لوقا 12:58 - Gilaki New Testament

⁵⁸ وختی اینفر تی جَا شیکأیت دأره و تٚرَه دادگأ بردأندره، حقٚ سعی بٚزٚن جٚه قبلٚ اَنکی قأضی ورجأ فأرسید، اونی اَمرأ آشتی بوکونی، نوکونه کی تٚرَه قأضی ورجأ فأکشأنِه و قأضی تٚرَه پأسبأنٚ دٚس بیسپأره و پأسبأنٚم تٚرَه زندأن تأوٚده

کیتاب مقدّس به گیلکی (رشتی)

⁵⁸ وختی کسی تی جأ شاکی ایسه و خوأیه ترَ دادگاه ببره، سعی بوکون قبلٚ اونکی قاضی ورجأ بیشی و قاضی ترَ محکوم بوکونه و زندانبانٚ دس فدِه و زندانبان ترَ زندان تأودَه، تی شاکی اَمرأ آشتی بوکونی.

کتاب مقدس به زبان گیلکی - گویش شرقی

⁵⁸ زمؤنی که تی شاکی أمره حاکم ورجه شنی، تقلّا بَکون تا راهِ مِیئن اونه امره آشتی بکونی، نبی که تَه قاضی ورجه ببورن و قاضی هم تَه مأمورِ بسپوری، و زیندونِ میئن دکای.

کتاب مقدس به زبان گیلکی - گویش رشت و غرب گیلان

⁵⁸ وقتی تی شاکی مرا حاکم ورجه شی، تقلّا بُکون کی راه درون اون مرا سُلوُک بُکونی، نبه کی تره قاضی ورجه ببره و قاضی تره مأمورَ واسپاره، و خولتانک درون دکفی.

لوقا 12:58 ပူးပေါင်းရင်းမြစ်များ

متّی 18:30

ولی طلبکأر رأضی نوبو و اونَ تأودأ زندأن کی اونی پولٚ تومأم و کمأل فأدَه.

دوم قرنتیان 6:2

چونکی خودا فٚرمأیه: «تی ایجگره‌یَ مونأسبٚ وختٚ دورون بشتأوستم. نیجأتٚ روج میأن، تی کومک رِه بودووٚستم.» اَسه هو «مونأسبٚ وخت» ایسه. ایمرو هو «نیجأتٚ روج» ایسه.

۱پطرس 3:19

بأزین بوشؤ او روحأنٚ ورجأ کی زندأنی بود و خوروم خٚوٚرٚ اوشأنٚ برسأنه،

دوم پطرس 1:15

اَنٚ وأسی حقٚ سعی زنٚم اَ نوکتٚه‌یأنَ جوری شیمی فیکر و ذهنٚ دورونی نقش دٚوٚدٚم کی حتّا او وخت کی من بٚمٚردٚم بتأنید اوشأنَ بٚخأطر بأوٚرید.

یهودا 1:3

اَی جأنٚ دیلأن، ذوق دأشتیم کی دروأره‌یٚ او نیجأت کی خوداوند اَمٚرَه بٚبخشه، چن خطی شِمِره بینیویسٚم. ولی اَسه لأزیم دأنٚم، ایتأ دِه مطلب اونی عوض بینیویسٚم کی شٚمٚره تِشویق بوکونم جٚه او ایمأنی کی خودا ایوأر همیشٚکٚ رِه خو موقدسٚ آدمأنَ بیسپأرده، حقٚ سعی اَمرأ دفأع بوکونید.

موکأشفه 20:7

او هیزأر سألٚ تومأنَ بوستنٚ پٚسی، شیطان زندأن جَا آزأدَ بِه.