لوقا 14:32 - Gilaki New Testament

³² اگه بیدِه کی اَ کأرَ نتأنه بوکونه، هنو دوشمنٚ لشکر نیزدیکٚ نوبوسته، ای عیده نمأینده اوسه کونه کی آشتی کودنٚ وأسی گب گب بٚزٚنٚد.

کیتاب مقدّس به گیلکی (رشتی)

³² اگه دینه کی نتأنه او لشکرَ شکست بده، هنوز کی دوشمن دور ایسَه وأستی قاصدَ اوسه کونه کی صلح کودنٚ شرایطَ وأورسه.

کتاب مقدس به زبان گیلکی - گویش شرقی

³² و اَگه بَینی که منئه اونه جلو بیسی، اوزمون تا دشمن لشکر حله نرسه یکته نماینده سرادِئنه تا چوطو صلح بکونن.

کتاب مقدس به زبان گیلکی - گویش رشت و غرب گیلان

³² و اَگه بیدینه کی نتانه اون جُلُو بئسه، اُ موقع تا دُشمندِ لشکر فانرسِه، ایتا نماینده روانه کونه تا واورسه کی چُطو صُلح بُکونید.

لوقا 14:32 ပူးပေါင်းရင်းမြစ်များ

متّی 5:25

وختی اینفر تی جَا شأکیه و تٚرَه دادگأ بردأندره، رأ دورون، تی موشکیلٚ اونی اَمرأ فیصله بٚدٚن، نوکونه کی تٚرَه قأضی‌یَ بیسپأره، و قأضی‌یٚم تٚرَه مأمورٚ دٚس فأدٚه، و زندأن دکفی؛

متّی 5:42

اگه کسی تی جَا چیزی بٚخأسته، اونَ فأدٚن؛ و اگه تی جَا قرض بٚخأسته، اونَ دٚسٚ خألی اوسه نوکون.

لوقا 12:58

وختی اینفر تی جَا شیکأیت دأره و تٚرَه دادگأ بردأندره، حقٚ سعی بٚزٚن جٚه قبلٚ اَنکی قأضی ورجأ فأرسید، اونی اَمرأ آشتی بوکونی، نوکونه کی تٚرَه قأضی ورجأ فأکشأنِه و قأضی تٚرَه پأسبأنٚ دٚس بیسپأره و پأسبأنٚم تٚرَه زندأن تأوٚده

لوقا 14:31

فیکر بوکونید ایتأ پأدیشأ خأیه ایتأ دِه پأدیشأ اَمرأ جنگستن بوکونه، اون اوّل خو موشأویرأنَ اَمرأ شورأ نِهِه کی بیدینه آیا ایتأ ده هیزأر نٚفٚری نیرو اَمرأ تأنه ایتأ بیست هیزأر نٚفٚری لشکرَ شکست بٚده یا نه.

لوقا 14:33

هطویی‌یٚم، اونی کی خأیه می شأگرد بٚبه، اوّل وأستی بینیشینه و حیسأب کیتأب بوکونه کی آیا تأنه می وأسی خو چومَ جٚه خو مأل و مینأل دٚوٚده یا نه.

لوقا 19:14

امّا ای عیده جٚه هو اوستأنٚ آدمأن کی اونی اَمرأ موخألف بود، چنتأ نمأینده پأدیشأ ورجأ اوسه کودٚد کی بٚگد دوس نأرٚده کی او نجیب زأده اوشأنی حأکیم بٚبه.

اعمالٚ رسولأن 12:20

او زمأت کی هیرودیس قیصریه میأن ایسأبو، ایتأ دسته جٚه صور و صیدونٚ موبأشرأن اونی دِئنٚ رِه بأمؤد. هیرودیس اَ دوتأ شهرٚ آدمأن جَا ایتأ جولفٚ کینه دأشتی. پس اَشأن اونی قصرٚ وزیر، بلاستوسٚ حمایتَ فأگیفتد و هیرودیسٚ جَا بٚخأستٚد کی صولح بوکونٚد، چونکی اونی سرزیمینٚ اَمرأ بیهین بوفروش کودن، اوشأنی شهرأنٚ اقتصأدٚ رِه خُب بو.