده خوداوندٚ روج، جٚه اَسه شورو بوبوسته، شیمی فیکرأن، رأحت سوست و پریشأنَ بد. اوشأنی گبأنَ بأوٚر نوکونید، حتّا اگه ایدعأ بٚدأرٚد کی نوبوّت یا کی ایلهأمی دأرٚده یا ایتأ نأمه جَا کی وأنمود کونٚده اَمی جَا ایسه ایتکأ بوکونٚد.

دوم تسالونیکیان 2:8

بأزون او شرورٚ مٚردأی ظأهیرَ بِه. امّا او وختی کی اَمی خوداوند عیسا وأگردٚه، خو دٚهٚن نَفسٚ اَمرأ اونَ هلأکٚ کونِه و خو حوضورٚ اَمرأ اونَ جٚه بین بٚره.

یعقوب 5:8

پس شومأنم صبر بٚدأرید و یقین بٚدأرید کی خوداوند زود وأگرده.

دوم پطرس 3:10

هنٚ بدأنید کی خوداوندٚ روجٚم حتمن فأرٚسِه، اونم ایتأ دوزد مأنستَن کی همٚتأنَ غأفیلگیرَ کونِه. او روجٚ میأن، آسمأنأن ایتأ وأشتنأکٚ ایجگره اَمرأ جٚه بین شٚده و آسمأنٚ ستأره‌یأن آتشٚ دورون جٚه بین شٚده، زیمین و هر چی کی اونی دورون نٚهأ آشیکأرَ بِه.